KA BUKE NO DANIʻELA 10:1 - Ka Baibala Hemolele

¹ ¶ I ke kolu o ka makahiki o Kuro, ke aliʻi o Peresia, ua hōʻike ʻia mai kekahi mea iā Daniʻela, ka mea i kapa ʻia ʻo Beletesaza; he ʻoiaʻiʻo kēia mea, a ua pili i nā mea kaumaha nui; ua ʻike ʻo ia i ua mea lā, a ua akāka iā ia ke ʻano o ka hihiʻo.

KA BUKE NO DANIʻELA 10:1 Iomraidhean Croise

KA BUKE MUA A MOSE, I KAPA ʻIA KINOHI 41:32

“Ua pāpālua ʻia ka moe a Paraʻo; no ka mea, ua paʻa ia manaʻo o ke Akua, a ua kokoke e hana ʻiʻo mai nō ke Akua.

KA BUKE ʻALUA O KA ʻOIHANA ALIʻI 36:22

¶ I ka makahiki mua o Kuro ke aliʻi o Peresia, i hoʻokō ʻia ai ka ʻōlelo a Iēhova ma ka waha o Ieremia, hoʻāla aʻe ʻo Iēhova i ka naʻau o Kuro, ke aliʻi o Peresia, a kēnā aku ʻo ia e kūkala ma kona aupuni a pau, a ma ka palapala hoʻi, ʻī akula,

KA BUKE A ʻEZERA 3:7

A hāʻawi akula lākou i ke kālā no ka poʻe kālai pōhaku, a no ka poʻe paʻahana; a me ka ʻai hoʻi, a me ka mea inu, a me ka ʻaila na ko Zidona, a na ko Turo, i lawe mai lākou i nā lāʻau kedara mai Lebanona mai a ke kai o Iopa, e like me ka mea a Kuro ke aliʻi o Peresia i ʻae mai ai iā lākou.

KA BUKE A ʻEZERA 4:3

A ʻo Zerubabela, a ʻo Iosua, a me ka poʻe i koe o ka poʻe koʻikoʻi o nā mākua o kā ʻIseraʻela, ʻōlelo aku lākou nei iā lākou lā, “ʻAʻohe a ʻoukou mea iā mākou e hana pū ai i ka hale no ko mākou Akua; akā, ʻo mākou wale nō e hana no Iēhova ke Akua o kā ʻIseraʻela, e like me kā ke aliʻi, kā Kuro, ke aliʻi o Peresia, i kauoha mai ai iā mākou.”

KA BUKE A ʻEZERA 4:5

A hoʻolimalima kēlā poʻe i nā kākāʻōlelo e kūʻē iā lākou, e hoʻokahuli i ko lākou manaʻo i nā lā a pau o Kuro, ke aliʻi o Peresia, a hiki i ke au iā Dariu ke aliʻi o Peresia.

KA BUKE A ʻEZERA 6:14

A hana akula nā lunakahiko o nā Iudaio, a ua pōmaikaʻi lākou ma ka wānana a Hagai ke kāula, a me Zekaria ke keiki a ʻIdo. A hana lākou, a hoʻopaʻa hoʻi, e like me ke kauoha a ke Akua o kā ʻIseraʻela, a like hoʻi me ke kauoha a Kuro, a me Dariu, a me ʻAretasaseta, ke aliʻi o Peresia.

KA BUKE A ʻEZERA 6:3

“I ka makahiki mua o Kuro ke aliʻi, kauoha aʻela ʻo ua Kuro lā ke aliʻi no ka hale o ke Akua ma Ierusalema, ‘E hana ʻia ka hale, kahi i kaumaha aku ai i nā mōhai, a e hoʻonoho paʻa ʻia ke kumu; he kanaono haʻilima ke kiʻekiʻe, a he kanaono haʻilima ka laulā;

KA WĀNANA A ʻISAIA 44:28

“Ka Mea ʻōlelo no Kuro, ‘ʻO ia kaʻu kahu hipa, Nāna nō e hana i koʻu makemake a pau.’ Ka mea i ʻōlelo iā Ierusalema, ‘E hana hou ʻia nō ʻoe,’ A i ka luakini hoʻi, ‘E hoʻokumu ʻia hoʻi ʻoe.’”

KA BUKE NO DANIʻELA 1:17

¶ A ʻo kēia mau keiki ʻehā, hāʻawi maila ke Akua iā lākou i ka ʻike, a me ke akamai ma nā mea a pau i palapala ʻia, a me ka naʻauao; a ʻo Daniʻela, ua ʻike ʻo ia i ka hoʻākāka i nā akakū a pau a me nā moeʻuhane.

KA BUKE NO DANIʻELA 1:21

Ola aʻela ʻo Daniʻela a hiki i ka makahiki mua o ko Kuro aliʻi ʻana.

KA BUKE NO DANIʻELA 1:7

Kapa aʻela ka luna o ka poʻe i poʻa ʻia i mau inoa hou no lākou; kapa aʻela ʻo ia i ko Daniʻela ʻo Beletesaza; i ko Hanania ʻo Saderaka; i ko Misaʻela ʻo Mesaka; a me ko ʻAzaria ʻo ʻAbedenego.

KA BUKE NO DANIʻELA 10:14

“ʻĀnō, ua hele mai nei au e hoʻākāka i ʻike ʻoe i nā mea e hiki mai ana i kou poʻe kānaka i nā lā ma hope; no ka mea, ua nui nā lā i koe o ua hihiʻo lā.”

KA BUKE NO DANIʻELA 11:2

“ʻĀnō e haʻi aku au iā ʻoe i ka mea ʻoiaʻiʻo. Aia hoʻi, e kū mai auaneʻi i luna ʻekolu aliʻi ma Peresia; a ʻo ka hā e ʻoi nui aku kona waiwai ma mua o ko lākou a pau; a ma kona ikaika no ka waiwai e hoʻāla ʻo ia i nā mea a pau e kūʻē i ke aupuni o Helene.

KA BUKE NO DANIʻELA 12:4

“Akā, e hoʻopaʻa ʻoe, e Daniʻela, i nā ʻōlelo, a e hoʻopili i ka buke a hiki i ka hope; he nui ka poʻe e holo i ʻō a i ʻō, a e māhuahua ana nō ka ʻike.”

KA BUKE NO DANIʻELA 12:9

ʻŌlelo maila ʻo ia, “Ō hele ʻoe, e Daniʻela; no ka mea, ua hoʻopaʻa ʻia kēia mau ʻōlelo, a ua hoʻopili ʻia hoʻi a hiki aku i ka manawa o ka hopena.

KA BUKE NO DANIʻELA 2:21

“Nāna nō i hoʻololi mai i nā wā a me nā kau; Nāna nō i kipaku aku i nā aliʻi, a hoʻokū hoʻi i luna i nā aliʻi; Hāʻawi mai nō hoʻi ʻo ia i ka naʻauao no ka poʻe naʻauao, A me ka ʻike no ka poʻe ʻike.

KA BUKE NO DANIʻELA 4:8

“Ma hope iho, hele mai i mua oʻu ʻo Daniʻela, ka mea i kapa ʻia ʻo Beletesaza ma muli o ka inoa o koʻu akua; no ka mea, aia i loko ona ka ʻuhane o nā akua hemolele; a haʻi aku au iā ia i kaʻu moe;

KA BUKE NO DANIʻELA 5:12

“No ka mea, aia i loko o Daniʻela ka mea a ke aliʻi i kapa ai ʻo Beletesaza, he ʻuhane naʻauao loa, a me ke akamai, ʻo ka hoʻākāka ʻana i nā moe, ka hoʻomaopopo ʻana i nā ʻōlelo nane, a me ka hōʻike ʻana i nā mea pohihihi; ʻānō e kiʻi ʻia aku ʻo Daniʻela, a nāna nō e hoʻākāka mai i ke ʻano.”

KA BUKE NO DANIʻELA 5:17

¶ ʻEkemu akula ʻo Daniʻela, ʻī akula i mua o ke aliʻi, “E mālama i kou haʻawina nou iho, a me kou uku na haʻi; akā, e heluhelu nō au ia palapala no ke aliʻi, a e hoʻākāka nō hoʻi au i ke ʻano.

KA BUKE NO DANIʻELA 6:28

¶ Pēlā i noho maluhia ai ʻo Daniʻela i ke au iā Dariu, a i ke au iā Kuro ʻo ka Peresia.

KA BUKE NO DANIʻELA 8:16

A lohe akula au i ka leo kanaka ma ʻUlai e kāhea ana, ʻī aʻela, “E Gaberiʻela ē, e hoʻākāka aʻe ʻoe i nā mea i ʻike ʻia ma ka hihiʻo, i kēia kanaka.”

KA BUKE NO DANIʻELA 8:26

“A ʻo ka hihiʻo no ke ahiahi a me ke kakahiaka, Ka mea i haʻi ʻia mai, he ʻoiaʻiʻo nō ia; No ia mea, e pani ʻoe i ua hihiʻo lā; No ka mea, no nā lā he nui loa ia.”

KA ʻEUANELIO I KĀKAU ʻIA AI E LUKA 1:20

“Aia hoʻi, e paʻa ana kou leo, ʻaʻole e hiki iā ʻoe ke ʻōlelo, a hiki i ka lā e kō ai ia mau mea; no ka mea, ʻaʻole ʻoe i manaʻoʻiʻo mai i kaʻu mau ʻōlelo, e hoʻokō ʻia auaneʻi ia i ko lākou manawa.”

KA HŌʻIKE ʻANA A IOANE KA HAIPULE 19:9

ʻĪ maila kēlā iaʻu, “E palapala ʻoe penei, ‘Pōmaikaʻi ka poʻe i hea ʻia i ka ʻahaʻaina mare a ke Keiki Hipa.’” ʻĪ maila kēlā iaʻu, “ʻO ia nō nā ʻōlelo ʻoiaʻiʻo a ke Akua.”