KA BUKE NO DANIʻELA 11:4 - Ka Baibala Hemolele

⁴ “A i kona kū ʻana i luna e wāwahi ʻia kona aupuni, a mahele ʻia aʻela ma nā makani ʻehā o ka lani; ʻaʻole ia no kāna poʻe keiki, ʻaʻole nō ma muli o kona aupuni ka mea āna i mālama ai; no ka mea, e hoʻohiolo ʻia kona aupuni, no kekahi poʻe ʻē aʻe ia, ʻaʻole no kāna.

KA BUKE NO DANIʻELA 11:4 Iomraidhean Croise

KA BUKE O NĀ HALELŪ 39:6

“ʻOiaʻiʻo, ke hele nei kēlā kanaka kēia kanaka me he aka ʻoiaʻiʻo ʻole lā; He ʻoiaʻiʻo, ma ka mea lapuwale i pīhoihoi ai lākou; Hoʻāhu aʻela ia i ka waiwai ʻaʻole hoʻi i ʻike i ka mea nāna ia e ʻohi.

KE KAHUNA 4:8

Aia he mea hoʻokahi, ʻaʻole ona lua, ʻaʻole āna keiki, ʻaʻole ona hoahānau; akā, ʻo kāna hana ʻana, ʻaʻole e pau, ʻaʻole pili iki kona mau maka i ka nānā i ka waiwai, ʻaʻole ia i nīnau iho, “No wai koʻu e hana nei, a i hoʻonele i koʻu ʻuhane i ka maikaʻi?” He mea lapuwale kēia, a he mea luhi loa nō hoʻi.

KA WĀNANA A IEREMIA 12:15

“A ma hope iho o koʻu lawe ʻana aku iā lākou, a laila, e hoʻi hou nō wau, a e aloha aku iā lākou, a e hoʻihoʻi hou mai iā lākou i kēlā kanaka, i kēia kanaka i kona ʻāina hoʻoili, a i kēlā kanaka kēia kanaka i kona ʻāina iho.

KA WĀNANA A IEREMIA 12:17

“Akā, inā ʻaʻole lākou e mālama mai, a laila, e uhuki loa wau, a e ʻānai loa aku i kēlā lāhui kanaka,” wahi a Iēhova.

KA WĀNANA A IEREMIA 18:7

“I ka wā aʻu e ʻōlelo ai no kekahi lāhui kanaka, a no kekahi aupuni, e uhuki, e wāwahi, a e luku iho;

KA WĀNANA A IEREMIA 31:40

“A ʻo ke awāwa a pau o nā kupapaʻu, a ʻo ka lehu ahi, a ʻo nā kula a pau a hiki i kahawai ʻo Kiderona, a hiki i ka Puka Lio ma ka hikina, e laʻa ia no Iēhova; ʻaʻole ia e uhuki hou ʻia, ʻaʻole hoʻi e hoʻohiolo hou ʻia a mau loa aku.”

KA WĀNANA A IEREMIA 45:4

“Penei ʻoe e ʻōlelo ai iā ia, ‘Ke ʻōlelo mai nei ʻo Iēhova penei, “Aia hoʻi, ʻo ka mea aʻu i kūkulu ai, ʻo ia kaʻu e wāwahi ai, a ʻo ka mea aʻu i kanu ai, ʻo ia kaʻu e uhuki ai, ʻo kēia ʻāina hoʻi a pau.”

KA WĀNANA A IEREMIA 49:36

‘E lawe mai nō hoʻi au ma luna o ʻElama i nā makani ʻehā, Mai nā kihi ʻehā o ka lani mai, A e hoʻopuehu hoʻi iā lākou ma ia mau makani a pau; ʻAʻohe ʻāina e koe, kahi e hiki ʻole aku ai ka poʻe kuewa o ʻElama.

KA WĀNANA A ʻEZEKIʻELA 37:9

A laila ʻōlelo maila ʻo ia iaʻu, “E wānana ʻoe i ka makani, e wānana, e ke keiki a ke kanaka, a e ʻōlelo i ka makani, ‘Ke ʻī mai nei Iēhova ka Haku, “E hele mai, e ka makani, mai nā makani ʻehā mai, a e hā iho ma luna o kēia poʻe make i ka pepehi ʻia, i ola lākou.”’”

KA BUKE NO DANIʻELA 7:2

ʻŌlelo akula ʻo Daniʻela, ʻī aku, “Ua ʻike au ma koʻu hihiʻo ʻana i ka pō, aia hoʻi, ua paio ikaika aʻela nā makani ʻehā o ka lani ma luna iho o ke Kai Nui.

KA BUKE NO DANIʻELA 7:6

“A ma hope iho o kēia, ʻike akula au, aia hoʻi kekahi, ua like me ka leopadi, a ma luna o kona kua ʻehā mau ʻēheu manu; ʻehā nō hoʻi poʻo o ua holoholona lā; a ua hāʻawi ʻia mai iā ia ke aliʻi ʻana.

KA BUKE NO DANIʻELA 7:8

“I koʻu noʻonoʻo ʻana i ua mau pepeiaohao lā, aia hoʻi, kupu maila i waenakonu o lākou kekahi pepeiaohao ʻuʻuku, uhuki ʻia aʻela i mua ona nā pepeiaohao mua ʻekolu: a i loko o ua pepeiaohao ʻuʻuku lā, aia hoʻi, he mau maka me he maka kanaka lā, a he waha hoʻi e ʻōlelo ana i nā mea nui.

KA BUKE NO DANIʻELA 8:22

“A ʻo ka haʻihaʻi ʻana o ia mea, a kupu mai nā mea ʻehā e pani i kona hakahaka, pēlā nō e kū mai ai nā aupuni ʻehā mai loko mai o kēia lāhui kanaka; akā, ʻaʻole naʻe e like me kona ikaika.

KA BUKE NO DANIʻELA 8:8

No ia mea, māhuahua loa ka ikaika o ua kao kāne lā; a i kona wā i ikaika loa ai, ua uhaʻi ʻia kona pepeiaohao nui; a ua pani ʻia nō hoʻi kona hakahaka i nā pepeiaohao nui ʻehā, e kū pono ana i nā makani ʻehā o ka lani.

ZEKARIA 2:6

¶ “ʻEā! ʻEā! E holo hoʻi ʻoukou mai ka ʻāina kūkulu ʻākau aku,” wahi a Iēhova; “no ka mea, ua hoʻopuehu aku au iā ʻoukou me nā makani ʻehā o ka honua,” wahi a Iēhova.

ZEKARIA 6:5

ʻŌlelo maila ka ʻānela, i maila iaʻu, “Eia nā ʻuhane ʻehā o ka lani, e hele aʻe ana mai kahi a lākou i kū aku ai i mua o ka Haku o ka honua a pau.

KA ʻEUANELIO I KĀKAU ʻIA AI E MATAIO 12:25

ʻIke aʻela ʻo Iesū i ko lākou manaʻo ʻana, ʻī akula iā lākou, “ʻO ke aupuni i mokuāhana iā ia iho, e pau ia, a ʻo ke kūlanakauhale a ʻo ka poʻe ʻohana i mokuāhana iā ia iho, ʻaʻole ia e mau.

KA ʻEUANELIO I KĀKAU ʻIA AI E LUKA 12:20

“Akā, ʻōlelo maila ke Akua iā ia, ‘E ke kanaka naʻaupō! I kēia pō, e kiʻi ʻia aku ai kou ʻuhane; a laila no wai lā ia mau mea āu i hoʻomākaukau ai?’

KA HŌʻIKE ʻANA A IOANE KA HAIPULE 7:1

¶ Ma hope iho o kēia mau mea, ʻike akula au i nā ʻānela ʻehā e kū ana ma nā kihi ʻehā o ka honua, e paʻa ana i nā makani ʻehā o ka honua, i pā ʻole mai ka makani ma ka ʻāina, ʻaʻole hoʻi ma ka moana, ʻaʻole hoʻi ma kekahi lāʻau.