KA BUKE A NEHEMIA 8:3 - Ka Baibala Hemolele

³ Heluhelu ihola ʻo ia i loko o laila ma ke alo o kahi ākea e kū pono ana i ka Puka Wai, mai ka wanaʻao a hiki i ke awakea, i mua o nā kāne a me nā wāhine, a me ka poʻe i hiki iā lākou ke noʻonoʻo; a ma ka Buke nō o ke Kānāwai nā pepeiao o ka ʻaha kanaka a pau.

KA BUKE A NEHEMIA 8:3 Iomraidhean Croise

KA BUKE A NEHEMIA 10:29

hoʻopili maila lākou i ko lākou mau hoahānau, i nā luna o lākou, a hoʻohiki ihola me ka hoʻopaʻa loa ʻana e hele ma ke Kānāwai o ke Akua, ka mea i hāʻawi ʻia mai ma ka lima o Mose ke kauā a ke Akua, a e mālama a e hana i nā kauoha a pau a Iēhova ko kākou Haku, a me kāna mau ʻōlelo kūpaʻa a me kona mau kapu;

KA BUKE A NEHEMIA 13:1

¶ Ia lā ua heluhelu ʻia ma ka Buke o Mose i loko o nā pepeiao o ka poʻe kānaka; a loaʻa i loko o laila ka mea i kākau ʻia ai, i ʻole e komo kā ʻAmona a me kā Moaba i loko o ka ʻaha kanaka o ke Akua i ka manawa pau ʻole;

KA BUKE A NEHEMIA 8:1

¶ Hoʻākoakoa ʻia maila ka ʻaha kanaka a pau e like me ke kanaka hoʻokahi ma kahi ākea ma ke alo o ka Puka Wai; a ʻōlelo akula lākou iā ʻEzera i ke kākau ʻōlelo e lawe mai i ka Buke o ke Kānāwai o Mose, ka mea a Iēhova i kauoha mai ai i kā ʻIseraʻela.

KA BUKE A NEHEMIA 8:18

A heluhelu ihola ʻo ia ma ka Buke o ke Kānāwai o ke Akua i kēlā lā i kēia lā, mai ka lā mua mai a hiki i ka lā hope. Hana ihola lākou i ka ʻahaʻaina i nā lā ʻehiku, a i ka walu o ka lā he hālāwai, e like me ka mea i kauoha ʻia ai.

KA BUKE A NEHEMIA 8:4

Kū aʻela ʻo ʻEzera ke kākau ʻōlelo ma ka ʻāwai lāʻau, ka mea a lākou i kūkulu ai no kēia hana; a kū pū aʻela me ia ʻo Matitia a me Sema a me ʻAnaia a me ʻUria a me Hilekia a me Maʻaseia ma kona lima ʻākau; a ma kona lima hema, ʻo Pedaia, a me Misaʻela, a me Malekia, a me Hasuma a me Hasebadana, Zekaria, Mesulama.

KA BUKE A NEHEMIA 8:5

Wehe aʻela ʻo ʻEzera i ka buke i mua o nā maka o ka ʻaha kanaka a pau; (no ka mea, ma luna aʻe nō ia o ka ʻaha kanaka a pau); a i kona wehe ʻana, kū aʻela ka ʻaha kanaka a pau i luna.

KA ʻEUANELIO I KĀKAU ʻIA AI E MAREKO 12:37

“A inā kapa aku ʻo Dāvida iā ia i ‘Haku,’ pehea lā hoʻi ʻo ia he keiki nāna?” A lohe aʻela nā makaʻāinana iā ia me ka ʻoliʻoli.

KA ʻEUANELIO I KĀKAU ʻIA AI E LUKA 19:48

ʻAʻole naʻe i loaʻa iā lākou ka mea e hiki ai; no ka mea, ua hoʻoikaika ka poʻe kānaka e hoʻolohe iā ia.

KA ʻEUANELIO I KĀKAU ʻIA AI E LUKA 8:18

“No laila hoʻi e noʻonoʻo i ko ʻoukou hoʻolohe ʻana; no ka mea, ʻo ka mea ua loaʻa, e hāʻawi hou ʻia aku nō iā ia; akā, ʻo ka mea loaʻa ʻole, e kāʻili ʻia aku hoʻi ka mea me he mea nona lā, mai ona aku.”

NĀ ʻOIHANA A KA POʻE LUNAʻŌLELO 13:15

A ma hope o ka heluhelu ʻana o ke Kānāwai a me kā nā Kāula, kiʻi aʻela nā luna o ka hale hālāwai iā lāua, ʻī aʻela, “E nā kānaka, nā hoahānau, inā iā ʻolua kekahi ʻōlelo hoʻoikaika no nā kānaka, ʻeā, e ʻōlelo mai.”

NĀ ʻOIHANA A KA POʻE LUNAʻŌLELO 13:27

“No ka mea, ʻo ka poʻe i noho ma Ierusalema, a me ko lākou mau aliʻi, ʻaʻole lākou i ʻike iā ia, a me ka leo a nā kāula, ka mea i heluhelu ʻia i nā lā Sābati a pau, ua hoʻokō lākou ia leo i ko lākou hoʻohewa ʻana iā ia.

NĀ ʻOIHANA A KA POʻE LUNAʻŌLELO 15:21

“No ka mea, he poʻe nō ko Mose, mai ka wā kahiko mai, ma nā kūlanakauhale a pau, nāna e aʻo aku ma kāna, ua heluhelu ʻia nō hoʻi kāna ma loko o nā hale hālāwai, i nā lā Sābati a pau.”

NĀ ʻOIHANA A KA POʻE LUNAʻŌLELO 16:14

A ʻo kekahi wahine, ʻo Ludia kona inoa, no ke kūlanakauhale, no Tuateira, he wahine kūʻai i ka lole poni, ua hoʻomana hoʻi i ke Akua, hoʻolohe maila ia, a na ka Haku nō i holahola kona naʻau, i hoʻolohe ia i nā mea i ʻōlelo ʻia ai e Paulo.

NĀ ʻOIHANA A KA POʻE LUNAʻŌLELO 17:11

ʻOi aku ko lākou nei maikaʻi, i ko Tesalonike; no ka mea, ua ʻapo mai lākou i ka ʻōlelo me ka manaʻo koke, huli nō hoʻi lākou i kēlā lā i kēia lā ma ka Palapala Hemolele, inā paha he ʻoiaʻiʻo kēia mau mea.

NĀ ʻOIHANA A KA POʻE LUNAʻŌLELO 20:11

Piʻi hou akula ia, wāwahi aʻela i ka berena, ʻai ihola, kamaʻilio lōʻihi maila, a wanaʻao aʻe, a laila, hele akula ia.

NĀ ʻOIHANA A KA POʻE LUNAʻŌLELO 20:7

¶ A i ka lā mua o ka hebedoma, i ko nā haumāna ʻākoakoa ʻana e wāwahi i ka berena, kamaʻilio maila ʻo Paulo iā lākou, ua mākaukau hoʻi e holo ia kakahiaka aʻe. Hoʻolōʻihi hoʻi i ka ʻōlelo ʻana a hiki i ke aumoe.

NĀ ʻOIHANA A KA POʻE LUNAʻŌLELO 28:23

¶ A i ko lākou hoʻākāka ʻana i ka lā, a laila hele maila nā mea he nui loa i ona lā, i kona wahi; hoʻākāka akula ʻo ia, a mai kakahiaka a ahiahi kona hōʻike ʻana aku i ke aupuni o ke Akua, a me ka hoʻoikaika aku ma nā mea o Iesū, ma ke Kānāwai iā Mose, a ma kā nā Kāula.

KA BUKE ʻALIMA A MOSE, I KAPA ʻIA KĀNĀWAI LUA 31:9

¶ A kākau ihola ʻo Mose i kēia kānāwai, a hāʻawi akula i nā kāhuna i nā mamo a Levi, nāna i hali ka pahu berita o Iēhova, a i nā lunakahiko a pau o kā ʻIseraʻela.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 2:13

¶ No ia mea hoʻi i hoʻomaikaʻi mau aku ai mākou i ke Akua; no ka mea, i ka loaʻa ʻana iā ʻoukou ʻo kā ke Akua ʻōlelo, a ʻoukou i lohe mai ai iā mākou nei, ʻaʻole ʻoukou i ʻapo mai ia me he ʻōlelo lā na kānaka; akā, he ʻōlelo nō na ke Akua, he ʻoiaʻiʻo nō ia, ʻo ka mea i hoʻoikaika nui i loko o ʻoukou ʻo ka poʻe i manaʻoʻiʻo.

KA BUKE A IOSUA 8:35

ʻAʻole i koe kekahi o nā ʻōlelo a pau, a Mose i kauoha mai ai; ua pau i ka heluhelu ʻia e Iosua, i mua o ke anaina a pau o kā ʻIseraʻela, a me nā wāhine pū, a me nā kamaliʻi, a me nā malihini, i hele pū me lākou.

KA HŌʻIKE ʻANA A IOANE KA HAIPULE 2:29

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia.’

KA HŌʻIKE ʻANA A IOANE KA HAIPULE 3:22

‘ʻO ka mea pepeiao lā, e hoʻolohe mai ia i ka mea a ka ʻUhane e ʻōlelo nei i nā ʻekalesia.’”