KA BUKE NO DANIʻELA 1:9 - Ka Baibala Hemolele

⁹ Ua hāʻawi mai ke Akua iā Daniʻela i ka lokomaikaʻi a me ke aloha nui ʻia mai i mua o ka luna o ka poʻe i poʻa ʻia.

KA BUKE NO DANIʻELA 1:9 Iomraidhean Croise

KA BUKE MUA A MOSE, I KAPA ʻIA KINOHI 32:28

ʻĪ maila kēlā, “ʻAʻole e hea hou ʻia kou inoa, ʻo Iakoba; akā, ʻo ʻIseraʻela; no ka mea, he ikaika kou i mua o ke Akua; a e lanakila hoʻi ʻoe ma luna o nā kānaka.”

KA BUKE MUA A MOSE, I KAPA ʻIA KINOHI 39:21

Me Iosepa nō ʻo Iēhova, aloha nui maila iā ia, a hāʻawi maila iā ia i ka pono i mua o nā maka o ka mea nāna i mālama ka hale paʻahao.

KA BUKE MUA NO NĀ ALIʻI 8:50

“A e kala mai i kou poʻe kānaka i hana hewa aku iā ʻoe, a me ko lākou lawehala ʻana a pau i hana hewa aku ai lākou iā ʻoe, a e hāʻawi mai iā lākou i ke aloha, i mua o ka poʻe i lawe pio aku iā lākou, i aloha mai lākou iā lākou nei;

KA BUKE A NEHEMIA 1:11

“Ke noi aku nei au iā ʻoe, e ka Haku ē, e hāliu mai kou pepeiao i ka pule a kāu kauā, a i ka pule a kāu mau kauā e makemake ana e makaʻu i kou inoa; a e kōkua mai ʻoe i kāu kauā, i kēia lā, a hāʻawi mai iā ia i ka lokomaikaʻi ʻia mai i mua o kēia kanaka.” No ka mea, ʻo wau ka mea lawe kīʻaha no ke aliʻi.

KA BUKE A NEHEMIA 2:4

A ʻōlelo maila ke aliʻi iaʻu, “He aha kāu e ʻimi nei?” A laila pule akula au i ke Akua o ka lani.

KA BUKE NO ʻESETERA 2:9

Ua maikaʻi ia kaikamahine i kona manaʻo, a loaʻa iā ia ke aloha ʻia mai e ia, a hāʻawi koke aʻela ʻo ia iā ia i nā mea ʻala e maʻemaʻe ai, a me nā mea i pili iā ia, a me nā kauā wahine ʻehiku, nā mea pono ke hāʻawi ʻia mai nona mai loko mai o ka hale o ke aliʻi. A hoʻonoho ʻo ia iā ia a me kāna mau kauā wahine, ma ka hale maikaʻi o nā wāhine.

KA BUKE NO IOBA 5:15

“Akā, ke hoʻopakele nō ia i ka poʻe ʻilihune mai ka pahi kaua mai, mai ko lākou waha mai, A mai ka lima mai o ka mea ikaika.

KA BUKE NO IOBA 5:16

“No laila, ua loaʻa i ka mea hune ka manaʻolana, A ua hoʻopaʻa ka hewa i kona waha.

KA BUKE O NĀ HALELŪ 106:46

A laila, hāʻawi maila ʻo ia iā lākou I ke aloha ʻia i mua o ka poʻe a pau i lawe pio iā lākou.

KA BUKE O NĀ HALELŪ 4:3

E ʻike hoʻi ʻoukou ua hoʻānaʻē ʻo Iēhova i ka mea haipule nona; E lohe mai nō ʻo Iēhova i koʻu kāhea ʻana aku iā ia.

NĀ ʻŌLELO AKAMAI A SOLOMONA 16:7

I ka manaʻo ʻoluʻolu ʻana o Iēhova i ka ʻaoʻao o ke kanaka, Noho launa nō kona poʻe ʻenemi iā ia.

KA BUKE NO DANIʻELA 1:10

ʻŌlelo maila ka luna o ka poʻe i poʻa ʻia iā Daniʻela, “Ua makaʻu au i kuʻu haku i ke aliʻi, ka mea i kauoha mai i kā ʻoukou ʻai, a me kā ʻoukou mea e inu ai. Pehea lā uaneʻi e ʻike mai ai ke aliʻi i ko ʻoukou mau maka ua ʻinoʻino ma mua aku o nā maka o nā kamaliʻi me ʻoukou pū? Ma laila, e hoʻohewa ai ʻoukou i kuʻu poʻo i ke aliʻi.”

NĀ ʻOIHANA A KA POʻE LUNAʻŌLELO 7:10

a nāna nō i hoʻopakele mai iā ia, mai loko mai o kona mau pōpilikia a pau, a hāʻawi mai iā ia i ka lokomaikaʻi ʻia, a me ke akamai i mua o Paraʻo, ʻo ke aliʻi o ʻAigupita; a hoʻolilo ihola iā ia, i luna ma luna o ʻAigupita, a me kona hale a pau.