KA BUKE NO DANIʻELA 12:4 - Ka Baibala Hemolele

⁴ “Akā, e hoʻopaʻa ʻoe, e Daniʻela, i nā ʻōlelo, a e hoʻopili i ka buke a hiki i ka hope; he nui ka poʻe e holo i ʻō a i ʻō, a e māhuahua ana nō ka ʻike.”

KA BUKE NO DANIʻELA 12:4 Iomraidhean Croise

KA WĀNANA A ʻISAIA 11:9

“ʻAʻohe mea hana hewa, ʻaʻohe mea luku ma koʻu mau kuahiwi hoʻāno a pau; No ka mea, e piha auaneʻi ka honua i ka ʻike iā Iēhova, E like me ka moana i uhi ʻia i ke kai.

KA WĀNANA A ʻISAIA 29:11

I like ka hōʻike ʻana a pau iā ʻoukou me nā ʻōlelo o ka buke i hoʻopaʻa ʻia i ka wepa, a i hāʻawi ʻia ia i ka mea ʻike i ka palapala, me ka ʻōlelo aku, “E heluhelu i kēia, ke noi aku nei au iā ʻoe.” A ʻī mai kēlā, “ʻAʻole hiki iaʻu; no ka mea, ua paʻa i ka wepa.”

KA WĀNANA A ʻISAIA 30:26

A e like auaneʻi ka mālamalama o ka mahina, me ka mālamalama o ka lā, a e pāhiku nō ka mālamalama o ka lā, e like me ka mālamalama o nā lā ʻehiku, i ka lā e wahī ai ʻo Iēhova i ka ʻeha o kona poʻe kānaka, a hoʻōla hoʻi i ka ʻeha o ko lākou hahau ʻia.

KA WĀNANA A ʻISAIA 32:3

ʻAʻole e hoʻopili ʻia nā maka o ka poʻe ʻike, A e hoʻolohe nō nā pepeiao o ka poʻe lohe.

KA WĀNANA A ʻISAIA 8:16

¶ E ʻopeʻope i ka hōʻike ʻana, e hoʻopaʻa hoʻi i ka wānana, i mua o kaʻu poʻe haumāna.

KA WĀNANA A IEREMIA 5:1

¶ “E holoholo ʻoukou ma nā alanui o Ierusalema, A e nānā, a e hoʻomaopopo, A e ʻimi ma ko laila wahi ākea, Inā paha e loaʻa iā ʻoukou ke kanaka, Inā he mea hana i ka pono, A ʻimi i ka ʻoiaʻiʻo; A naʻu e kala aku i ka hala ona.

KA BUKE NO DANIʻELA 10:1

¶ I ke kolu o ka makahiki o Kuro, ke aliʻi o Peresia, ua hōʻike ʻia mai kekahi mea iā Daniʻela, ka mea i kapa ʻia ʻo Beletesaza; he ʻoiaʻiʻo kēia mea, a ua pili i nā mea kaumaha nui; ua ʻike ʻo ia i ua mea lā, a ua akāka iā ia ke ʻano o ka hihiʻo.

KA BUKE NO DANIʻELA 10:14

“ʻĀnō, ua hele mai nei au e hoʻākāka i ʻike ʻoe i nā mea e hiki mai ana i kou poʻe kānaka i nā lā ma hope; no ka mea, ua nui nā lā i koe o ua hihiʻo lā.”

KA BUKE NO DANIʻELA 10:21

“Akā, e hōʻike aku au iā ʻoe i nā mea i kākau ʻia ma ka palapala ʻoiaʻiʻo; ʻaʻohe mea e kōkua mai iaʻu ma kēia mau mea, ʻo Mikaʻela wale nō ʻo kou aliʻi.

KA BUKE NO DANIʻELA 11:33

“A ʻo ka poʻe naʻauao o nā kānaka, e aʻo aku lākou i nā mea he nui; akā, e hāʻule auaneʻi lākou i ka pahi kaua, a me ka lapalapa ahi, e lawe pio ʻia, a e hao wale ʻia lākou i nā lā he nui.

KA BUKE NO DANIʻELA 11:40

¶ “A i ka wā ma hope e pahu aku nō ke aliʻi o ka Hema iā ia; a e hele mai nō hoʻi ke aliʻi o ka ʻĀkau me he puahiohio lā, e kūʻē mai iā ia me nā kaʻa kaua, a me nā hoʻoholo lio, a me nā moku he nui loa; a e komo ia i loko o nā ʻāina, a e hālana e hele aku ma kēlā ʻaoʻao.

KA BUKE NO DANIʻELA 12:13

“Akā, e hele ʻoe i kou wahi e hele ai a hiki aku i ka hope; no ka mea, e hoʻomaha ʻoe, a e kū aʻe ma kou kuleana ma ka hope o ua mau lā lā.”

KA BUKE NO DANIʻELA 12:5

¶ A laila, ʻo wau ʻo Daniʻela, nānā akula au, aia hoʻi, kū maila he mau mea ʻē aʻe ʻelua, ʻo kekahi ma kēia kapa, a ʻo kekahi ma kēlā kapa o ka muliwai.

KA BUKE NO DANIʻELA 12:9

ʻŌlelo maila ʻo ia, “Ō hele ʻoe, e Daniʻela; no ka mea, ua hoʻopaʻa ʻia kēia mau ʻōlelo, a ua hoʻopili ʻia hoʻi a hiki aku i ka manawa o ka hopena.

KA BUKE NO DANIʻELA 8:17

A laila, hoʻokokoke mai ʻo ia i kahi aʻu i kū ai, a i kona hiki ʻana mai, makaʻu ihola au, a hāʻule iho i lalo koʻu maka; akā, ʻī maila ʻo ia iaʻu, “E ʻike pono ʻoe, e ke keiki a ke kanaka; no ka mea, no ka manawa ma hope kēia hihiʻo.”

KA BUKE NO DANIʻELA 8:19

ʻĪ mai ʻo ia iaʻu, “Aia hoʻi, e hoʻākāka au iā ʻoe i ka mea e hiki mai ana ma ka manawa hope o ka huhū ʻana; no ka mea, no ka wā ma hope kēia hihiʻo.

KA BUKE NO DANIʻELA 8:26

“A ʻo ka hihiʻo no ke ahiahi a me ke kakahiaka, Ka mea i haʻi ʻia mai, he ʻoiaʻiʻo nō ia; No ia mea, e pani ʻoe i ua hihiʻo lā; No ka mea, no nā lā he nui loa ia.”

KA ʻEUANELIO I KĀKAU ʻIA AI E MATAIO 24:14

“A e haʻi ʻia aku nō kēia ʻeuanelio o ke aupuni ma nā wahi aukanaka a pau, i mea e ʻike ai nā lāhui kanaka a pau; a laila iho e hiki mai ka hopena.

ʻO KA ʻEPISETOLE A PAULO KA LUNAʻŌLELO I KO ROMA 10:18

A ke nīnau nei au, ʻaʻole anei lākou i lohe? ʻOiaʻiʻo: “«Ua kuʻi akula ko lākou leo i nā ʻāina a pau, A, ʻo kā lākou mau ʻōlelo i nā palena o ka honua».”

KA HŌʻIKE ʻANA A IOANE KA HAIPULE 10:4

A i ka wā i pohā mai ai ka leo o ia mau hekili ʻehiku, ua mākaukau wau e palapala; a lohe au i ka leo, mai ka lani mai, e ʻōlelo ana, “E hoʻopaʻa ʻoe i ka wepa i nā mea a nā hekili ʻehiku i pane mai ai, mai palapala ʻoe ia mau mea.”

KA HŌʻIKE ʻANA A IOANE KA HAIPULE 22:10

¶ ʻĪ maila kēlā iaʻu, “Mai hoʻopaʻa i ka wepa i nā ʻōlelo o ka wānana o kēia buke; no ka mea, ua kokoke mai ka manawa.

KA HŌʻIKE ʻANA A IOANE KA HAIPULE 5:1

¶ ʻIke akula au ma loko o ka lima ʻākau o ka Mea e noho ana ma ka noho aliʻi, he buke ua palapala ʻia ma loko, a ma waho ua hoʻopaʻa ʻia i nā wepa ʻehiku.