KA BUKE NO DANIʻELA 12:7 - Ka Baibala Hemolele

⁷ A hoʻolohe aku au i kā ua kanaka lā i hōʻaʻahu ʻia i ke olonā, ka mea ma luna o ka wai o ka muliwai, a i kona kīkoʻo ʻana i kona lima ʻākau a me kona lima hema i ka lani, a hoʻohiki ma ka Mea e ola mau loa ana, ma ka manawa, a me nā manawa, a me ka hapa o ka manawa, a hoʻopau ʻia ka hoʻopuehu ʻana i ka ikaika o ka poʻe kānaka laʻa, a laila e hoʻokō ʻia ai ia mau mea a pau.

KA BUKE NO DANIʻELA 12:7 Iomraidhean Croise

KA BUKE NO IOBA 27:2

“Ma ke ola o ke Akua, nāna i lawe aku kuʻu pono; A ma ka Mea Mana, nāna i hoʻoʻawahia kuʻu ʻuhane;

KA WĀNANA A ʻISAIA 62:12

A e kapa aku lākou ia poʻe, “He Poʻe Kānaka Hoʻāno, Ka Poʻe i Hoʻōla Pānaʻi ʻia e Iēhova”; A e kapa ʻia nō hoʻi ʻoe, ʻo “ʻImi ʻIa, He Kūlanakauhale Haʻalele ʻOle ʻIa.”

KA WĀNANA A IEREMIA 4:2

“A e hoʻohiki nō ʻoe, ‘Ke ola lā nō ʻo Iēhova, Ma ka ʻoiaʻiʻo, a ma ka pono, a ma ka maikaʻi; A e hoʻopōmaikaʻi ko nā ʻāina iā lākou iho ma ona lā, A ma ona lā lākou e kaena ai.”

KA WĀNANA A ʻEZEKIʻELA 20:5

“E ʻōlelo aku iā lākou, ‘Ke ʻī mai nei ʻo Iēhova ka Haku penei, “I ka lā i koho aku ai au i kā ʻIseraʻela, a i hāpai ai i kuʻu lima i nā keiki a ka ʻohana a Iakoba, a i hōʻike ai iaʻu iho iā lākou ma ka ʻāina ʻAigupita, i ka wā i hāpai ai au i kuʻu lima iā lākou, me ka ʻī ʻana aʻe, ‘ʻO wau nō Iēhova ko ʻoukou Akua’;

KA BUKE NO DANIʻELA 10:5

a laila, leha aʻela koʻu mau maka, nānā akula au, aia hoʻi, he kanaka ua ʻaʻahu ʻia i ke kapa olonā, a ʻo kona pūhaka ua kākoʻo ʻia i ke gula maikaʻi o ʻUpaza.

KA BUKE NO DANIʻELA 11:13

“No ka mea, e hoʻi mai auaneʻi ke aliʻi o ke Kūkulu ʻĀkau, a e hoʻomākaukau i kekahi poʻe nui e ʻoi aku ana i kēlā poʻe ma mua, a hala kekahi mau makahiki, e hele mai nō ʻo ia me ka poʻe koa he lehulehu, a me ka waiwai he nui.

KA BUKE NO DANIʻELA 12:6

ʻŌlelo akula kekahi i ke kanaka i hōʻaʻahu ʻia i ke olonā, ka mea i noho ma luna o ka wai o ua muliwai lā, “Pehea ka lōʻihi a hiki i ka hopena o kēia mau mea kupaianaha?”

KA BUKE NO DANIʻELA 12:8

A lohe akula au, ʻaʻole naʻe au i hoʻomaopopo aku; a laila ʻī akula au, “E koʻu haku, he aha ka hopena o kēia mau mea?”

KA BUKE NO DANIʻELA 4:31

“Aia i loko o ko ke aliʻi waha kēia ʻōlelo, paʻē maila ka leo mai ka lani mai, ʻī maila, ‘E Nebukaneza, e ke aliʻi ē, ua ʻōlelo ʻia iā ʻoe, ua māʻalo aʻe ke aupuni mai ou aku.

KA BUKE NO DANIʻELA 4:34

¶ “I ka pau ʻana o ua mau lā lā, ʻo wau ʻo Nebukaneza, ua leha aʻe au i kuʻu mau maka i ka lani, a hoʻi mai iaʻu kuʻu ʻike; a hoʻomaikaʻi aku au i ka Mea Kiʻekiʻe, hoʻonani aku au, a hoʻomana hoʻi i ka Mea e ola mau ana, Ua mau loa kona aliʻi ʻana, A ʻo kona aupuni ia hanauna aku a ia hanauna aku.

KA BUKE NO DANIʻELA 7:21

“ʻIke akula au i ua pepeiaohao lā e kaua aku ana ia i ka poʻe haipule, a lanakila ia ma luna o lākou;

KA BUKE NO DANIʻELA 7:25

‘A e ʻōlelo ia i nā mea nui kūʻē i ka Mea Kiʻekiʻe, a e hoʻokaumaha aku ia i ka poʻe haipule o ka Mea Kiʻekiʻe Loa, a e manaʻo iho nō ia e hoʻokāhuli i nā manawa, a me nā kānāwai; a e hāʻawi ʻia ua mau mea i loko o kona lima, a hiki i ka manawa, a me kekahi manawa, a me ka mahele o ka manawa.

KA BUKE NO DANIʻELA 8:14

A ʻī maila ia iaʻu, “A hala nā lā ʻelua tausani ʻekolu haneri; a laila e hoʻomaʻemaʻe ʻia kahi hoʻāno.”

KA BUKE NO DANIʻELA 8:24

“A e nui auaneʻi kona ikaika, ʻAʻole naʻe ma kona ikaika iho; a e luku loa aku ia, A lanakila hoʻi; e hana aku ia, A e pepehi nō hoʻi ia i ka poʻe ikaika, a me ka poʻe haipule.

KA ʻEUANELIO I KĀKAU ʻIA AI E LUKA 21:14

“No laila e waiho i kēia i loko o ko ʻoukou mau naʻau, ʻaʻole e manaʻo mua i kā ʻoukou mea e ʻōlelo ai.

KA ʻEUANELIO I KĀKAU ʻIA AI E LUKA 21:24

“A e hāʻule nō lākou i ka pahi kaua, a e lawe pio ʻia aku lākou i nā ʻāina a pau; a e hehi ʻia auaneʻi ʻo Ierusalema i lalo e nā kānaka ʻē, a pau aku nā manawa o ko nā ʻāina ʻē.

KA BUKE ʻALIMA A MOSE, I KAPA ʻIA KĀNĀWAI LUA 26:19

a e hoʻokiʻekiʻe mai ʻo ia iā ʻoe ma luna o nā lāhui kanaka a pau āna i hana ai, ma ka hoʻoleʻa ʻana, a ma ka inoa, a ma ka hoʻomaikaʻi; a e lilo ʻoe i poʻe kānaka hemolele no Iēhova, e like me kāna i ʻōlelo mai ai.”

KA BUKE ʻALIMA A MOSE, I KAPA ʻIA KĀNĀWAI LUA 32:36

“No ka mea, e hoʻopaʻi auaneʻi ʻo Iēhova i kona poʻe kānaka A e minamina nō ia i kāna poʻe kauā, Ke ʻike ia, ua nāwaliwali ka lima, ʻAʻohe mea i paʻa, ʻaʻohe mea i paʻa ʻole.

KA BUKE ʻALIMA A MOSE, I KAPA ʻIA KĀNĀWAI LUA 32:40

‘No ka mea, ke kaʻikaʻi nei au i kuʻu lima ma ka lani, Me ka ʻī iho, “He ola mau loa koʻu.

KA BUKE ʻALIMA A MOSE, I KAPA ʻIA KĀNĀWAI LUA 7:6

¶ “No ka mea, he poʻe kānaka laʻa ʻoukou no Iēhova kou Akua; na Iēhova na kou Akua i wae mai iā ʻoukou, i poʻe kānaka ponoʻī nona, ma mua o nā kānaka a pau ma luna o ka honua.

ʻO KA ʻEPISETOLE HOʻOLAHA MUA A PETERO 2:9

Akā, ʻo ʻoukou, «he hanauna i wae ʻia, he poʻe kāhuna aliʻi, he aupuni kanaka hemolele, he poʻe kānaka nona ponoʻī»; i hōʻike aku ai ʻoukou i ka maikaʻi o ka Mea nāna ʻoukou i hea mai, mai loko mai o ka pouli a i ka mālamalama kupanaha ona.

KA HŌʻIKE ʻANA A IOANE KA HAIPULE 12:14

Hāʻawi ʻia maila i ka wahine ʻelua ʻēheu o ka ʻaeto nui, i lele aku ai ʻo ia i ka wao nahele, i kona wahi, ua hānai ʻia ʻo ia ma laila i ka makahiki, a me nā makahiki, a me ka hapa o ka makahiki, mai ke alo aku o ua moʻo lā.

KA HŌʻIKE ʻANA A IOANE KA HAIPULE 12:6

Holo akula ua wahine lā i ka wao nahele ma kahi a ke Akua i hoʻomākaukau ai nona, i hānai lākou iā ia ma laila i nā lā hoʻokahi tausani ʻelua haneri me kanaono.

KA HŌʻIKE ʻANA A IOANE KA HAIPULE 13:5

A ua hāʻawi ʻia ka waha e ʻōlelo i nā mea nui a me nā mea hoʻomāʻinoʻino: a ua hāʻawi ʻia mai nāna e hana i nā malama hoʻokahi kanahā a me kumamālua.

KA HŌʻIKE ʻANA A IOANE KA HAIPULE 4:10

a laila, moe ihola ka poʻe lunakahiko he iwakāluakumamāhā, i mua o ka Mea e noho ana ma ka noho aliʻi, a hoʻomana akula i ka Mea e ola mau ana ia ao aku, ia ao aku; a hoʻolei nō hoʻi i ko lākou mau lei aliʻi i mua o ka noho aliʻi, me ka ʻī ʻana aʻe,

KA HŌʻIKE ʻANA A IOANE KA HAIPULE 4:9

A i ka wā e hoʻomana aku ai, a i hoʻonani aku ai, a hoʻomaikaʻi aku ai nā mea ola i ka Mea e noho ana ma ka noho aliʻi, ʻo ia hoʻi ka Mea e ola mau ana ia ao aku ia ao aku,