KA BUKE NO DANIʻELA 12:2 - Ka Baibala Hemolele

² “A e ala mai auaneʻi nā mea he nui e hiamoe ana i loko o ka lepo o ka honua; ʻo kekahi poʻe, e ala lākou i ke ola mau loa, a ʻo kekahi poʻe i ka hilahila, a me ka hoʻowahāwahā mau loa ʻia.

KA BUKE NO DANIʻELA 12:2 Iomraidhean Croise

NĀ ʻŌLELO AKAMAI A SOLOMONA 12:8

E hoʻomaikaʻi ʻia ke kanaka e like me kona akamai; Akā, ʻo ka mea naʻau loko ʻino, e hoʻowahāwahā ʻia ʻo ia.

KA WĀNANA A ʻISAIA 26:19

E ola auaneʻi kou poʻe i make, ʻO koʻu poʻe i make, e ala mai nō lākou; E ala mai, e ʻoli ʻoukou, e ka poʻe e noho ana ma ka lepo, No ka mea, ʻo kou hau, ʻo ka hau ia ma luna o nā mea ulu, E hoʻolei aku nō ka ʻāina i ka poʻe i make.

KA WĀNANA A ʻISAIA 66:24

“A e puka aku nō lākou i waho, a e nānā iho I nā kupapaʻu o nā kānaka i kipi mai iaʻu; No ka mea, ʻaʻole e make ko lākou ilo, ʻAʻole e pio ko lākou ahi, A e lilo nō lākou i mea hoʻopailua no nā mea ʻiʻo a pau.”

KA WĀNANA A IEREMIA 20:11

Akā, ʻo Iēhova pū nō me aʻu, e like me ka Mea mana a weliweli; No laila e hina ai ka poʻe hoʻomaʻau mai iaʻu, ʻaʻole lākou e lanakila; E hilahila loa auaneʻi lākou; no ka mea, ʻaʻole lākou e pōmaikaʻi. ʻAʻole e poina ʻia ko lākou hilahila mau loa.

KA WĀNANA A ʻEZEKIʻELA 37:12

“No laila e wānana aku, a e ʻōlelo aku iā lākou, ‘Ke ʻī mai nei Iēhova ka Haku, “Aia hoʻi, e koʻu poʻe kānaka, e huaʻi aʻe au i ko ʻoukou mau lua kupapaʻu, a e hoʻopiʻi mai au iā ʻoukou mai loko mai o ko ʻoukou mau lua kupapaʻu, a e lawe aʻe iā ʻoukou i ka ʻāina o kā ʻIseraʻela.

HOSEA 13:14

E hoʻōla aku au iā lākou mai ka mana o ka pō; E hoʻōla pānaʻi au iā lākou mai ka make mai; ʻO wau nō kou luku, e ka make; ʻO wau nō kou pepehi, e ka pō; Ua hūnā ʻia ka mihi, mai koʻu maka aku.

KA ʻEUANELIO I KĀKAU ʻIA AI E MATAIO 25:46

“A ʻo kēia poʻe lā, e hele aku lākou i kahi make mau loa; akā, ʻo ka poʻe maikaʻi i loko o ke ola mau loa.”

NĀ ʻOIHANA A KA POʻE LUNAʻŌLELO 24:15

“Ke lana nei koʻu manaʻo i ke Akua, ua ʻae mai nō hoʻi lākou i kēia, i ke ala hou ʻana o ka poʻe make, ʻo ka poʻe pono a me ka poʻe pono ʻole.

NĀ ʻOIHANA A KA POʻE LUNAʻŌLELO 7:60

Kukuli ihola ia a hea akula me ka leo nui, “E ka Haku, mai kau ʻoe i kēia hewa ma luna o lākou!” A pau kāna ʻōlelo ʻana pēlā, hiamoe ihola ia.

ʻO KA ʻEPISETOLE A PAULO KA LUNAʻŌLELO I KO ROMA 9:21

ʻAʻole anei e hiki i ka potera ke hana iho no loko o ka pōpō lepo hoʻokahi i kekahi ipu no ka mahalo ʻia, a i kekahi no ka mahalo ʻole ʻia?

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:14

No ka mea, inā i manaʻoʻiʻo kākou, ua make akula ʻo Iesū, a ua ala hou mai, pēlā nō hoʻi ke Akua e lawe pū mai ai me ia i ka poʻe e hiamoe ana i loko o Iesū.

KA HŌʻIKE ʻANA A IOANE KA HAIPULE 20:12

A ʻike akula au i ka poʻe make, i ka poʻe ʻuʻuku a me ka poʻe nui, e kū ana i mua o ke Akua, a wehe ʻia ihola nā buke; a wehe ʻia nō hoʻi kekahi buke hou, ʻo ia hoʻi ka buke o ke ola. Ua hoʻokolokolo ʻia ka poʻe make ma nā mea i palapala ʻia i loko o nā buke, ma muli o kā lākou hana ʻana.