KA BUKE A NEHEMIA 8:9 - Ka Baibala Hemolele

⁹ ¶ A ʻo Nehemia ke kiaʻāina, a me ʻEzera ke kahuna, ke kākau ʻōlelo, a me nā Levi ka poʻe e aʻo aku ana i nā kānaka, ʻōlelo akula i ka poʻe kānaka a pau, “He lā hoʻāno nō kēia no Iēhova ko ʻoukou Akua; mai ʻū, ʻaʻole hoʻi e uē.” No ka mea, uē ihola ka ʻaha kanaka a pau i ko lākou lohe ʻana i nā ʻōlelo o ke Kānāwai.

KA BUKE A NEHEMIA 8:9 Iomraidhean Croise

KA BUKE ʻALUA NO NĀ ALIʻI 22:11

A lohe ke aliʻi i ka ʻōlelo a ka Buke o ke Kānāwai, haehae ihola ia i kona ʻaʻahu.

KA BUKE ʻALUA NO NĀ ALIʻI 22:19

no ka mea, ua akahai kou naʻau, a ua hoʻohaʻahaʻa ʻoe iā ʻoe iho i mua o Iēhova i ka wā i lohe ai ʻoe i ka mea aʻu i ʻōlelo ai no kēia wahi, a me kona poʻe kānaka, i lilo ai lākou i mea kāhāhā ʻia, a i mea hōʻino ʻia, a ua haehae ʻoe i kou ʻaʻahu, a ua auē ʻoe i mua oʻu; ʻo wau hoʻi kai hoʻolohe,” wahi a Iēhova.

KA BUKE ʻALUA O KA ʻOIHANA ALIʻI 15:3

“I nā lā he nui loa, ʻaʻole iā ʻIseraʻela ke Akua ʻoiaʻiʻo, ʻaʻohe kahuna aʻo, ʻaʻole ke kānāwai.

KA BUKE ʻALUA O KA ʻOIHANA ALIʻI 30:22

ʻŌlelo ʻoluʻolu aku ʻo Hezekia i nā Levi a pau, ka poʻe i aʻo aku ma ka ʻike pono iā Iēhova; a ʻai lākou i ka ʻahaʻaina i nā lā ʻehiku, a mōhai aku lākou i nā mōhai aloha, a haʻi aku lākou i ko lākou hewa iā Iēhova ke Akua o ko lākou poʻe kūpuna.

KA BUKE ʻALUA O KA ʻOIHANA ALIʻI 34:19

A lohe aʻela ke aliʻi i nā ʻōlelo o ke Kānāwai, haehae ihola ia i kona kapa.

KA BUKE ʻALUA O KA ʻOIHANA ALIʻI 34:21

“E hele ʻoukou e nīnau iā Iēhova noʻu, a no ke koena o kā ʻIseraʻela a me kā Iuda, no nā ʻōlelo o ka buke i loaʻa iho nei; no ka mea, ua nui ka huhū o Iēhova i ninini ʻia ma luna o kākou; no ka mea, ʻaʻole i mālama ko kākou poʻe kūpuna i ka ʻōlelo a Iēhova, e hana e like me nā mea a pau i kākau ʻia i loko o kēia buke.”

KA BUKE ʻALUA O KA ʻOIHANA ALIʻI 35:3

ʻŌlelo akula ia i nā Levi, ka poʻe i aʻo aku i kā ʻIseraʻela a pau, ka poʻe i hoʻolaʻa ʻia no Iēhova, “E hoʻonoho ʻoukou i ka pahu hoʻāno i loko o ka hale a Solomona ke keiki a Dāvida ke aliʻi o kā ʻIseraʻela i kūkulu ai; ʻaʻole ia e lilo i mea kaumaha ma luna o ko ʻoukou mau poʻohiwi; e hoʻokauā aku ʻoukou na Iēhova, ko ʻoukou Akua, a me kā ʻIseraʻela kona poʻe kānaka.

KA BUKE A ʻEZERA 2:63

A ʻōlelo akula ke kiaʻāina iā lākou, ʻaʻole lākou e ʻai i nā mea i hoʻolaʻa loa ʻia, a kū mai kekahi kahuna me ka ʻUrima a me ke Tumima.

KA BUKE A ʻEZERA 7:11

¶ Eia ke kope o ka palapala a ʻAretasaseta ke aliʻi i hāʻawi aku ai iā ʻEzera ke kahuna, ke kākau ʻōlelo, he kākau ʻōlelo no nā kauoha a Iēhova, a me kona mau kānāwai i kā ʻIseraʻela:

KA BUKE A NEHEMIA 10:1

¶ Eia hoʻi ka poʻe nāna i kau i ka sila e paʻa ai: ʻo Nehemia ke kiaʻāina, ke keiki a Hakalia, a ʻo Zidekia,

KA BUKE A NEHEMIA 12:26

ʻO ia nō ka poʻe i nā lā iā Ioiakima ke keiki a Iesua, ke keiki a Iozadaka, a i nā lā iā Nehemia ke kiaʻāina, a me ʻEzera ke kahuna, ke kākau ʻōlelo.

KA BUKE A NEHEMIA 7:65

A ʻōlelo akula ke kiaʻāina iā lākou, ʻaʻole lākou e ʻai i nā mea i hoʻolaʻa loa ʻia, a kū mai kekahi kahuna me ka ʻUrima a me ke Tumima.

KA BUKE A NEHEMIA 7:70

¶ A hāʻawi maila kekahi poʻe koʻikoʻi o nā mākua no ka hana. Hāʻawi maila ke kiaʻāina ma ka waihona mea laʻa i hoʻokahi tausani derama gula, i nā ipu he kanalima a me nā lole komo no nā kāhuna ʻelima haneri a me kanakolu.

KA BUKE A NEHEMIA 8:2

A lawe maila ʻo ʻEzera ke kahuna i ke Kānāwai i mua o ka ʻaha kanaka o nā kāne a me nā wāhine a me nā mea a pau i hiki iā lākou ke lohe a e manaʻo iho, i ka lā mua o ka malama ʻehiku.

KE KAHUNA 3:4

He wā e uē ai, A he wā hoʻi e ʻakaʻaka ai; He wā e kanikau ai, A he wā hoʻi e haʻa ai;

KA WĀNANA A ʻISAIA 61:3

A e kōkua aku i ka poʻe i ʻū ma Ziona, E hāʻawi i kāhiko ma kahi o ka lehu, A me ka manoʻi o ka ʻoliʻoli no ke kaniʻuhū ʻana; A me ka ʻaʻahu o ka hauʻoli hoʻi no ka naʻau kaumaha; I kapa ʻia lākou, He mau ʻoka no ka pono, ʻO ke kanu ʻana hoʻi a Iēhova, i hoʻonani ʻia ai ʻo ia.

HOSEA 4:6

Ua luku ʻia koʻu poʻe kānaka no ka ʻike ʻole; No ka mea, ua hoʻowahāwahā ʻoe i ka ʻike, E hoʻowahāwahā aku hoʻi au iā ʻoe, ʻAʻole ʻoe e mālama i ka ʻoihana kahuna naʻu: A no kou hoʻopoina ʻana i ke kānāwai o kou Akua, ʻO wau hoʻi kekahi e hoʻopoina i kāu poʻe keiki.

KA BUKE ʻAKOLU A MOSE, I KAPA ʻIA ʻOIHANA KAHUNA 23:24

“E ʻōlelo aku ʻoe i nā mamo a ʻIseraʻela, penei, ‘I ka hiku o ka malama, i ka lā mua o ka malama, he Sābati ko ʻoukou, he lā laʻa e hoʻokani ai i nā pū, he hōʻuluʻulu hoʻāno.

MALAKI 2:13

“Eia hou kekahi a ʻoukou i hana ai: ua hoʻouhi ʻoukou i ke kuahu o Iēhova i nā waimaka, a me ka uwē ʻana, a me ka ʻū ʻana; no laila, ʻaʻole ia e nānā hou mai i ka mōhai, ʻaʻole hoʻi e maliu ʻoluʻolu mai ia mea na ko ʻoukou lima mai.

ʻO KA ʻEPISETOLE A PAULO KA LUNAʻŌLELO I KO ROMA 3:20

No laila ma ka hana ʻana ma ke Kānāwai, ʻaʻohe kanaka e hoʻāpono ʻia i mua ona; no ka mea, ma ke Kānāwai ka ʻike ʻana i ka hewa.

ʻO KA ʻEPISETOLE A PAULO KA LUNAʻŌLELO I KO ROMA 7:9

No ia hoʻi, ola nō au ma mua me ke Kānāwai ʻole, a hiki mai ke kauoha, ala aʻela ka hewa, a make ihola au.

KA BUKE ʻALIMA A MOSE, I KAPA ʻIA KĀNĀWAI LUA 12:12

“A e ʻoliʻoli ʻoukou i mua o Iēhova ko ʻoukou Akua, ʻo ʻoukou, a me kā ʻoukou mau keiki kāne, a me kā ʻoukou mau kaikamāhine, a me nā kauā kāne a ʻoukou, a me kā ʻoukou mau kauā wahine, a me kā Levi e noho pū ana me ʻoukou; no ka mea, ʻaʻohe ona kuleana, ʻaʻohe ona ʻāina hoʻoili me ʻoukou.

KA BUKE ʻALIMA A MOSE, I KAPA ʻIA KĀNĀWAI LUA 12:7

“A ma laila ʻoukou e ʻai ai i mua o Iēhova ko ʻoukou Akua; a e ʻoliʻoli ʻoukou ma nā mea a pau a ko ʻoukou lima i lawe ai, ʻo ʻoukou, a me ko ʻoukou poʻe ʻōhua; no ka mea, ua hoʻopōmaikaʻi ʻo Iēhova kou Akua iā ʻoe.

KA BUKE ʻALIMA A MOSE, I KAPA ʻIA KĀNĀWAI LUA 16:11

“A e ʻoliʻoli ʻoe i mua o Iēhova kou Akua, ʻo ʻoe, a me kāu keiki kāne, a me kāu kaikamahine, a me kāu kauā kāne a me kāu kauā wahine, a me kā Levi i loko o kou mau ʻīpuka, a me ka malihini, a me ka mea makua ʻole, a me ka wahine kāne make me ʻoe, ma kahi a Iēhova kou Akua i wae ai e hoʻopaʻa i kona inoa ma laila.

KA BUKE ʻALIMA A MOSE, I KAPA ʻIA KĀNĀWAI LUA 26:14

‘ʻAʻole au i ʻai i kekahi o ia mea i kuʻu makena ʻana, ʻaʻole au i lawe i kekahi o ia mea no ka mea haumia, ʻaʻole hoʻi au i hāʻawi i kekahi o ia mea no ka mea i make; ua hoʻolohe nō au i ka leo o Iēhova koʻu Akua, a ua hana au e like me nā mea a pau āu i kauoha mai ai iaʻu.

ʻO KA ʻEPISETOLE HOʻOLAHA A IAKOBO 4:9

E ʻehaʻeha ʻoukou, e ʻū aku hoʻi me ka uē; e hoʻolilo i ko ʻoukou ʻakaʻaka i uē ʻana, a me ko ʻoukou ʻoliʻoli i kaumaha.