KA BUKE NO DANIʻELA 10:5 - Ka Baibala Hemolele

⁵ a laila, leha aʻela koʻu mau maka, nānā akula au, aia hoʻi, he kanaka ua ʻaʻahu ʻia i ke kapa olonā, a ʻo kona pūhaka ua kākoʻo ʻia i ke gula maikaʻi o ʻUpaza.

KA BUKE NO DANIʻELA 10:5 Iomraidhean Croise

KA WĀNANA A ʻISAIA 11:5

ʻO ka pono nō ke kāʻei o kona pūhaka, A ʻo ka ʻoiaʻiʻo hoʻi ke kākoʻo o kona kīkala.

KA WĀNANA A IEREMIA 10:9

Ua lawe ʻia mai nā papa kālā, Mai Taresisa mai, A ʻo ke gula hoʻi, mai ʻUpaza mai, Ka hana a ka paʻahana, A ka lima hoʻi o ka mea hoʻoheheʻe kālā. He poni uliuli, a he poni ʻulaʻula ko lākou lole; ʻO ka hana hoʻi a ka poʻe akamai o ia mau mea a pau.

KA WĀNANA A ʻEZEKIʻELA 9:2

Aia hoʻi, hele maila nā kānaka ʻeono mai ka ʻaoʻao mai o ka puka luna, e moe ana ma ke kūkulu ʻākau, e paʻa ana i ka lima o kēlā kanaka kēia kanaka kona mea ʻoi e luku ai; a i waena o lākou kekahi kanaka i ʻaʻahu ʻia i ke olonā, a he ipu ʻīnika o ka mea kākau ma kona ʻaoʻao; a komo lākou i loko, a kū iho ma ka ʻaoʻao o ke kuahu keleawe.

ZEKARIA 1:8

Ua ʻike au i ka pō, aia hoʻi, he kanaka e noho ana ma luna o ka lio ʻulaʻula, e kū ana i waena o nā lāʻau mureto ma kahi malumalu, a ma hope ona nā lio ʻulaʻula, kikokiko a keʻokeʻo.

ʻO KA ʻEPISETOLE A PAULO KA LUNAʻŌLELO I KO ʻEPESO 6:14

E kūpono hoʻi ʻoukou, «i kākoʻo ʻia ko ʻoukou pūhaka i ka ʻoiaʻiʻo», a «pūliki ʻia ʻoukou i ka pale umauma o ka pono»;

KA BUKE A IOSUA 5:13

¶ Eia hoʻi kekahi, i ko Iosua noho ʻana i mua o Ieriko, ʻalawa aʻela kona maka i luna, nānā akula, aia hoʻi! Kū maila kekahi Kanaka i mua ona, me ka pahi kaua i unuhi ʻia ma kona lima. Hele akula ʻo Iosua i ona lā, ʻī akula, “Ma o mākou nei anei ʻoe, ma ko mākou ʻenemi paha?”