KA BUKE NO DANIʻELA 2:23 - Ka Baibala Hemolele

²³ “Ke hoʻomaikaʻi aku nei au iā ʻoe, e ke Akua o koʻu poʻe kūpuna, ke hoʻoleʻa aku nei au iā ʻoe, Ka Mea i hāʻawi mai iaʻu i ka naʻauao a me ka ikaika, Ka Mea i hoʻākāka mai i nā mea a mākou i noi aku ai iā ʻoe; No ka mea, ua hoʻākāka mai ʻoe iā mākou i kā ke aliʻi mea.”

KA BUKE NO DANIʻELA 2:23 Iomraidhean Croise

KA BUKE MUA A MOSE, I KAPA ʻIA KINOHI 18:17

ʻĪ aʻela ʻo Iēhova, “E hūnā anei au iā ʻAberahama i kaʻu mea e hana nei;

KA BUKE MUA A MOSE, I KAPA ʻIA KINOHI 31:42

“Inā ʻaʻole me aʻu ke Akua o koʻu kupuna kāne, ke Akua o ʻAberahama, a ʻo ka makaʻu o ʻIsaʻaka, he ʻoiaʻiʻo, inā ua hoʻihoʻi nele mai ʻoe iaʻu i nēia manawa. Ua ʻike mai nō ke Akua i koʻu pōpilikia, a me ka hana ʻana a koʻu mau lima, a ua pāpā mai iā ʻoe i ka pō nei.”

KA BUKE MUA NO NĀ ALIʻI 18:36

Eia hoʻi kekahi, i ka wā i kaumaha ai i ka mōhai ahiahi, hoʻokokoke aʻela ʻo ʻElia ke kāula, ʻī akula hoʻi, “E Iēhova ke Akua o ʻAberahama, a me ʻIsaʻaka, a me ʻIseraʻela, i kēia lā e hōʻike ʻia ai ʻo ʻoe nō ke Akua i loko o kā ʻIseraʻela, a ʻo wau nei kāu kauā, a no kāu ʻōlelo i hana aku ai au i kēia mau mea a pau.

KA BUKE MUA NO NĀ ALIʻI 8:57

“E noho Iēhova ko kākou Akua me kākou e like me ia i noho ai me ko kākou mau mākua; ʻaʻole e haʻalele mai iā kākou, ʻaʻole hoʻi e kiola iā kākou.

KA BUKE MUA O KA ʻOIHANA ALIʻI 29:10

¶ No laila, hoʻomaikaʻi akula ʻo Dāvida iā Iēhova i mua o ke anaina kanaka a pau; ʻōlelo akula ʻo Dāvida, “E hoʻomaikaʻi ʻia ʻoe, e Iēhova ke Akua o kā ʻIseraʻela, ʻo ko mākou makua, a mau loa, a mau loa aku.

KA BUKE MUA O KA ʻOIHANA ALIʻI 29:13

“No laila hoʻi, e ko mākou Akua, ke aloha aku nei mākou iā ʻoe, me ka hoʻomaikaʻi i kou inoa nani.

KA BUKE ʻALUA O KA ʻOIHANA ALIʻI 20:6

ʻŌlelo akula, “E Iēhova ke Akua o ko mākou poʻe kūpuna, ʻaʻole anei ʻoe ke Akua o ka lani? ʻAʻole anei ʻoe e noho aliʻi ana ma luna o nā aupuni a pau o nā lāhui kanaka, a i loko hoʻi o kou lima ka mana, a me ka ikaika, i hiki ʻole i kekahi ke kūʻē iā ʻoe?

KA BUKE O NĀ HALELŪ 21:2

Ua hāʻawi mai ʻoe iā ia i ka mea a kona naʻau i makemake ai; ʻAʻole ʻoe i hōʻole i ka mea a kona lehelehe i noi aku ai. Sila.

KA BUKE O NĀ HALELŪ 21:4

Ua noi aku ʻo ia iā ʻoe i ola, nāu nō ia i hāʻawi mai nona; ʻO ke ola loa i ka manawa pau ʻole.

KA BUKE O NĀ HALELŪ 25:14

ʻO ka manaʻo paʻa o Iēhova aia nō ia me ka poʻe weliweli iā ia; E hōʻike mai nō hoʻi ʻo ia i kona berita iā lākou.

KA BUKE O NĀ HALELŪ 50:14

“E mōhai i ka hoʻomaikaʻi ʻana i ke Akua; A e hāʻawi i ka Mea Kiʻekiʻe Loa i kāu mea i hoʻohiki ai nona;

KA BUKE ʻALUA A MOSE, I KAPA ʻIA PUKA ʻANA 3:15

ʻĪ hou maila ke Akua iā Mose, “Penei ʻoe e ʻōlelo aku ai i nā mamo a ʻIseraʻela, ‘Na Iēhova ke Akua o ko ʻoukou poʻe kūpuna, ke Akua o ʻAberahama, ke Akua o ʻIsaʻaka, ke Akua o Iakoba, ʻo wau i hoʻouna mai i o ʻoukou nei! ʻO ia nō koʻu inoa mau loa, ʻo ia hoʻi koʻu mea e hoʻomanaʻo ʻia ai ia hanauna aku ia hanauna aku.

NĀ ʻŌLELO AKAMAI A SOLOMONA 21:22

Piʻi aʻe ka mea naʻauao ma luna o ke kūlanakauhale o ka poʻe ikaika, Hoʻohiolo ʻo ia i ka ikaika a lākou i paulele ai.

NĀ ʻŌLELO AKAMAI A SOLOMONA 24:5

¶ ʻO ke kanaka naʻauao, he ikaika nō ia; E māhuahua ana nō ka ikaika o ke kanaka ʻike.

NĀ ʻŌLELO AKAMAI A SOLOMONA 8:14

“Iaʻu ka ʻike a me ke akamai; ʻO wau nō ka noʻonoʻo, iaʻu hoʻi ka ikaika.

KE KAHUNA 7:19

¶ ʻO ka naʻauao ka mea e ikaika ai ka mea naʻauao ma mua o nā kānaka koʻikoʻi he ʻumi i loko o ke kūlanakauhale.

KE KAHUNA 9:16

A laila, ʻī ihola au, “Ua ʻoi aku ka naʻauao ma mua o ka ikaika”; akā hoʻi, ua hoʻowahāwahā ʻia ka naʻauao o ka mea ʻilihune, ʻaʻole hoʻi i hoʻolohe ʻia kāna ʻōlelo.

KE KAHUNA 9:18

Ua ʻoi aku ka naʻauao ma mua o nā mea kaua; akā hoʻi, ua hoʻohiolo ke kanaka hewa hoʻokahi i ka maikaʻi he nui wale.

KA WĀNANA A ʻISAIA 12:1

¶ Ia lā lā, e ʻōlelo aku nō ʻoe, “E hoʻoleʻa aku au iā ʻoe, e Iēhova, No ka mea, i huhū mai ʻoe iaʻu ma mua, Akā, ua huli aku kou huhū, A ua hoʻomaha mai ʻoe iaʻu.

KA WĀNANA A IEREMIA 33:3

‘E hea mai ʻoe iaʻu, a e ō aku nō wau iā ʻoe, a e hōʻike aku iā ʻoe i nā mea nui a paʻakikī, aʻu i ʻike ʻole ai.’

KA BUKE NO DANIʻELA 1:17

¶ A ʻo kēia mau keiki ʻehā, hāʻawi maila ke Akua iā lākou i ka ʻike, a me ke akamai ma nā mea a pau i palapala ʻia, a me ka naʻauao; a ʻo Daniʻela, ua ʻike ʻo ia i ka hoʻākāka i nā akakū a pau a me nā moeʻuhane.

KA BUKE NO DANIʻELA 2:18

i noi aku lākou i ke aloha no ke Akua mai o ka lani, no kēia mea i ʻike ʻole ʻia, i ʻole e make pū ʻo Daniʻela a me kona mau hoa me nā kānaka naʻauao ʻē aʻe ma Babulona.

ʻAMOSA 3:7

No ka mea, ʻaʻole e hana mai ʻo Iēhova ka Haku i kekahi mea, Ke hōʻike ʻole mai ia i kona mea huna i kāna mau kauā, i nā kāula.

KA ʻEUANELIO I KĀKAU ʻIA AI E MATAIO 11:25

¶ Ia wā lā, ʻōlelo akula ʻo Iesū, ʻī akula, “Ke aloha aku nei au iā ʻoe, e ka Makua, ka Haku o ka lani a me ka honua; no ka mea, ua hūnā ʻoe i kēia mau mea i ka poʻe akamai a me ka poʻe maʻalea, a ua hōʻike mai ʻoe ia mau mea i nā keiki ʻuʻuku.

KA ʻEUANELIO I KĀKAU ʻIA AI E LUKA 10:21

¶ Ia manawa, hauʻoli ihola ʻo Iesū ma ka ʻUhane, a ʻōlelo akula, “Ke hoʻomaikaʻi nei au iā ʻoe, e ka Makua, ka Haku o ka lani a me ka honua; no ka mea, ua hūnā ʻoe i kēia mau mea i ka poʻe naʻauao, a me ka poʻe akamai, a ua hōʻike mai nei ʻoe ia i nā keiki hou. ʻOiaʻiʻo nō, e ka Makua; no ka mea, ʻo ka pono nō ia iā ʻoe.

KA ʻEUANELIO I KĀKAU ʻIA AI E IOANE 11:41

A laila lawe aʻela lākou i ka pōhaku mai kahi o ka mea make i waiho ai. A leha aʻela ʻo Iesū i kona mau maka i luna, a ʻī akula, “E ka Makua, ke hoʻomaikaʻi aku nei au iā ʻoe, no kou hoʻolohe ʻana iaʻu.

KA ʻEUANELIO I KĀKAU ʻIA AI E IOANE 15:15

“ʻAʻole au e kapa hou aku iā ʻoukou he poʻe kauā; no ka mea, ʻaʻole e ʻike ke kauā i ka mea a kona haku e hana ai; akā, ua kapa aku au iā ʻoukou he poʻe hoaaloha; no ka mea, ua hōʻike aku au iā ʻoukou i nā mea a pau aʻu i lohe ai i koʻu Makua.

KA HŌʻIKE ʻANA A IOANE KA HAIPULE 1:1

¶ Ka Hōʻike ʻana a Iesū Kristo, ka mea a ke Akua i hāʻawi mai ai iā ia, e hōʻike mai i kāna poʻe kauā i nā mea e hiki koke mai ana; a ma kona ʻānela i hoʻouna mai ai ʻo ia, a hōʻike maila hoʻi i kāna kauā iā Ioane;

KA HŌʻIKE ʻANA A IOANE KA HAIPULE 5:5

ʻĪ maila kekahi o nā lunakahiko iaʻu, “Mai uē ʻoe; aia hoʻi ua lanakila maila ka Liona o ka ʻohana a Iuda, ka Mamo a Dāvida, e wehe i ua buke nei, a e ʻākaʻa i kona mau wepa ʻehiku.”