KA BUKE A NEHEMIA 8:7 - Ka Baibala Hemolele

⁷ A ʻo Iesua, a me Bani, a me Serebia, Iamina, ʻAkuba, Sabetai, Hodia, Maʻaseia, Kelita, ʻAzaria, Iozabada, Hanana, Pelaia, a me nā Levi, hoʻākāka akula lākou i ka ʻaha kanaka i ke Kānāwai; aia hoʻi ka ʻaha kanaka ma ko lākou wahi.

KA BUKE A NEHEMIA 8:7 Iomraidhean Croise

KA BUKE MUA NO NĀ ALIʻI 8:14

Hāliu maila ke aliʻi i kona maka; a hoʻomaikaʻi mai i ke anaina a pau o kā ʻIseraʻela, e kū ana nō hoʻi ke anaina a pau o kā ʻIseraʻela.

KA BUKE ʻALUA O KA ʻOIHANA ALIʻI 30:22

ʻŌlelo ʻoluʻolu aku ʻo Hezekia i nā Levi a pau, ka poʻe i aʻo aku ma ka ʻike pono iā Iēhova; a ʻai lākou i ka ʻahaʻaina i nā lā ʻehiku, a mōhai aku lākou i nā mōhai aloha, a haʻi aku lākou i ko lākou hewa iā Iēhova ke Akua o ko lākou poʻe kūpuna.

KA BUKE ʻALUA O KA ʻOIHANA ALIʻI 35:3

ʻŌlelo akula ia i nā Levi, ka poʻe i aʻo aku i kā ʻIseraʻela a pau, ka poʻe i hoʻolaʻa ʻia no Iēhova, “E hoʻonoho ʻoukou i ka pahu hoʻāno i loko o ka hale a Solomona ke keiki a Dāvida ke aliʻi o kā ʻIseraʻela i kūkulu ai; ʻaʻole ia e lilo i mea kaumaha ma luna o ko ʻoukou mau poʻohiwi; e hoʻokauā aku ʻoukou na Iēhova, ko ʻoukou Akua, a me kā ʻIseraʻela kona poʻe kānaka.

KA BUKE A ʻEZERA 8:18

A ma ka lima o ke Akua ma luna o mākou e pono ai, lawe mai lākou no mākou i kekahi kanaka naʻauao no nā keiki a Maheli, ka mamo a Levi, ke keiki a ʻIseraʻela; a iā Serebia, me kāna mau keiki, a me kona mau hoahānau he ʻumikumamāwalu;

KA BUKE A NEHEMIA 10:18

Hodia, Hasuma, Bezai,

KA BUKE A NEHEMIA 10:2

Seraia, ʻAzaria, Ieremia,

KA BUKE A NEHEMIA 11:16

a me Sabetai a me Iozabada, nā mea ma luna o ka hana ma waho no ka hale o ke Akua, kekahi o ka poʻe koʻikoʻi o kā Levi;

KA BUKE A NEHEMIA 11:19

¶ A ʻo nā kiaʻi puka, ʻo ʻAkuba, ʻo Talemona a me ko lāua mau hoahānau, ka poʻe i kiaʻi i nā puka, hoʻokahi haneri a me kanahikukumamālua.

KA BUKE A NEHEMIA 12:33

a me ʻAzaria, ʻEzera, a me Mesulama,

KA BUKE A NEHEMIA 3:17

A ma laila aku hoʻāla hou aʻela ʻo kā Levi, ʻo Rehuma ke keiki a Bani. A ma laila aku hoʻāla hou aʻela ʻo Hasabia, ka luna o kekahi hapalua o Keila; ʻo ia nō kona ʻokana.

KA BUKE A NEHEMIA 3:19

A ma laila aku hoʻāla hou aʻela ʻo ʻEzera ke keiki a Iesua, ka luna o Mizepa, i ka paukū e pili pū ana, mai ke alo aku o ka piʻi ʻana ma ka hale e waiho ai i nā mea kaua a i ka popoiwi o ka pā.

KA BUKE A NEHEMIA 3:23

A ma laila aku hoʻāla hou aʻela ʻo Beniamina lāua ʻo Hasuba i kahi e kū pono ana i ko lāua hale. A ma laila aku hoʻāla hou aʻela ʻo ʻAzaria ke keiki a Maʻaseia ke keiki a ʻAnania ma kahi e kokoke ana i kona hale.

KA BUKE A NEHEMIA 8:12

A hele akula ka ʻaha kanaka a pau e ʻai, a e inu, a e hāʻawi aku i kauwahi, a e hana i ka ʻoliʻoli nui; no ka mea, ua ʻike lākou i nā ʻōlelo i haʻi ʻia aku ai iā lākou.

KA BUKE A NEHEMIA 8:4

Kū aʻela ʻo ʻEzera ke kākau ʻōlelo ma ka ʻāwai lāʻau, ka mea a lākou i kūkulu ai no kēia hana; a kū pū aʻela me ia ʻo Matitia a me Sema a me ʻAnaia a me ʻUria a me Hilekia a me Maʻaseia ma kona lima ʻākau; a ma kona lima hema, ʻo Pedaia, a me Misaʻela, a me Malekia, a me Hasuma a me Hasebadana, Zekaria, Mesulama.

KA BUKE A NEHEMIA 8:6

A hoʻomaikaʻi akula ʻo ʻEzera iā Iēhova i ke Akua nui; a pane maila ka ʻaha kanaka a pau, “ʻĀmene, ʻĀmene”, me ka hāpai ʻana i ko lākou mau lima i luna; a kūlou ihola lākou, a hoʻomana akula iā Iēhova i lalo nō ko lākou alo ma ka honua.

KA BUKE A NEHEMIA 8:8

Heluhelu ihola lākou ma ka Buke o ke Kānāwai o ke Akua me ka pololei, hoʻākāka aku nō i ke ʻano, a hoʻomōakāka hoʻi i ka heluhelu ʻana.

KA BUKE A NEHEMIA 9:3

Kū aʻela lākou i luna ma ko lākou wahi, a heluhelu ihola ma ka Buke o ke Kānāwai o Iēhova ko lākou Akua a hala ka hapahā o ka lā; a i kekahi hapahā, haʻi akula lākou i ka hewa, a hoʻomana aku iā Iēhova ko lākou Akua.

KA BUKE A NEHEMIA 9:4

Kū aʻela ma kahi kiʻekiʻe, ʻo nā Levi, ʻo Iesua, a me Bani, Kademiʻela, Sebania, Buni, Serebia, Bani, Kenani, a kāhea akula lākou me ka leo nui iā Iēhova ko lākou Akua.

KA BUKE ʻAKOLU A MOSE, I KAPA ʻIA ʻOIHANA KAHUNA 10:11

a e aʻo aku hoʻi ʻoukou i nā mamo a ʻIseraʻela, i nā kānāwai a pau a Iēhova i ʻōlelo mai ai iā lākou, ma ka lima o Mose.”

MALAKI 2:7

“No ka mea, he pono nō e mālama nā lehelehe o ke kahuna i ka naʻauao, a e ʻimi ʻia ke kānāwai ma kona waha; no ka mea, ʻo ia ka ʻelele o Iēhova o nā kaua.

KA BUKE ʻALIMA A MOSE, I KAPA ʻIA KĀNĀWAI LUA 33:10

“E aʻo aku lākou i kāu ʻōlelo kūpaʻa i kā Iakoba, A i kou kānāwai i kā ʻIseraʻela. E kau lākou i ka mea ʻala i mua ou, A me ka mōhai pono ma luna o kou kuahu.