KA BUKE NO DANIʻELA 10:16 - Ka Baibala Hemolele

¹⁶ Aia hoʻi kekahi ua like me ke ʻano o ke kanaka, hoʻopā maila ia i koʻu lehelehe; a laila ʻoaka aʻela koʻu waha, a ʻōlelo akula au i ka mea e kū ana i mua oʻu, ʻī aku, “E kuʻu haku, no ua hihiʻo lā ua hoʻi hou koʻu weliweli ma luna oʻu, ʻaʻole loa oʻu ikaika i koe.

KA BUKE NO DANIʻELA 10:16 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 4:10

¶ ʻĪ akula ʻo Mose iā Iēhova, “E kuʻu Haku ē, he kanaka akamai ʻole wau i ka ʻōlelo, ʻaʻole ma mua mai a hiki i kēia wā āu e ʻōlelo mai ai i kāu kauā nei, he kali koʻu waha, a he kali hoʻi koʻu elelo.”

KA BUKE ʻALUA A MOSE, I KAPA ʻIA PUKA ʻANA 4:13

ʻĪ akula ia, “E kuʻu Haku ē, ke noi aku nei au iā ʻoe, e hoʻouna aku ʻoe ma ka lima o ka mea āu e hoʻouna aku ai.”

KE KAHUNA 1:18

No ka mea, ma ka naʻauao nui, ma laila ke kaumaha; a ʻo ka mea i hoʻonui i ka ʻike, hoʻonui nō ia i ka ʻeha.

KA WĀNANA A ʻISAIA 6:7

A hoʻopā maila ma kuʻu waha, ʻī maila, “Aia hoʻi, ua hoʻopā kēia ma kou mau lehelehe, ua lawe ʻia kou hewa, ua kala ʻia kou hala.”

KA WĀNANA A IEREMIA 1:9

Hohola mai ʻo Iēhova i kona lima, a hoʻopā ihola i koʻu waha; a ʻōlelo maila ʻo Iēhova iaʻu, “Aia hoʻi, ua hāʻawi aku au i kaʻu mau ʻōlelo i loko o kou waha.

KA WĀNANA A ʻEZEKIʻELA 1:26

¶ A ma luna o ka lani i luna o ko lākou mau poʻo, he mea like me ka noho aliʻi, me he pōhaku sapire lā i ka nānā aku; a ma luna o ka mea like me ka noho aliʻi, he mea like me ke kanaka ma luna iho ona i ka nānā aku.

KA WĀNANA A ʻEZEKIʻELA 3:27

“Akā, i ka wā e ʻōlelo aku ai au iā ʻoe, e wehe au i kou waha, a e ʻōlelo aku ʻoe iā lākou, ‘Ke ʻī mai nei ʻo Iēhova ka Haku,’ ʻO ka mea lohe, e lohe ia, a ʻo ka mea hoʻolohe ʻole, e hoʻolohe ʻole nō ia; no ka mea, he ʻohana kipi lākou.

KA WĀNANA A ʻEZEKIʻELA 33:22

A ua kau mai ka lima o Iēhova ma luna oʻu i ke ahiahi ma mua o ka hiki ʻana mai i oʻu nei o ka mea i pakele; a ua wehe mai i kuʻu waha, a hiki mai ia i ke kakahiaka; a ua wehe ʻia kuʻu waha, ʻaʻole au i leo paʻa hou aku.

KA BUKE NO DANIʻELA 12:8

A lohe akula au, ʻaʻole naʻe au i hoʻomaopopo aku; a laila ʻī akula au, “E koʻu haku, he aha ka hopena o kēia mau mea?”

KA BUKE NO DANIʻELA 4:19

¶ “A laila pili pū ihola ʻo Daniʻela i kapa ʻia ʻo Beletesaza i hoʻokahi hora, a pono ʻole kona manaʻo. ʻEkemu maila ke aliʻi, ʻī mai, ‘E Beletesaza, mai pili pū kou manaʻo no ka moe, a me kona ʻano.’ ʻĪ akula ʻo Beletesaza, ‘E koʻu haku, i ka poʻe i hōʻino mai iā ʻoe kēia moe, a ʻo ka hoʻohālike ʻana i kou poʻe ʻenemi nō ia.

KA BUKE NO DANIʻELA 7:15

“ʻO wau, ʻo Daniʻela nei, ua kaumaha loa kuʻu naʻau i loko o kuʻu kino, a ua pīhoihoi au i nā liʻa o kuʻu poʻo.

KA BUKE NO DANIʻELA 7:28

“Eia ka hope o kēia mea. ʻO wau, ʻo Daniʻela, ua kaumaha au i kuʻu manaʻo iho, ua ʻano ʻē koʻu maka; akā, ua hūnā au i kēia mea i loko o koʻu naʻau iho.”

KA BUKE NO DANIʻELA 8:15

¶ Eia kekahi, i ka wā aʻu a Daniʻela nei i ʻike ai ma ka hihiʻo, a ʻimi au i ke ʻano, a laila, aia hoʻi, kū maila kekahi mea i mua oʻu, ua like kona ʻano me ko ke kanaka.

KA BUKE NO DANIʻELA 8:17

A laila, hoʻokokoke mai ʻo ia i kahi aʻu i kū ai, a i kona hiki ʻana mai, makaʻu ihola au, a hāʻule iho i lalo koʻu maka; akā, ʻī maila ʻo ia iaʻu, “E ʻike pono ʻoe, e ke keiki a ke kanaka; no ka mea, no ka manawa ma hope kēia hihiʻo.”

KA BUKE NO DANIʻELA 8:18

A i kāna ʻōlelo ʻana mai iaʻu, ua moe loa ihola au i lalo koʻu maka i ka honua; akā, hoʻopā mai ʻo ia iaʻu, a hoʻāla aʻe iaʻu i luna.

KA BUKE NO DANIʻELA 8:27

ʻO wau, ʻo Daniʻela nei, ua maʻule ihola au, a ua maʻi hoʻi i kekahi mau lā. Ma hope iho, kū aʻela au i luna, a hana aʻela i ka hana a ke aliʻi; a kāhāhā nui ihola koʻu naʻau i ua hihiʻo lā; akā, ʻaʻohe mea nāna i ʻike.

KA BUKE NO DANIʻELA 9:21

ʻoiaʻiʻo, i kaʻu ʻōlelo ʻana ma ka pule, ʻo ke kanaka ʻo Gaberiʻela, ka mea aʻu i ʻike ai ma mua ma ka hihiʻo, ua hoʻoholo māmā ʻia mai ʻo ia, a hoʻopā mai iaʻu i ka manawa o ka mōhai ahiahi.

KA ʻEUANELIO I KĀKAU ʻIA AI E LUKA 1:64

A wehe koke ʻia ihola kona waha a me kona elelo, a ʻōlelo akula ia me ka hoʻoleʻa i ke Akua.

KA ʻEUANELIO I KĀKAU ʻIA AI E LUKA 21:15

“No ka mea, e hāʻawi aku au i waha no ʻoukou a me ke akamai, ʻaʻole e hiki i ko ʻoukou poʻe ʻenemi a pau ke hoʻopohala, ʻaʻole hoʻi ke pale aʻe.

KA ʻEUANELIO I KĀKAU ʻIA AI E IOANE 20:28

ʻŌlelo akula ʻo Toma iā ia, ʻī akula, “E koʻu Haku, a me koʻu Akua!”

KA BUKE A IOSUA 5:14

ʻĪ maila kēlā, “ʻAʻole, ua hele mai nei au i aliʻi koa no ko Iēhova pūʻali.” Moe ihola ko Iosua alo ma ka honua, hoʻomana akula, ʻī akula iā ia, “He aha kā kuʻu Haku e ʻōlelo mai nei i kau kauā?”

KA HŌʻIKE ʻANA A IOANE KA HAIPULE 1:13

a ma waena pono o nā ipukukui ʻehiku, he Mea e like me ke Keiki a ke Kanaka, ua ʻaʻahu ʻia a hiki i lalo i nā wāwae, a ua kāʻei ʻia ma ka umauma i ke kāʻei gula.

KA BUKE NO NĀ LUNA KĀNĀWAI 13:8

¶ A laila, nonoi akula ʻo Manoa iā Iēhova, ʻī akula, “E kuʻu Haku ē, e kuʻu mai i ko ke Akua Kanaka āu i hoʻouna mai ai, e hele hou mai iā māua, e aʻo mai iā māua i nā mea a māua e hana aku ai i ke keiki e hānau mai ana.”

KA BUKE NO NĀ LUNA KĀNĀWAI 6:13

ʻĪ akula ʻo Gideona iā ia, “E kuʻu Haku ē, inā ʻo Iēhova kekahi pū me mākou, no ke aha lā mākou i loʻohia i kēia mau mea a pau? ʻAuhea kāna mau hana mana nui, a ko mākou poʻe mākua i haʻi mai ai iā mākou, i ka ʻī ʻana mai, ‘ʻAʻole anei i lawe mai ʻo Iēhova iā kākou, mai ʻAigupita mai?’ Akā, ua haʻalele mai ʻo Iēhova iā kākou, a ua hāʻawi iā kākou i loko o nā lima o ko Midiana.”

KA BUKE NO NĀ LUNA KĀNĀWAI 6:15

ʻĪ akula kēia iā ia, “E kuʻu Haku, pehea lā wau e hoʻōla ai i kā ʻIseraʻela? He nāwaliwali koʻu hanauna i kā Manase a pau; a ua liʻiliʻi au i loko o ka hale o koʻu makua.”