KA BUKE NO DANIʻELA 10:8 - Ka Baibala Hemolele

⁸ No laila, ʻo wau wale nō kai koe iho, a ua ʻike nō au ia hihiʻo nui, ʻaʻole naʻe he ikaika i koe i loko oʻu; no ka mea, ua lilo koʻu helehelena me he keʻokeʻo make lā, ʻaʻole ikaika i koe i loko oʻu.

KA BUKE NO DANIʻELA 10:8 Iomraidhean Croise

KA BUKE MUA A MOSE, I KAPA ʻIA KINOHI 32:31

Puka maila ka lā ma luna ona i kona hele ʻana aʻe ma luna o Penuʻela, kapeke aʻela ʻo ia ma luna o kona ʻūhā.

KA BUKE ʻALUA A MOSE, I KAPA ʻIA PUKA ʻANA 3:3

ʻĪ ihola ʻo Mose, “E kipa aʻe nō wau e ʻike i kēia mea nui, i ka mea i pau ʻole ai ka lāʻau i ke ahi.”

KA BUKE NO DANIʻELA 10:16

Aia hoʻi kekahi ua like me ke ʻano o ke kanaka, hoʻopā maila ia i koʻu lehelehe; a laila ʻoaka aʻela koʻu waha, a ʻōlelo akula au i ka mea e kū ana i mua oʻu, ʻī aku, “E kuʻu haku, no ua hihiʻo lā ua hoʻi hou koʻu weliweli ma luna oʻu, ʻaʻole loa oʻu ikaika i koe.

KA BUKE NO DANIʻELA 10:17

“Pehea lā e hiki ai i ke kauā a kuʻu haku nei ke kamaʻilio pū me kuʻu haku? No ka mea, ʻo wau, ua ʻemo ʻole, ʻaʻole ikaika i koe i loko oʻu, ʻaʻole hoʻi he hanu i loko oʻu.”

KA BUKE NO DANIʻELA 7:28

“Eia ka hope o kēia mea. ʻO wau, ʻo Daniʻela, ua kaumaha au i kuʻu manaʻo iho, ua ʻano ʻē koʻu maka; akā, ua hūnā au i kēia mea i loko o koʻu naʻau iho.”

KA BUKE NO DANIʻELA 8:27

ʻO wau, ʻo Daniʻela nei, ua maʻule ihola au, a ua maʻi hoʻi i kekahi mau lā. Ma hope iho, kū aʻela au i luna, a hana aʻela i ka hana a ke aliʻi; a kāhāhā nui ihola koʻu naʻau i ua hihiʻo lā; akā, ʻaʻohe mea nāna i ʻike.

KA BUKE NO DANIʻELA 8:7

A i koʻu ʻike ʻana iā ia, hoʻokokoke ia i ka hipa kāne, ua wela kona huhū iā ia, a kuʻi ikaika akula ʻo ia i ka hipa kāne, a haʻihaʻi ʻia kona mau pepeiaohao; ʻaʻole ikaika i loko o ka hipa kāne e kū i mua ona; akā, hoʻolei ʻo ia iā ia i lalo i ka lepo, a hehi ihola ia ma luna ona; ʻaʻohe mea nāna e hoʻopakele i ka hipa kāne mai kona lima aku.

HABAKUKA 3:16

¶ Lohe ihola au, a haʻalulu koʻu ʻōpū; Haʻalulu kuʻu lehelehe i ka leo; Komo mai ka popopo i loko o kou mau iwi, A haʻalulu au ma kuʻu wahi ma lalo; He ʻoiaʻiʻo, e hoʻomaha au i ka lā o ka pōpilikia, A piʻi kūʻē mai nā kānaka, e hoʻopilikia mai.

KA ʻEUANELIO I KĀKAU ʻIA AI E MATAIO 17:6

A lohe aʻela nā haumāna, moe ihola lākou, i lalo ke alo, makaʻu loa aʻela.

KA ʻEUANELIO I KĀKAU ʻIA AI E MAREKO 9:6

ʻAʻole ia i ʻike i kāna mea i ʻōlelo aku ai; no ka mea, ua makaʻu lākou.

KA ʻEUANELIO I KĀKAU ʻIA AI E IOANE 16:32

“Aia hoʻi, e hiki ana ka hora, ʻānō hoʻi ua hiki mai, e hoʻopuehu ʻia kēlā mea kēia mea o ʻoukou ma kona wahi, a e haʻalele ʻoukou iaʻu e hoʻokahi wale nō; ʻaʻole hoʻi au e hoʻokahi wale ana; no ka mea, ʻo ka Makua pū me aʻu.

ʻO KA ʻEPISETOLE LUA A PAULO KA LUNAʻŌLELO I KO KORINETO 12:7

O hoʻokiʻekiʻe paha wau no ka nui o nā mea i hōʻike ʻia mai, ua hāʻawi ʻia mai iaʻu he mea ʻoiʻoi ma kuʻu ʻiʻo, he ʻelele na Sātana e kuʻi mai ai iaʻu, o hoʻokiʻekiʻe auaneʻi au.

KA HŌʻIKE ʻANA A IOANE KA HAIPULE 1:17

A ʻike akula au iā ia, hina ihola au ma kona wāwae me he mea make lā; kau maila ʻo ia i kona lima ʻākau ma luna iho oʻu, ʻī maila iaʻu, “Mai makaʻu. ʻO wau nō ka Mea Mua a me ka Mea Hope;