KA BUKE NO DANIʻELA 2:18 - Ka Baibala Hemolele

¹⁸ i noi aku lākou i ke aloha no ke Akua mai o ka lani, no kēia mea i ʻike ʻole ʻia, i ʻole e make pū ʻo Daniʻela a me kona mau hoa me nā kānaka naʻauao ʻē aʻe ma Babulona.

KA BUKE NO DANIʻELA 2:18 Iomraidhean Croise

KA BUKE MUA A MOSE, I KAPA ʻIA KINOHI 18:28

“A i emi mai nā mea ʻelima o ka poʻe pono he kanalima; e luku anei ʻoe ia kūlanakauhale a pau no ia mau mea ʻelima?” ʻĪ maila kēlā, “A i loaʻa iaʻu i laila he kanahā a me kumamālima, ʻaʻole au e luku aku.”

KA BUKE O NĀ HALELŪ 136:26

E mililani aku i ke Akua o ka lani, No ka mea, ua mau loa kona lokomaikaʻi.

KA BUKE O NĀ HALELŪ 50:15

“A e kāhea mai iaʻu i ka lā pōpilikia; A e hoʻopakele au iā ʻoe, a e hoʻonani mai nō hoʻi ʻoe iaʻu.”

KA BUKE O NĀ HALELŪ 91:15

“E kāhea mai nō ʻo ia iaʻu, a e pane aku au iā ia; ʻO wau pū me ia ma loko o ka pōpilikia; Naʻu nō ia e hoʻopakele aʻe, a e hoʻohanohano nō hoʻi iā ia.

KA WĀNANA A ʻISAIA 37:4

‘Malia paha e lohe ʻo Iēhova, kou Akua, i nā ʻōlelo a Rabesake, ka mea a ke aliʻi o ʻAsuria, a kona haku i hoʻouna ai e hōʻino ai i ke Akua ola, a e hoʻopaʻi hoʻi i nā ʻōlelo a Iēhova a kou Akua i lohe ai. No laila, e pule aku ʻoe no ke koena o nā kānaka i ʻike ʻia.’”

KA WĀNANA A IEREMIA 33:3

‘E hea mai ʻoe iaʻu, a e ō aku nō wau iā ʻoe, a e hōʻike aku iā ʻoe i nā mea nui a paʻakikī, aʻu i ʻike ʻole ai.’

KA WĀNANA A ʻEZEKIʻELA 36:37

¶ ‘Ke ʻī mai nei Iēhova ka Haku, penei, “E nīnau ʻia hoʻi au no kēia e ka ʻohana a ʻIseraʻela, e hana aku ia mea no lākou; e hoʻonui aku au iā lākou i kānaka me he ʻohana hipa lā.

KA BUKE NO DANIʻELA 2:23

“Ke hoʻomaikaʻi aku nei au iā ʻoe, e ke Akua o koʻu poʻe kūpuna, ke hoʻoleʻa aku nei au iā ʻoe, Ka Mea i hāʻawi mai iaʻu i ka naʻauao a me ka ikaika, Ka Mea i hoʻākāka mai i nā mea a mākou i noi aku ai iā ʻoe; No ka mea, ua hoʻākāka mai ʻoe iā mākou i kā ke aliʻi mea.”

KA BUKE NO DANIʻELA 3:17

“Inā pēlā, ʻo ko mākou Akua ka mea a mākou e mālama nei, e hiki nō iā ia ke hoʻopakele iā mākou mai ka umu ahi e ʻaʻā ana, a e hoʻopakele nō hoʻi iā mākou mai kou lima aku, e ke aliʻi.”

KA BUKE NO DANIʻELA 4:26

‘A e like me ka mea i ʻōlelo ʻia, e waiho ʻia ke kumu o nā aʻa o ua lāʻau lā; eiʻa, a ʻike ʻoe no nā Lani mai ke aliʻi ʻana, a laila e paʻa ai iā ʻoe kou aupuni.

IONA 1:9

ʻĪ maila ʻo ia iā lākou, “He Hebera nō wau; a ke makaʻu nei au iā Iēhova ke Akua o ka lani, nāna i hana ke kai, a me ka ʻāina maloʻo.”

MALAKI 3:18

A laila, e huli mai auaneʻi ʻoukou, a e nānā maopopo i waena o ka poʻe pono a ʻo ka poʻe hewa, i waena hoʻi o ka mea mālama i ke Akua, a me ka mea mālama ʻole.

KA ʻEUANELIO I KĀKAU ʻIA AI E MATAIO 18:12

“He aha ko ʻoukou manaʻo? Inā paha hoʻokahi haneri hipa a kekahi kanaka, a ua ʻauana kekahi o lākou, ʻaʻole anei ia e waiho i ka poʻe kanaiwakumamāiwa, a hele aku ma nā mauna e ʻimi i ka mea i nalowale?

KA ʻEUANELIO I KĀKAU ʻIA AI E MATAIO 18:19

“Eia hou, ke ʻōlelo aku nei hoʻi au iā ʻoukou, inā paha ʻelua o ʻoukou ma ka honua nei e manaʻo like i kekahi mea a lāua e noi ai, e hāʻawi ʻia aku hoʻi ia na lāua e koʻu Makua i ka lani.

NĀ ʻOIHANA A KA POʻE LUNAʻŌLELO 12:4

A paʻa, a laila hahao akula ʻo ia iā ia i loko o ka hale paʻahao, a hāʻawi akula iā ia i kekahi poʻe koa, ʻehā kāuna, na lākou e mālama. Manaʻo ihola ia, a pau ka Mōliaola, a laila e lawe mai iā ia i mua o nā kānaka.

ʻO KA ʻEPISETOLE A PAULO KA LUNAʻŌLELO I KO ROMA 15:30

¶ Ke nonoi aku nei au iā ʻoukou, e nā hoahānau, no ko kākou Haku no Iesū Kristo, a no ke aloha o ka ʻUhane, e hoʻoikaika pū ʻoukou me aʻu i ka pule i ke Akua noʻu;

ʻO KA ʻEPISETOLE HOʻOLAHA ʻALUA A PETERO 2:9

ua ʻike nō ka Haku e hoʻopakele aʻe i ka poʻe haipule mai ka hoʻowalewale ʻia aʻe, a e hoʻāna ʻē hoʻi i ka poʻe hewa, no ka lā hoʻokolokolo i hoʻopaʻi ʻia mai lākou.

KA BUKE MUA A SAMUʻELA 17:37

ʻĪ akula hoʻi ʻo Dāvida, “ʻO Iēhova, ka mea nāna au i hoʻopakele mai ka wāwae aku o ka liona, a mai ka wāwae aku o ka bea, nāna nō au e hoʻopakele mai ka lima aku o kēia kanaka Pilisetia.” ʻĪ maila ʻo Saula iā Dāvida, “Ō hele, ʻo Iēhova pū kekahi me ʻoe!”