KA BUKE NO DANIʻELA 12:1 - Ka Baibala Hemolele

¹ ¶ “Ia manawa, e kū mai i luna ʻo Mikaʻela, ua aliʻi nui lā, ka mea nāna e kōkua i nā keiki o kou poʻe kānaka; a e hiki mai nō ka manawa pōpilikia, ka mea like ʻole me ia mai ka wā o ka lāhui kanaka, a hiki mai ia manawa; a ia manawa nō e hoʻopakele ʻia mai kou poʻe kānaka o kēlā mea kēia mea i kākau ʻia i loko o ka buke.

KA BUKE NO DANIʻELA 12:1 Iomraidhean Croise

KA BUKE O NĀ HALELŪ 56:8

¶ Ua helu ʻoe i koʻu ʻauana ʻana; E ukuhi ʻoe i koʻu waimaka i kou ʻōmole; ʻAʻole anei ia i loko o kāu buke?

KA BUKE O NĀ HALELŪ 69:28

E hoʻonalo ʻia lākou mai loko aku o ka buke a ka poʻe ola, ʻAʻole lākou e kākau pū ʻia me ka poʻe pono.

KA WĀNANA A ʻISAIA 4:3

A ʻo ka mea i koe ma Ziona, a ʻo ka mea i waiho ʻia ma Ierusalema, e kapa ʻia ʻo ia he hemolele, ʻo nā mea a pau i kākau pū ʻia me ka poʻe e ola ana ma Ierusalema;

KA WĀNANA A ʻISAIA 9:7

ʻAʻole e pau ka māhuahua ʻana o kona aupuni, a me ka malu; Ma ka noho aliʻi o Dāvida ia, A ma kona aupuni nō hoʻi, E hoʻāla hou ia mea, a e hoʻokūpaʻa iā ia, Me ka hoʻoponopono, a me ka maikaʻi, Mai kēia wā aku, a i ke ao pau ʻole. Na ka ikaika o Iēhova o nā kaua e hana i kēia.

KA WĀNANA A IEREMIA 30:10

‘No laila, mai makaʻu ʻoe, e kuʻu kauā, e Iakoba,’ wahi a Iēhova, ‘Mai weliweli hoʻi, e kā ʻIseraʻela; No ka mea, aia hoʻi, e hoʻōla nō wau iā ʻoe, mai kahi lōʻihi aku, A i kāu hua hoʻi, mai ka ʻāina o ko lākou pio ʻana; A e hoʻi mai nō ʻo Iakoba, a e hoʻomaha nō, a e maluhia, ʻAʻohe mea e hoʻomakaʻu iā ia.

KA WĀNANA A IEREMIA 30:7

‘Auē! No ka mea, he lā nui ia, ʻAʻohe mea e like mea ia, ʻO ka manawa nō ia o ka pōpilikia o kā Iakoba; Akā, e hoʻōla ʻia nō ʻo ia, mai loko mai o ia.

KA WĀNANA A ʻEZEKIʻELA 13:9

“A e kau nō koʻu lima ma luna o ka poʻe kāula i ʻike i ka mea lapuwale, a i wānana hoʻi i ka mea wahaheʻe; ʻaʻole lākou e noho i loko o ke anaina o koʻu poʻe kānaka, ʻaʻole hoʻi lākou e kākau ʻia ma ka palapala o ka ʻohana a ʻIseraʻela, ʻaʻole hoʻi lākou e komo i ka ʻāina o kā ʻIseraʻela; a e ʻike nō hoʻi ʻoukou, ʻo wau nō Iēhova ka Haku.

KA WĀNANA A ʻEZEKIʻELA 34:24

“A ʻo wau, ʻo Iēhova auaneʻi ke Akua no lākou, a ʻo kaʻu kauā ʻo Dāvida ke aliʻi i waena o lākou; naʻu na Iēhova i ʻōlelo aku.

KA WĀNANA A ʻEZEKIʻELA 5:9

‘A e hana aku au i loko ou i ka mea aʻu i hana ʻole ai, i ka mea aʻu e hana like ʻole hou aku ai, no kāu mau mea i inaina ʻia a pau.

KA BUKE NO DANIʻELA 10:13

“Akā, ʻo ke aliʻi o ke aupuni o Peresia, ua kūʻē mai iaʻu he iwakālua nā lā a me kumamākahi. Akā hoʻi, ua hele mai ʻo Mikaʻela, kekahi o nā aliʻi nui e kōkua mai iaʻu, a ua noho au ma laila me nā aliʻi o Peresia.

KA BUKE NO DANIʻELA 10:21

“Akā, e hōʻike aku au iā ʻoe i nā mea i kākau ʻia ma ka palapala ʻoiaʻiʻo; ʻaʻohe mea e kōkua mai iaʻu ma kēia mau mea, ʻo Mikaʻela wale nō ʻo kou aliʻi.

KA BUKE NO DANIʻELA 11:45

“A e kūkulu iho ʻo ia i ka halelewa o kona hale aliʻi i waena o nā kai a me ka mauna nani hoʻāno; akā, e hiki aku nō ʻo ia i kona hope, ʻaʻohe mea nāna ia e kōkua mai.

KA BUKE NO DANIʻELA 7:10

“A puka maila kekahi lapalapa ahi A kahe aʻe mai kona alo aku; Lawelawe nona nā tausani o nā tausani, A kū ihola i mua ona nā lehulehu o nā lehulehu; Ua hoʻonoho ʻia ihola ka hoʻokolokolo, A wehe ʻia aʻela nā buke.

KA BUKE NO DANIʻELA 9:12

“A ua hoʻokō mai ʻo ia i ka ʻōlelo āna i ʻōlelo kūʻē mai ai iā mākou, a me ko mākou poʻe luna kānāwai, ka poʻe nāna mākou i hoʻokolokolo mai, i kona hoʻoili ʻana ma luna o mākou i ka pōʻino nui; no ka mea, ʻaʻohe hana ma lalo iho o ka lani a puni e like me ka mea i hana ʻia ma luna o Ierusalema.

IOʻELA 2:2

He lā pouli, a me ka pōpilikia, He lā nāulu a me ka pouli nui, E like me ka hohola ʻana o ke kakahiaka ma luna o nā mauna; He lāhui kanaka nui, a me ka ikaika; ʻAʻole me kēia mai ka wā kahiko mai, ʻAʻole hoʻi e like hou me ia ma hope, I nā makahiki o nā hanauna he nui.

MALAKI 3:16

¶ A laila, ʻo ka poʻe makaʻu iā Iēhova, kamaʻilio pū iho lākou i kekahi i kekahi; a hāliu maila ʻo Iēhova, a hoʻolohe maila, a ua kākau ʻia ka buke hoʻomanaʻo i mua ona no lākou, no ka poʻe makaʻu iā Iēhova, a me ka poʻe hoʻomanaʻo i kona inoa.

KA ʻEUANELIO I KĀKAU ʻIA AI E MATAIO 24:21

“A laila, e nui loa mai nō ka pōpilikia, ʻaʻohe pōpilikia me nēia mai ke kumu mai o ka honua, ʻaʻole hoʻi ma ia hope aku.

KA ʻEUANELIO I KĀKAU ʻIA AI E MAREKO 13:19

“No ka mea, e nui auaneʻi ka pōpilikia o ua mau lā lā, ʻaʻole me nēia mai kinohi mai o ka honua a ke Akua i hana ai a hiki loa mai nei i kēia wā, ʻaʻole nō hoʻi ma hope aku.

KA ʻEUANELIO I KĀKAU ʻIA AI E LUKA 10:20

“Mai ʻoliʻoli naʻe ʻoukou i kēia mea, i ka hoʻolohe ʻana o nā ʻuhane iā ʻoukou; akā, e ʻoliʻoli ʻoukou, no ke kākau ʻia ʻana ko ʻoukou mau inoa i loko o ka lani.”

ʻO KA ʻEPISETOLE A PAULO KA LUNAʻŌLELO I KO ROMA 11:15

No ka mea, inā ʻo ka hemo ʻana o lākou ka mea e hoʻomaluhia ai ke ao nei, he aha hoʻi ka loaʻa hou ʻana mai o lākou, ʻaʻole anei ia ʻo ke ola mai ka make mai?

ʻO KA ʻEPISETOLE A PAULO KA LUNAʻŌLELO I KO ROMA 11:26

A laila e hoʻōla ʻia kā ʻIseraʻela a pau; e like me ka mea i palapala ʻia, “«No loko mai o Ziona e puka mai ai ka Hoʻōla, A e pale aku ia i ka ʻaiā ʻana, mai o Iakoba aku.”

ʻO KA ʻEPISETOLE A PAULO KA LUNAʻŌLELO I KO ʻEPESO 1:21

ma luna aʻe o nā aliʻi a pau, ʻo nā mea ikaika, ʻo nā mea mana, nā haku, a me nā inoa a pau i kapa ʻia, ʻaʻole ma kēia ao wale nō, ma kēlā ao e hiki mai ana kekahi.

ʻO KA ʻEPISETOLE A PAULO KA LUNAʻŌLELO I KO PILIPI 4:3

Ke noi aku nei hoʻi au iā ʻoe kekahi, e ka hoa lawehana ʻiʻo, e kōkua aku ʻoe ia mau wāhine, i hoʻoikaika pū me aʻu ma ka ʻeuanelio, a me Kelemeneto hoʻi, a me oʻu mau hoa lawehana ʻē aʻe, aia nō ma loko o ka Buke Ola ko lākou mau inoa.

ʻO KA ʻEPISETOLE HOʻOLAHA A IUDA 1:9

Akā hoʻi, ʻo Mikaʻela ka luna ʻānela, i kona wā i hakakā ai me ka diabolō me ka hoʻopaʻapaʻa ʻana aku no ke kino o Mose, ʻaʻole ia i ʻaʻa e hāʻiliʻili aku iā ia, akā, i ʻōlelo wale nō ia, “E pāpā mai ka Haku iā ʻoe!”

KA HŌʻIKE ʻANA A IOANE KA HAIPULE 1:5

a iā Iesū Kristo ka Mea hōʻike ma ka pololei a me ka ʻoiaʻiʻo, ʻo ka Makahiapo o ka poʻe mai ka make mai, a ʻo ke Aliʻi o nā aliʻi o ka honua nei. I ka Mea aloha mai iā kākou, a holoi mai hoʻi iā kākou, i pau ko kākou hewa i kona koko iho,

KA HŌʻIKE ʻANA A IOANE KA HAIPULE 12:7

¶ A he kaua nō ma ka lani; kaua mai ʻo Mikaʻela a me kona poʻe ʻānela i ka deragona; a kaua aku ka deragona a me kona poʻe ʻānela;

KA HŌʻIKE ʻANA A IOANE KA HAIPULE 13:8

A e hoʻomana aku iā ia ka poʻe a pau e noho ana ma ka honua, ka poʻe ʻaʻole i kākau ʻia ko lākou inoa ma ka Buke o ke Ola a ke Keiki Hipa, ka mea i pepehi ʻia mai ka hoʻokumu ʻana mai o ka honua nei.

KA HŌʻIKE ʻANA A IOANE KA HAIPULE 17:14

“E kaua aku lākou nei i ke Keiki Hipa, a e lanakila mai ke Keiki Hipa ma luna o lākou; no ka mea, ʻo ia ka Haku o nā haku, a me ke Aliʻi o nā aliʻi; a ʻo ka poʻe pū me ia, ua hea ʻia mai lākou, a ua wae ʻia hoʻi, a ua paulele pono.”

KA HŌʻIKE ʻANA A IOANE KA HAIPULE 20:12

A ʻike akula au i ka poʻe make, i ka poʻe ʻuʻuku a me ka poʻe nui, e kū ana i mua o ke Akua, a wehe ʻia ihola nā buke; a wehe ʻia nō hoʻi kekahi buke hou, ʻo ia hoʻi ka buke o ke ola. Ua hoʻokolokolo ʻia ka poʻe make ma nā mea i palapala ʻia i loko o nā buke, ma muli o kā lākou hana ʻana.

KA HŌʻIKE ʻANA A IOANE KA HAIPULE 20:15

A i ʻole i palapala ʻia kekahi i loko o ka Buke o ke Ola, kiola ʻia akula ʻo ia i ka loko ahi.

KA HŌʻIKE ʻANA A IOANE KA HAIPULE 3:5

‘ʻO ka mea lanakila, e hoʻoʻaʻahu ʻia ʻo ia i ka ʻaʻahu keʻokeʻo; ʻaʻole hoʻi au e holoi aku i kona inoa mai loko aku o ka Buke o ke Ola; akā, e hōʻoiaʻiʻo aku nō au i kona inoa i mua o koʻu Makua, a i mua o kona poʻe ʻānela.

KA HŌʻIKE ʻANA A IOANE KA HAIPULE 7:14

ʻĪ akula au iā ia, “E kuʻu haku, ua ʻike nō ʻoe.” ʻĪ mai kēlā iaʻu, “ʻO ia ka poʻe i hele mai, mai loko mai o ka pilikia nui, a ua holoi lākou i ko lākou ʻaʻahu, a hoʻokeʻokeʻo, ma loko o ke koko o ke Keiki Hipa.