KA BUKE A NEHEMIA 7:3 - Ka Baibala Hemolele

³ A ʻī akula au iā lāua, “ʻAʻole e wehe ʻia nā puka o Ierusalema a mahana mai ka lā; a ʻo ka poʻe e kū ana e pani lākou i nā puka a e hoʻopaʻa hoʻi; a e hoʻonoho i kekahi poʻe o ko Ierusalema i poʻe kiaʻi, kēlā kanaka kēia kanaka ma kona wahi e kiaʻi aku ai, a ʻo kēlā kanaka kēia kanaka hoʻi ma kahi e kū pono ana i kona hale iho.”

KA BUKE A NEHEMIA 7:3 Iomraidhean Croise

KA BUKE A NEHEMIA 13:19

¶ A i ka wā i pouli mai ai nā puka o Ierusalema ma mua o ka Sābati, ʻōlelo akula au, e pani lākou i nā puka, a ʻōlelo aku nō hoʻi au, e wehe ʻole ʻia lākou a hala ka Sābati; a hoʻonoho ihola au i kekahi o kaʻu poʻe kauā ma nā puka i komo ʻole kekahi ukana i ka lā Sābati.

KA BUKE A NEHEMIA 3:23

A ma laila aku hoʻāla hou aʻela ʻo Beniamina lāua ʻo Hasuba i kahi e kū pono ana i ko lāua hale. A ma laila aku hoʻāla hou aʻela ʻo ʻAzaria ke keiki a Maʻaseia ke keiki a ʻAnania ma kahi e kokoke ana i kona hale.

KA BUKE A NEHEMIA 7:2

A laila, kauoha akula au iā Hanani i koʻu hoahānau a me Hanania ka luna o ka pā kaua, no Ierusalema; no ka mea, he kanaka pololei nō ia, a ua ʻoi aku kona makaʻu i ke Akua ma mua o ko nā mea ʻē aʻe he nui loa.

KA BUKE A NEHEMIA 7:4

A ua pālahalaha ke kūlanakauhale ma kēlā ʻaoʻao a me kēia ʻaoʻao, a ua nui hoʻi ia; akā, he kākaʻikahi nā kānaka i loko ona, ʻaʻole nō hoʻi i kūkulu ʻia nā hale.

KA BUKE O NĀ HALELŪ 127:1

¶ Inā ʻaʻole ʻo Iēhova e kūkulu i ka hale, Hoʻoikaika makehewa ka poʻe nāna e kūkulu; Inā ʻaʻole ʻo Iēhova e mālama i ke kūlanakauhale, Makehewa ka makaʻala ʻana o ka poʻe mālama.

KA BUKE O NĀ HALELŪ 147:13

No ka mea, hoʻopaʻa nō ʻo ia i nā kaola o kou mau puka pā; Hoʻomaikaʻi nō hoʻi ʻo ia i kāu mau keiki i loko ou.

KA ʻEUANELIO I KĀKAU ʻIA AI E MATAIO 10:16

¶ “Eia hoʻi, ke hoʻouna aku nei au iā ʻoukou e like me nā hipa ma waena o nā ʻīlio hihiu hae; no ia mea, e maʻalea ʻoukou e like me nā nahesa, e noho mālie hoʻi e like me nā manu nūnū.