KA BUKE NO DANIʻELA 2:44 - Ka Baibala Hemolele

⁴⁴ “Ma nā lā o kēia poʻe aliʻi, e kūkulu mai ai ke Akua o ka lani i aupuni mau loa, ʻaʻole hoʻi e hoʻohiolo ʻia ia aupuni; ʻaʻole naʻe ia e lilo no ka lāhui kanaka ʻē; akā, iā ia nō e weluwelu liʻiliʻi auaneʻi a okaoka loa kēia mau aupuni a pau, a e mau loa aku ana nō ia.

KA BUKE NO DANIʻELA 2:44 Iomraidhean Croise

KA BUKE MUA A MOSE, I KAPA ʻIA KINOHI 49:10

“ʻAʻole e lilo aku ke koʻokoʻo aliʻi mai o Iuda aku, ʻAʻole hoʻi ka mea wehewehe kānāwai mai waena aku o kona mau wāwae, A hiki mai ai ʻo Silo; A iā ia ke ʻākoakoa ʻana aʻe o nā kānaka.

KA BUKE ʻALUA A SAMUʻELA 7:13

“Nāna nō e hana i hale no koʻu inoa, a e hoʻokūpaʻa hoʻi au i ka noho aliʻi o kona aupuni a mau loa aku.

KA BUKE ʻALUA A SAMUʻELA 7:16

“A e hoʻokūpaʻa mau loa ʻia aku kāu ʻohana a me kou aupuni i mua ou; e hoʻokūpaʻa ʻia hoʻi kou noho aliʻi a mau loa aku.”’”

KA BUKE O NĀ HALELŪ 145:13

He aupuni mau loa nō kou aupuni, A ua mau hoʻi kou aliʻi ʻana, a i nā hanauna a pau.

KA WĀNANA A ʻISAIA 60:12

“No ka mea, ʻo ka lāhui kanaka, a me ke aupuni hoʻokauā ʻole nāu, e make ia; ʻO ia, e ʻānai loa ʻia kēlā mau lāhui kanaka.

KA WĀNANA A ʻEZEKIʻELA 37:25

“A e noho lākou ma ka ʻāina aʻu i hāʻawi aku ai i kuʻu kauā iā Iakoba, kahi i noho ai ko ʻoukou mau mākua; a e noho lākou ma laila, ʻo lākou, a me kā lākou poʻe keiki, a me ka poʻe keiki a kā lākou poʻe keiki a mau loa aku; a e mau ana nō ko kaʻu kauā ko Dāvida aliʻi ʻana no lākou.

KA BUKE NO DANIʻELA 2:28

“Akā, aia ma ka lani ke Akua, ka Mea e hōʻike mai i nā mea i ʻike ʻole ʻia; ʻo ia ka Mea e hōʻike mai i ke aliʻi, iā Nebukaneza i nā mea e hiki mai ana i nā lā ma hope. ʻO kāu moeʻuhane, a me ka liʻa o kou poʻo ma kou wahi moe, penei nō ia.

KA BUKE NO DANIʻELA 2:34

“ʻIke akula ʻoe, aia hoʻi, he pōhaku i kālai lima ʻole ʻia, ʻo ia kai kuʻi mai i ua kiʻi lā ma kona mau kapuaʻi hao me ka pālolo, a weluwelu iho ia.

KA BUKE NO DANIʻELA 2:35

“A laila, ua okaoka loa ihola ka hao, a me ka pālolo, a me ke keleawe, ke kālā, a me ke gula; a ua lilo lākou me he ʻōpala lā ma ke kahua hehi o ke kau; a ua puhi ʻia hoʻi e ka makani, ʻaʻole wahi i loaʻa no lākou; akā, ʻo ua pōhaku lā i kuʻi i ke kiʻi, ua lilo ia i mauna nui a piha ka honua iā ia.

KA BUKE NO DANIʻELA 2:37

“ʻO ʻoe nō, e ke aliʻi, he aliʻi ʻoe o nā aliʻi; a ua hāʻawi mai nō ke Akua o ka lani iā ʻoe i ke aupuni, a me ka mana, a me ka ikaika, a me ka hanohano.

KA BUKE NO DANIʻELA 2:43

“A me kou ʻike ʻana i ka hao i hui pū ʻia me ka pālolo, pēlā lākou i hui pū ʻia ai me ka hua o kānaka; ʻaʻole naʻe e pili pono kekahi i kekahi, e like me ka hao, ʻaʻole pili pono i ka pālolo.

KA BUKE NO DANIʻELA 4:3

“He manomano kona mau hōʻailona, A he kupaianaha hoʻi kāna mau hana mana! ʻO kona aupuni, he aupuni mau loa ia, A ʻo kona aliʻi ʻana, mai ia hanauna aku ia, a ia hanauna aku.

KA BUKE NO DANIʻELA 4:34

¶ “I ka pau ʻana o ua mau lā lā, ʻo wau ʻo Nebukaneza, ua leha aʻe au i kuʻu mau maka i ka lani, a hoʻi mai iaʻu kuʻu ʻike; a hoʻomaikaʻi aku au i ka Mea Kiʻekiʻe, hoʻonani aku au, a hoʻomana hoʻi i ka Mea e ola mau ana, Ua mau loa kona aliʻi ʻana, A ʻo kona aupuni ia hanauna aku a ia hanauna aku.

KA BUKE NO DANIʻELA 6:26

“Ke kau nei au i ʻōlelo paʻa, i haʻalulu nā kānaka ma nā ʻāina a pau o koʻu aupuni, i makaʻu hoʻi i mua o ke Akua o Daniʻela; No ka mea, ʻo ia ke Akua ola, ua paʻa mau loa ia, A ʻo kona aupuni, ʻo ia ka mea e ʻānai ʻole ʻia, A ʻo kona aliʻi ʻana, e mau loa ana ia.

KA BUKE NO DANIʻELA 6:27

“Ke hoʻopakele mai nei ʻo ia, a hoʻōla mai nō hoʻi, ke hana mai nei ʻo ia i nā hana mana, a me nā mea kupaianaha Ma ka lani a ma ka honua, ʻO ia kai hoʻopakele mai iā Daniʻela mai ka ikaika o nā liona mai.”

KA BUKE NO DANIʻELA 7:27

‘Akā, ʻo ke aupuni, a me ke aliʻi ʻana, a ʻo ka nani o ke aupuni ma lalo iho o nā lani a puni, e hāʻawi ʻia mai i nā kānaka haipule o ka Mea Kiʻekiʻe, ʻo kona aupuni he aupuni mau loa ia; a ʻo nā aliʻi a pau, e hoʻokauā aku, a e mālama aku nō hoʻi iā ia.’

KA BUKE NO DANIʻELA 8:25

“A ma kona maʻalea hoʻi, E hoʻolanakila ʻo ia i ka hana maʻalea a kona lima; E hoʻokiʻekiʻe ʻo ia iā ia iho i loko o kona naʻau, A i ka wā maluhia, e luku aku ia i nā lehulehu; A e kūʻē nō hoʻi ia i ke Aliʻi o nā aliʻi; Akā, e okaoka liʻiliʻi nō ia me ka lima ʻole.

MIKA 4:7

“A e hoʻolilo au i ka mea ʻoʻopa i koena, A i ka mea i hoʻokuke lōʻihi ʻia aku, i lāhui kanaka ikaika; A e noho aliʻi ʻo Iēhova ma luna o lākou ma ka mauna ʻo Ziona, Mai ia manawa aku, a i ka wā mau loa aku nō.

HAGAI 2:22

‘A e hoʻokahuli au i ka noho aliʻi o nā aupuni, a e hoʻolilo au i ka ikaika o nā aupuni kanaka ʻē i mea ʻole; e hoʻokahuli hoʻi au i nā hale kaʻa a me ka poʻe holo ma loko; a e hāʻule iho auaneʻi nā lio a me nā hoʻoholo lio, ʻo kēlā mea kēia mea o lākou, i ka pahi kaua a kona hoahānau.’

HAGAI 2:7

‘A e hoʻonaue hoʻi au i nā lāhui kanaka a pau, a e hele mai auaneʻi ka mea i makemake ʻia e nā lāhui kanaka a pau, a e hoʻopiha auaneʻi au i kēia hale i ka nani,’ wahi a Iēhova o nā kaua.

KA ʻEUANELIO I KĀKAU ʻIA AI E MATAIO 28:18

Hele maila ʻo Iesū, ʻōlelo maila iā lākou, ʻī maila, “Ua hāʻawi ʻia mai iaʻu ka mana a pau ma ka lani a ma ka honua nei.

KA ʻEUANELIO I KĀKAU ʻIA AI E IOANE 12:34

ʻŌlelo akula nā kānaka iā ia, “Ua lohe mākou ma ke Kānāwai, e mau loa ana ka Mesia; a pehea lā kāu e ʻōlelo, ‘E kaulia i luna ke Keiki a ke Kanaka e pono ai?’ ʻO wai lā ia Keiki a ke Kanaka?”

ʻO KA ʻEPISETOLE A PAULO KA LUNAʻŌLELO I KO HEBERA 12:28

No laila, i ka loaʻa ʻana iā kākou ke aupuni e hoʻonāueue ʻole ʻia, e hoʻopaʻa kākou i ke aloha, ka mea e pono ai ko kākou mālama ʻana i ke Akua, me ka mahalo, a me ka weliweli pono;

KA HŌʻIKE ʻANA A IOANE KA HAIPULE 11:15

¶ Puhi aʻela ka ʻānela ʻahiku; a nui loa ihola nā leo ma ka lani, e ʻī mai ana, “Ua lilo ke aupuni o ke ao nei no ko kākou Haku, a no kona Kristo; a ʻo ia ke Aliʻi e mau loa ana i ke ao pau ʻole.”

KA HŌʻIKE ʻANA A IOANE KA HAIPULE 2:27

a e hoʻomalu nō ʻo ia iā lākou me ke koʻokoʻo hao; me nā ipu lepo e ʻulupā ʻia ai lākou»; e like me kaʻu i loaʻa mai ai i koʻu Makua.