KA BUKE NO DANIʻELA 2:11 - Ka Baibala Hemolele

¹¹ “A he mea pohihihi kēia mea a ke aliʻi i koi mai nei: ʻaʻole loa he mea e hiki ke hoʻākāka ia mea i mua o ke aliʻi; akā, ʻo nā akua wale nō, nā mea i noho pū ʻole me kānaka.”

KA BUKE NO DANIʻELA 2:11 Iomraidhean Croise

KA BUKE MUA A MOSE, I KAPA ʻIA KINOHI 41:39

A ʻōlelo akula ʻo Paraʻo iā Iosepa, “No ka mea, ua hōʻike mai ke Akua ia mea a pau iā ʻoe, ʻaʻohe mea ʻē aʻe e like me ʻoe, ka naʻauao a me ke akamai.

KA BUKE MUA A MOSE, I KAPA ʻIA KINOHI 41:8

A ao aʻela ʻānoninoni ihola kona naʻau; hoʻouna akula ia e kiʻi i nā kilo a pau o ʻAigupita, a me nā kānaka naʻauao a pau o ia wahi; a haʻi akula ʻo Paraʻo iā lākou i kāna mau moe; ʻaʻohe mea nāna i hoʻākāka mai i ke ʻano o ua mau moe nei a Paraʻo.

KA BUKE MUA NO NĀ ALIʻI 8:27

¶ “Akā hoʻi, e noho ʻiʻo mai anei ke Akua ma ka honua anei? Aia hoʻi! ʻAʻole e hiki i nā lani a me nā lani o nā lani ke ʻapo iā ʻoe; ʻaʻole loa hoʻi kēia hale aʻu i kūkulu aʻe nei!

KA BUKE ʻALUA O KA ʻOIHANA ALIʻI 6:18

¶ “Akā, he mea ʻoiaʻiʻo anei, e noho ana ke Akua me kānaka ma ka honua? Aia hoʻi, he ʻuʻuku iā ʻoe ka lani, a me ka lani o nā lani! Pehea hoʻi kēia hale aʻu i hana ai!

KA BUKE O NĀ HALELŪ 132:14

“Eia koʻu wahi e hoʻomaha ai, a hiki i ka manawa pau ʻole; Ma ʻaneʻi nō wau e noho ai; no ka mea, Ua makemake nō au ia.

KA BUKE O NĀ HALELŪ 68:18

Ua piʻi aʻe ʻoe i luna, ua lawe pio ʻoe i ke pio ʻana; Ua loaʻa nō iā ʻoe nā haʻawina no nā kānaka, ʻO ia, no ka poʻe kipikipi kekahi i noho pū mai ai ke Akua ka Haku.

KA BUKE ʻALUA A MOSE, I KAPA ʻIA PUKA ʻANA 29:45

“A e noho nō wau i waenakonu o nā mamo a ʻIseraʻela, a ʻo wau auaneʻi ko lākou Akua.

KA BUKE ʻALUA A MOSE, I KAPA ʻIA PUKA ʻANA 8:19

A laila ʻōlelo aʻela nā māgoi iā Paraʻo, “Eia nō ka lima o ke Akua.” Ua hoʻopaʻakikī ʻia nō naʻe ko Paraʻo naʻau; ʻaʻole ia i hoʻolohe i kā lāua, e like me kā Iēhova i ʻōlelo mai ai.

KA WĀNANA A ʻISAIA 47:12

¶ “E kū mai hoʻi ʻoe me kou hoʻopiʻopiʻo ʻana, A me kou kilokilo ʻana, he nui loa, Me ka mea āu i hoʻoikaika ai, mai kou wā ʻōpiopio mai; Inā paha e hiki iā ʻoe ke hoʻopōmaikaʻi ʻia, Inā paha e kū lanakila ʻoe.

KA WĀNANA A ʻISAIA 57:15

No ka mea, penei ka ʻōlelo ʻana mai a ka Mea i hāpai ʻia, Ka Mea i hoʻokiʻekiʻe hoʻi, e noho ana ma ke ao pau ʻole, ʻO Hemolele kona inoa; “E noho nō au ma kahi kiʻekiʻe, a hemolele hoʻi, Me ka mea hoʻi i mihi, a haʻahaʻa hoʻi ka ʻuhane, E hoʻomaha i ka ʻuhane o ka mea haʻahaʻa, A e hoʻomaha hoʻi i ka naʻau o ka poʻe mihi.

KA WĀNANA A ʻISAIA 8:18

Eia hoʻi au, a me nā keiki a Iēhova i hāʻawi mai ai naʻu, i mau hōʻailona, a i mau ʻōuli hoʻi ma loko o kā ʻIseraʻela, mai Iēhova o nā kaua mai, ka Mea e noho lā ma ka mauna ʻo Ziona.

KA BUKE NO DANIʻELA 4:4

¶ “ʻO wau, ʻo Nebukaneza, ua noho maluhia au i loko o koʻu hale, a pōmaikaʻi nō au ma kuʻu hale aliʻi.

KA BUKE NO DANIʻELA 5:11

“No ka mea, e noho ana ke kanaka i loko o kou aupuni, aia i loko ona ka ʻuhane o nā akua hemolele; a i nā lā o kou makua, ua loaʻa i loko ona ka mālamalama, a me ka naʻauao, a me ke akamai, e like me ke akamai o nā akua; ka mea a ke aliʻi a Nebukaneza, a kou makua, a ke aliʻi kou makua nō, i hoʻonoho ai i aliʻi ma luna o nā kākau ʻōlelo, a me nā māgoi, a me ka poʻe Kaledea, a me ka poʻe kilokilo.

IOʻELA 3:21

No ka mea, e huikala aku au i ko lākou koko, aʻu i huikala ʻole aku ai; A e noho ana ʻo Iēhova ma Ziona.

KA BUKE ʻAHĀ A MOSE, I KAPA ʻIA NĀ HELU 35:34

‘No laila, mai hoʻohaumia ʻoukou i ka ʻāina a ʻoukou e noho ai, kahi hoʻi aʻu e noho ai; no ka mea, ʻo wau ʻo Iēhova e noho nei i waena o ka poʻe mamo a ʻIseraʻela.’”

KA ʻEUANELIO I KĀKAU ʻIA AI E MATAIO 19:26

Nānā maila ʻo Iesū iā lākou, ʻī maila, “He mea hiki ʻole ia i kānaka; akā, e hiki ʻiʻo nō nā mea a pau i ke Akua.”

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

KA ʻEUANELIO I KĀKAU ʻIA AI E IOANE 14:17

“ʻO ia ka ʻUhane ʻoiaʻiʻo, ka mea hiki ʻole ke loaʻa i ko ke ao nei; no ka mea, ʻaʻole lākou e nānā iā ia, ʻaʻole hoʻi e ʻike iā ia; akā, ke ʻike nei ʻoukou iā ia; no ka mea, ke noho nei ia me ʻoukou, a i loko o ʻoukou.

KA ʻEUANELIO I KĀKAU ʻIA AI E IOANE 14:23

ʻŌlelo maila ʻo Iesū, ʻī maila iā ia, “Inā e aloha mai kekahi iaʻu, e mālama nō ia i kaʻu ʻōlelo; a e aloha mai nō hoʻi koʻu Makua iā ia, a e hele mai māua i ona lā, a e noho pū me ia.

ʻO KA ʻEPISETOLE LUA A PAULO KA LUNAʻŌLELO I KO KORINETO 6:16

Pehea hoʻi e kū like ai ka luakini o ke Akua me ko nā kiʻi? No ka mea, ʻo ʻoukou ka luakini o ke Akua ola; e like me kā ke Akua i ʻōlelo mai ai, “«E noho pū auaneʻi au me lākou, a e hele pū hoʻi; ʻO wau auaneʻi ko lākou Akua, a ʻo lākou hoʻi auaneʻi koʻu poʻe kānaka».”

KA HŌʻIKE ʻANA A IOANE KA HAIPULE 21:3

A lohe akula au i ka leo nui, mai ka lani mai, i ka ʻī ʻana, “Aia ka halelewa o ke Akua me kānaka, a e noho ana ʻo ia me lākou, a e lilo lākou i kānaka nona, a e noho pū ke Akua me lākou i Akua no lākou.