KA BUKE NO DANIʻELA 12:9 - Ka Baibala Hemolele

⁹ ʻŌlelo maila ʻo ia, “Ō hele ʻoe, e Daniʻela; no ka mea, ua hoʻopaʻa ʻia kēia mau ʻōlelo, a ua hoʻopili ʻia hoʻi a hiki aku i ka manawa o ka hopena.

KA BUKE NO DANIʻELA 12:9 Iomraidhean Croise

KA WĀNANA A ʻISAIA 29:11

I like ka hōʻike ʻana a pau iā ʻoukou me nā ʻōlelo o ka buke i hoʻopaʻa ʻia i ka wepa, a i hāʻawi ʻia ia i ka mea ʻike i ka palapala, me ka ʻōlelo aku, “E heluhelu i kēia, ke noi aku nei au iā ʻoe.” A ʻī mai kēlā, “ʻAʻole hiki iaʻu; no ka mea, ua paʻa i ka wepa.”

KA WĀNANA A ʻISAIA 8:16

¶ E ʻopeʻope i ka hōʻike ʻana, e hoʻopaʻa hoʻi i ka wānana, i mua o kaʻu poʻe haumāna.

KA BUKE NO DANIʻELA 10:14

“ʻĀnō, ua hele mai nei au e hoʻākāka i ʻike ʻoe i nā mea e hiki mai ana i kou poʻe kānaka i nā lā ma hope; no ka mea, ua nui nā lā i koe o ua hihiʻo lā.”

KA BUKE NO DANIʻELA 11:40

¶ “A i ka wā ma hope e pahu aku nō ke aliʻi o ka Hema iā ia; a e hele mai nō hoʻi ke aliʻi o ka ʻĀkau me he puahiohio lā, e kūʻē mai iā ia me nā kaʻa kaua, a me nā hoʻoholo lio, a me nā moku he nui loa; a e komo ia i loko o nā ʻāina, a e hālana e hele aku ma kēlā ʻaoʻao.

KA BUKE NO DANIʻELA 12:4

“Akā, e hoʻopaʻa ʻoe, e Daniʻela, i nā ʻōlelo, a e hoʻopili i ka buke a hiki i ka hope; he nui ka poʻe e holo i ʻō a i ʻō, a e māhuahua ana nō ka ʻike.”

KA BUKE NO DANIʻELA 12:8

A lohe akula au, ʻaʻole naʻe au i hoʻomaopopo aku; a laila ʻī akula au, “E koʻu haku, he aha ka hopena o kēia mau mea?”

KA BUKE NO DANIʻELA 8:26

“A ʻo ka hihiʻo no ke ahiahi a me ke kakahiaka, Ka mea i haʻi ʻia mai, he ʻoiaʻiʻo nō ia; No ia mea, e pani ʻoe i ua hihiʻo lā; No ka mea, no nā lā he nui loa ia.”

KA HŌʻIKE ʻANA A IOANE KA HAIPULE 10:4

A i ka wā i pohā mai ai ka leo o ia mau hekili ʻehiku, ua mākaukau wau e palapala; a lohe au i ka leo, mai ka lani mai, e ʻōlelo ana, “E hoʻopaʻa ʻoe i ka wepa i nā mea a nā hekili ʻehiku i pane mai ai, mai palapala ʻoe ia mau mea.”