KA BUKE NO DANIʻELA 12:10 - Ka Baibala Hemolele

¹⁰ “Nui nō ka poʻe e hoʻomaʻemaʻe ʻia, a e hoʻokeʻokeʻo ʻia, a e hoʻāʻo ʻia; akā, ʻo ka poʻe hewa, e hana hewa nō lākou; ʻaʻole naʻe e hoʻomaopopo aku kekahi o ka poʻe hewa; akā, e hoʻomaopopo nō naʻe ka poʻe naʻauao.

KA BUKE NO DANIʻELA 12:10 Iomraidhean Croise

KA BUKE O NĀ HALELŪ 107:43

ʻO wai lā ka mea akamai, a mālama i kēia mau mea? ʻO lākou kai hoʻomaopopo i ka lokomaikaʻi o Iēhova.

KA BUKE O NĀ HALELŪ 51:7

E huikala mai ʻoe iaʻu me ka husopa, a e maʻemaʻe nō wau; E holoi mai iaʻu, a e ʻoi aku kuʻu keʻokeʻo i ko ka hau.

NĀ ʻŌLELO AKAMAI A SOLOMONA 1:5

E hoʻolohe ka mea naʻauao, a māhuahua ka ʻike, E loaʻa nō i ka mea i aʻo ʻia ai ka ʻike e naʻauao ai;

KA WĀNANA A ʻISAIA 1:18

¶ “E hele mai hoʻi, e kīkē kākou,” wahi a Iēhova; “Inā paha i like ko ʻoukou hewa me nā kapa ʻula, E keʻokeʻo auaneʻi ia me he hau lā; Inā paha i ʻula loa e like me ka mea ʻulaʻula, E like auaneʻi ia me he hulu hipa lā.

KA WĀNANA A ʻEZEKIʻELA 36:25

“A laila, e pīpī aku ai au i ka wai maʻemaʻe ma luna o ʻoukou, a e maʻemaʻe hoʻi ʻoukou; i ko ʻoukou haumia a pau, a me ko ʻoukou mau akua kiʻi a pau, e hoʻomaʻemaʻe aku ai au iā ʻoukou.

KA WĀNANA A ʻEZEKIʻELA 47:11

“Akā, ʻo kona mau wahi pohōpohō, a me kona mau wahi lepo wai, nā mea hoʻi i hoʻōla ʻole ʻia, e hoʻolilo ʻia ia no ka paʻakai.

KA BUKE NO DANIʻELA 11:33

“A ʻo ka poʻe naʻauao o nā kānaka, e aʻo aku lākou i nā mea he nui; akā, e hāʻule auaneʻi lākou i ka pahi kaua, a me ka lapalapa ahi, e lawe pio ʻia, a e hao wale ʻia lākou i nā lā he nui.

KA BUKE NO DANIʻELA 11:35

“A e hāʻule nō kekahi poʻe naʻauao, i mea e hoʻāʻo ai iā lākou, a e hoʻomaʻemaʻe ai iā lākou, a e hoʻokeʻokeʻo ai iā lākou, a hiki i ka manawa o ka hopena; no ka mea, aia nō ia i ka wā i hoʻopaʻa ʻia mai ai.

KA BUKE NO DANIʻELA 12:3

“ʻO ka poʻe naʻauao e ʻālohilohi auaneʻi lākou me he mālamalama lā ma ke aouli; a ʻo ka poʻe i hoʻohuli i nā lehulehu ma ka pono, e like me nā hōkū ia ao aku ia ao aku.

HOSEA 14:9

¶ ʻO wai ka mea naʻauao, i noʻonoʻo ai ʻo ia i kēia mau mea? A akamai hoʻi, i ʻike ai ʻo ia i kēia mau mea? No ka mea, ʻo nā ʻaoʻao o Iēhova, ua pololei, A e hele ka poʻe pono i loko o laila; Akā, ʻo ka poʻe lawehala, e hāʻule lākou i loko o laila.

ZEKARIA 13:9

“A e alakaʻi au i kekahi hapakolu i waena o ke ahi, A e hoʻoheheʻe au iā lākou e like me ka hoʻoheheʻe ʻia ʻana o ke kālā, E hoʻāʻo hoʻi au iā lākou e like me ka hoʻāʻo ʻana i ke gula; E kāhea mai ia poʻe i kuʻu inoa, a e hoʻolohe au iā lākou; E ʻōlelo auaneʻi au, ‘ʻO koʻu poʻe kānaka kēia’; A e ʻōlelo hoʻi lākou, ‘ʻO Iēhova koʻu Akua.’”

MALAKI 3:3

“A noho ia he mea hoʻoheheʻe a me ka hoʻomaʻemaʻe i ke kālā; a e huikala ia i nā keiki a Levi, a e hoʻomaʻemaʻe ʻo ia iā lākou e like me ke gula a me ke kālā, i mōhai aku ai lākou i ka mōhai pono na Iēhova.

KA ʻEUANELIO I KĀKAU ʻIA AI E MAREKO 4:11

ʻĪ maila ʻo ia iā lākou, “Ua hāʻawi ʻia mai iā ʻoukou e ʻike i nā mea pohihihi o ke aupuni o ke Akua; akā, ua nane ʻia aku nā mea a pau i ka poʻe ma waho;

KA ʻEUANELIO I KĀKAU ʻIA AI E LUKA 24:25

ʻŌlelo maila ʻo ia iā lāua, “E nā mea manaʻo ʻole, e nā mea naʻau manaʻoʻiʻo ʻole i nā mea a pau a nā kāula i ʻōlelo mai ai!

KA ʻEUANELIO I KĀKAU ʻIA AI E IOANE 18:37

No ia hoʻi, nīnau akula ʻo Pilato iā ia. “He aliʻi nō anei ʻoe?” ʻĪ maila ʻo Iesū, “Ke ʻōlelo mai nei ʻoe, he aliʻi wau. No kēia mea i hānau mai ai au, a no ia hoʻi i hele mai ai au i ke ao nei, i hōʻike aku ai au i ka ʻoiaʻiʻo. ʻO ka mea no ka ʻoiaʻiʻo, ʻo ia ke hoʻolohe i koʻu leo.”

KA ʻEUANELIO I KĀKAU ʻIA AI E IOANE 7:17

“Inā makemake kekahi e hana i kona makemake, e ʻike nō ia i ka mea aʻu e ʻōlelo nei, na ke Akua mai ia, ʻaʻole naʻu iho.

KA ʻEUANELIO I KĀKAU ʻIA AI E IOANE 8:47

“ʻO ka mea no ke Akua, ʻo ia ke hoʻolohe i kā ke Akua ʻōlelo; ʻaʻole nō ʻoukou e hoʻolohe mai; no ka mea, ʻaʻole no ke Akua ʻoukou.”

ʻO KA ʻEPISETOLE MUA A PAULO KA LUNAʻŌLELO I KO KORINETO 6:11

A pēlā nō kekahi poʻe o ʻoukou; akā, ua holoi ʻia ʻoukou, ua huikala ʻia, ua hoʻāpono ʻia ma ka inoa o ka Haku ʻo Iesū, a ma ka ʻUhane o ko kākou Akua.

ʻO KA ʻEPISETOLE LUA A PAULO KA LUNAʻŌLELO I KO KORINETO 7:1

¶ No ia hoʻi, e ka poʻe i aloha ʻia, no ka loaʻa ʻana mai iā kākou o nēia mau ʻōlelo hoʻopōmaikaʻi, e hoʻomaʻemaʻe kākou iā kākou iho i nā mea paumāʻele a pau o ke kino a me ka ʻuhane, e hoʻopaʻa ana hoʻi i ka maikaʻi ma ka makaʻu i ke Akua.

ʻO KA ʻEPISETOLE A PAULO IĀ TITO 2:14

ʻo ka Mea i hāʻawi mai iā ia iho no kākou, e hoʻopakele iā kākou i ka hewa a pau, a e huikala mai nona i lāhui ponoʻī e hoʻoikaika ana i nā hana maikaʻi.

ʻO KA ʻEPISETOLE A PAULO KA LUNAʻŌLELO I KO HEBERA 12:10

Na lākou nō kākou i hahau mai i ka wā pōkole ma muli o ko lākou makemake nō; akā, nāna i hahau mai e pono ai kākou, i loaʻa pū mai ai iā kākou kona hemolele.

ʻO KA ʻEPISETOLE HOʻOLAHA MUA A PETERO 1:22

¶ I ka mālama ʻana i ka ʻoiaʻiʻo, ua hoʻomaʻemaʻe ʻoukou i ko ʻoukou naʻau, na ka ʻUhane mai, i ke aloha hoʻokamani ʻole i nā hoahānau; no laila, ʻeā, e aloha ikaika loa aku ʻoukou i kekahi i kekahi me ka naʻau maʻemaʻe.

ʻO KA ʻEPISETOLE HOʻOLAHA MUA A PETERO 1:7

i lilo hoʻi ka hoʻāʻo ʻana o ko ʻoukou manaʻoʻiʻo, ka mea i ʻoi aku ka maikaʻi ma mua o ke gula pau wale, i hoʻāʻo ʻia i ke ahi, i mea e mahalo ʻia ai, a e hoʻomaikaʻi ʻia ai, a e hoʻonani ʻia ai i ka wā e ʻikea mai ai ʻo Iesū Kristo.

ʻO KA ʻEPISETOLE HOʻOLAHA MUA A IOANE 5:20

Ke ʻike nei kākou ua hiki mai nei ke Keiki a ke Akua, a ua hāʻawi mai ia i ka noʻonoʻo iā kākou, i ʻike aku ai kākou i ka mea ʻoiaʻiʻo; a i loko o ka mea ʻoiaʻiʻo kākou, a i loko hoʻi o kāna Keiki ʻo Iesū Kristo. ʻO ia nō ke Akua ʻoiaʻiʻo, a me ke ola mau loa.

KA HŌʻIKE ʻANA A IOANE KA HAIPULE 16:11

a kūamuamu akula i ke Akua o ka lani no nā ʻeha o lākou a no nā maʻi hēhē, ʻaʻole hoʻi i mihi i kā lākou hana ʻana.

KA HŌʻIKE ʻANA A IOANE KA HAIPULE 19:14

Hahai maila iā ia ka poʻe kaua o ka lani ma nā lio keʻokeʻo, a ua ʻaʻahu ʻia i ka lole nani keʻokeʻo aʻiaʻi.

KA HŌʻIKE ʻANA A IOANE KA HAIPULE 19:8

A ua hāʻawi ʻia mai nona e ʻaʻahu i ka lole nani, keʻokeʻo aʻiaʻi; no ka mea, ʻo ka lole nani, ʻo ia ka pono o ka poʻe haipule.

KA HŌʻIKE ʻANA A IOANE KA HAIPULE 22:11

“ʻO ka mea hewa, e mau nō kona hewa; a ʻo ka mea paumāʻele, e mau nō kona paumāʻele; a ʻo ka mea pono, e mau nō kona pono; a ʻo ka mea hemolele, e mau nō kona hemolele.”

KA HŌʻIKE ʻANA A IOANE KA HAIPULE 3:18

‘Ke aʻo aku nei au iā ʻoe, e kūʻai me aʻu i ke gula i hoʻomaikaʻi ʻia i ke ahi, i waiwai ʻiʻo ʻoe; a i ʻaʻahu keʻokeʻo, i ʻaʻahu ʻia ʻoe, i ʻike ʻole ʻia mai ka hilahila o kou ʻōlohelohe ʻana; a i lāʻau mākole e hamo ai i kou mau maka, i ʻike ʻoe.

KA BUKE MUA A SAMUʻELA 24:13

“E like me ka ʻōlelo a ka poʻe kahiko, ‘No ka poʻe hewa mai ka hewa’; akā, ʻaʻole e kau ʻia aku kuʻu lima ma luna ou.