KA BUKE NO DANIʻELA 11:16 - Ka Baibala Hemolele

¹⁶ “Akā, ʻo ka mea e hele kūʻē mai iā ia, e hana nō ia ma muli o kona makemake, ʻaʻole e hiki i kekahi ke kū i mua ona; a e kū iho ʻo ia ma ka ʻĀina Hanohano e hoʻopau ʻia ai e kona lima.

KA BUKE NO DANIʻELA 11:16 Iomraidhean Croise

KA WĀNANA A ʻISAIA 8:8

“E hū nō ia ma luna o Iuda, a holomoku hoʻi. E piʻi nō a hiki i ka ʻāʻī; A ʻo ka hohola ʻana o kona mau ʻēheu, ʻO ka pālahalaha ia o kou ʻāina, e ʻImanuʻela.

KA WĀNANA A IEREMIA 3:19

¶ “Akā, ʻī ihola au, ‘Pehea lā au e waiho ai iā ʻoe i waena o nā keiki, A hāʻawi hoʻi iā ʻoe i ka ʻāina maikaʻi, I ʻāina hoʻoili nani o nā pae ʻāina?’ A ʻōlelo akula au, ‘E kapa mai ʻoukou iaʻu, ʻo koʻu Makua, ʻAʻole hoʻi e huli mai oʻu aku nei.’

KA BUKE NO DANIʻELA 11:3

“E kū mai auaneʻi i luna kekahi aliʻi ikaika loa, e aliʻi ana ʻo ia me ka ikaika nui, a e hana nō hoʻi ia ma muli o kona makemake iho.

KA BUKE NO DANIʻELA 11:36

¶ “A ʻo ke aliʻi e hana nō ia ma muli o kona makemake iho; a e hoʻokiʻekiʻe iā ia iho ma luna o nā akua a pau, a e ʻōlelo i nā mea kupaianaha kūʻē i ke Akua o nā akua, a e pōmaikaʻi nō naʻe ia a hiki i ka pau ʻana o ka huhū ʻia mai; no ka mea, ʻo ka mea i hoʻopaʻa ʻia mai, e hoʻokō ʻia mai nō ia.

KA BUKE NO DANIʻELA 11:41

“A e komo nō hoʻi ia i loko o ka ʻĀina Nani, a e hoʻokahuli ʻia nā mea he nui; akā, e hoʻopakele ʻia kēia mau mea mai kona lima aku, ʻo ko ʻEdoma, a me ko Moaba, a me nā poʻokela o nā keiki a ʻAmona.

KA BUKE NO DANIʻELA 11:45

“A e kūkulu iho ʻo ia i ka halelewa o kona hale aliʻi i waena o nā kai a me ka mauna nani hoʻāno; akā, e hiki aku nō ʻo ia i kona hope, ʻaʻohe mea nāna ia e kōkua mai.

KA BUKE NO DANIʻELA 5:19

“A no ka hanohano āna i hāʻawi mai ai iā ia, ua makaʻu, a haʻalulu ihola nā lāhui kanaka, a me nā ʻāina, a me nā ʻōlelo i mua ona; ua pepehi ia i kāna mau mea i makemake ai, a ua hoʻōla nō hoʻi ʻo ia i kāna mau mea i makemake ai; ua hoʻokiʻekiʻe hoʻi ia i kāna mau mea i makemake ai, ua hoʻohaʻahaʻa nō hoʻi ia i nā mea āna i makemake ai.

KA BUKE NO DANIʻELA 8:4

ʻIke akula nō hoʻi au i ua hipa kāne lā e hoʻokuʻi ana ma ke komohana, a me ke kūkulu ʻākau, a me ke kūkulu hema; i ʻole e hiki i kekahi holoholona ke kū i mua ona, ʻaʻole naʻe i hiki i kekahi ke hoʻopakele aʻe mai kona lima aku; akā, hana ihola ʻo ia ma muli o kona makemake iho, a lilo nō ia i mea nui.

KA BUKE NO DANIʻELA 8:7

A i koʻu ʻike ʻana iā ia, hoʻokokoke ia i ka hipa kāne, ua wela kona huhū iā ia, a kuʻi ikaika akula ʻo ia i ka hipa kāne, a haʻihaʻi ʻia kona mau pepeiaohao; ʻaʻole ikaika i loko o ka hipa kāne e kū i mua ona; akā, hoʻolei ʻo ia iā ia i lalo i ka lepo, a hehi ihola ia ma luna ona; ʻaʻohe mea nāna e hoʻopakele i ka hipa kāne mai kona lima aku.

KA BUKE NO DANIʻELA 8:9

¶ Kupu maila nō hoʻi kekahi pepeiaohao liʻiliʻi no loko mai o kekahi o lākou, a lilo ia i mea nui loa ma ke kūkulu hema, a ma ka hikina, a ma ka ʻĀina ʻOluʻolu.

KA BUKE A IOSUA 1:5

“ʻAʻole loa e hiki i kekahi kanaka ke kū i mua ou, i nā lā a pau o kou ola ʻana. Me aʻu i noho pū ai me Mose, pēlā nō wau me ʻoe. ʻAʻole au e waiho aku, ʻaʻole hoʻi e haʻalele iā ʻoe.