KA BUKE NO DANIʻELA 1:20 - Ka Baibala Hemolele

²⁰ Ma nā mea naʻauao a pau loa, a me nā mea e akamai ai a ke aliʻi i ʻimi ai iā lākou, ua maopopo ia, ua ʻoi pāʻumi aku ko lākou naʻauao ma mua o nā māgoi a pau, a me nā kilo ma kona aupuni a pau.

KA BUKE NO DANIʻELA 1:20 Iomraidhean Croise

KA BUKE MUA A MOSE, I KAPA ʻIA KINOHI 31:7

“A ua hoʻopunipuni mai ko ʻolua makua kāne iaʻu, a he ʻumi kāna hoʻololi ʻana i kaʻu uku; akā, ʻaʻole ke Akua i ʻae mai e hoʻopōʻino mai ia iaʻu.

KA BUKE MUA A MOSE, I KAPA ʻIA KINOHI 41:8

A ao aʻela ʻānoninoni ihola kona naʻau; hoʻouna akula ia e kiʻi i nā kilo a pau o ʻAigupita, a me nā kānaka naʻauao a pau o ia wahi; a haʻi akula ʻo Paraʻo iā lākou i kāna mau moe; ʻaʻohe mea nāna i hoʻākāka mai i ke ʻano o ua mau moe nei a Paraʻo.

KA BUKE A NEHEMIA 4:12

A i ka wā i hiki mai ai ka poʻe o kā Iuda, e noho ana ma kahi kokoke i o lākou lā, he ʻumi kā lākou ʻōlelo ʻana mai iā mākou, “Ma luna auaneʻi o ʻoukou, mai nā wahi mai a pau a ʻoukou e hoʻi mai ai iā mākou.”

KA BUKE NO IOBA 19:3

“Eia ka ʻumi o kā ʻoukou ʻōlelo ʻino mai iaʻu; ʻAʻole ʻoukou i hilahila, ke hoʻokulikuli ʻoukou iaʻu.

KA BUKE O NĀ HALELŪ 119:99

Ua ʻoi aku koʻu akamai, ma mua o ko kaʻu poʻe kumu a pau; No ka mea, ʻo kou hōʻike ʻana kaʻu e noʻonoʻo ai.

KA BUKE ʻALUA A MOSE, I KAPA ʻIA PUKA ʻANA 7:22

Hana ihola no pēlā nā māgoi o ʻAigupita i ko lākou mea e kilokilo ai; a ua hoʻopaʻakikī ʻia ka naʻau o Paraʻo, ʻaʻole hoʻi ia i hoʻolohe mai iā lāua, e like nō me ka mea a Iēhova i ʻōlelo mai ai.

KA BUKE ʻALUA A MOSE, I KAPA ʻIA PUKA ʻANA 8:19

A laila ʻōlelo aʻela nā māgoi iā Paraʻo, “Eia nō ka lima o ke Akua.” Ua hoʻopaʻakikī ʻia nō naʻe ko Paraʻo naʻau; ʻaʻole ia i hoʻolohe i kā lāua, e like me kā Iēhova i ʻōlelo mai ai.

KA BUKE ʻALUA A MOSE, I KAPA ʻIA PUKA ʻANA 8:7

Hana ihola nō pēlā nā māgoi i kā lākou mea e kilokilo ai, i hoʻohiki mai ai i nā rana ma ka ʻāina ʻo ʻAigupita.

KA WĀNANA A ʻISAIA 19:3

“E pau auaneʻi ke aho o ko ʻAigupita i loko o lākou; E hoʻokahuli au i ko lākou manaʻo; A laila, e huli lākou i ko lākou akua kiʻi, I nā mea namunamu, a me nā mea nīnau kupapaʻu, a me nā kupua.

KA WĀNANA A ʻEZEKIʻELA 28:3

“Aia hoʻi, ua ʻoi aku kou akamai ma mua o ke akamai o Daniʻela; ʻAʻole hiki iā lākou ke hūnā iā ʻoe i kekahi mea huna.

KA BUKE NO DANIʻELA 1:17

¶ A ʻo kēia mau keiki ʻehā, hāʻawi maila ke Akua iā lākou i ka ʻike, a me ke akamai ma nā mea a pau i palapala ʻia, a me ka naʻauao; a ʻo Daniʻela, ua ʻike ʻo ia i ka hoʻākāka i nā akakū a pau a me nā moeʻuhane.

KA BUKE NO DANIʻELA 2:13

A holo ka ʻōlelo e luku ʻia ka poʻe naʻauao a pau; a ʻimi ʻia ihola ʻo Daniʻela a me kona mau hoa e pepehi ʻia ai lākou.

KA BUKE NO DANIʻELA 2:21

“Nāna nō i hoʻololi mai i nā wā a me nā kau; Nāna nō i kipaku aku i nā aliʻi, a hoʻokū hoʻi i luna i nā aliʻi; Hāʻawi mai nō hoʻi ʻo ia i ka naʻauao no ka poʻe naʻauao, A me ka ʻike no ka poʻe ʻike.

KA BUKE NO DANIʻELA 5:17

¶ ʻEkemu akula ʻo Daniʻela, ʻī akula i mua o ke aliʻi, “E mālama i kou haʻawina nou iho, a me kou uku na haʻi; akā, e heluhelu nō au ia palapala no ke aliʻi, a e hoʻākāka nō hoʻi au i ke ʻano.

KA BUKE ʻAHĀ A MOSE, I KAPA ʻIA NĀ HELU 14:22

no ka mea, ʻo kēlā poʻe kānaka a pau, ka poʻe i ʻike mai i kuʻu nani, a me nā mea mana aʻu i hana ai ma ʻAigupita, a ma ka wao nahele, a he ʻumi ko lākou ʻaʻa ʻana mai iaʻu, ʻaʻole hoʻi i hoʻolohe mai i kuʻu leo;