KA BUKE A NEHEMIA 7:2 - Ka Baibala Hemolele

² A laila, kauoha akula au iā Hanani i koʻu hoahānau a me Hanania ka luna o ka pā kaua, no Ierusalema; no ka mea, he kanaka pololei nō ia, a ua ʻoi aku kona makaʻu i ke Akua ma mua o ko nā mea ʻē aʻe he nui loa.

KA BUKE A NEHEMIA 7:2 Iomraidhean Croise

KA BUKE MUA A MOSE, I KAPA ʻIA KINOHI 42:18

¶ A i ka pō ʻakolu, ʻōlelo akula ʻo Iosepa iā lākou, “E hana ʻoukou i kēia, i ola ʻoukou; ua makaʻu wau i ke Akua.

KA BUKE ʻALUA A SAMUʻELA 23:3

“ʻĪ maila ke Akua no kā ʻIseraʻela, ʻŌlelo maila ka Pōhaku no kā ʻIseraʻela iaʻu, ‘ʻO ka mea e aliʻi ana ma luna o kānaka, e hoʻopono ʻo ia, E aliʻi ana me ka makaʻu i ke Akua.

KA BUKE MUA NO NĀ ALIʻI 18:12

“Eia hoʻi auaneʻi kēia, a hala au mai ou aku nei, e lawe aku ka ʻUhane o Iēhova iā ʻoe ma kahi e ʻike ʻole ai au; a hele au e haʻi aku iā ʻAhaba, ʻaʻole hoʻi e loaʻa ʻoe iā ia, e pepehi mai auaneʻi ʻo ia iaʻu; akā, ke weliweli nei au kāu kauwā iā Iēhova mai koʻu wā kamaliʻi mai.

KA BUKE MUA NO NĀ ALIʻI 18:3

Kāhea aʻela ʻo ʻAhaba iā ʻObadia, ka luna o kona hale. (He weliweli nui ko ʻObadia iā Iēhova;

KA BUKE A NEHEMIA 1:2

a hiki maila ʻo Hanani, kekahi o nā hoahānau oʻu, ʻo ia a me kekahi mau kānaka o kā Iuda; a nīnau aku au iā lākou no ka poʻe o kā Iuda i pakele, ka poʻe i koe i ka lawe pio ʻana, a no Ierusalema nō hoʻi.

KA BUKE A NEHEMIA 10:23

Hosea, Hanania, Hasuba,

KA BUKE A NEHEMIA 13:13

A hoʻonoho iho au i nā puʻukū waiwai ma luna o nā waihona waiwai iā Selemia ke kahuna, a me Zadoka ke kākau ʻōlelo, a me Pedaia kekahi o nā Levi; a ma hope o lākou ʻo Hanana ke keiki a Zakura, ke keiki a Matania; no ka mea, ua manaʻo ʻia lākou he poʻe hana pololei; no laila, na lākou nō e mahele na ko lākou poʻe hoahānau.

KA BUKE A NEHEMIA 2:8

a i palapala na ʻAsapa ka mea mālama i ko ke aliʻi ulu lāʻau, i hāʻawi mai ia iaʻu i mau lāʻau e kāpili ai i nā puka o ka pā kiaʻi o ka hale, a no ka pā o ke kūlanakauhale, a no ka hale hoʻi aʻu e komo ai.” A hāʻawi mai nō ke aliʻi iaʻu, ma muli o ka lima lokomaikaʻi o koʻu Akua ma luna oʻu.

KA BUKE A NEHEMIA 5:15

Akā, ʻo nā kiaʻāina ma mua oʻu, ua hoʻokaumaha lākou i nā kānaka, a ua lawe na lākou mai i ka ʻai, a me ka waina, a me nā sekela kālā he kanahā; a ua hana nō hoʻi kā lākou mau kauā me he poʻe aliʻi lā ma luna o nā kānaka; akā, ʻaʻole au i hana pēlā no ka makaʻu i ke Akua.

KA BUKE A NEHEMIA 7:3

A ʻī akula au iā lāua, “ʻAʻole e wehe ʻia nā puka o Ierusalema a mahana mai ka lā; a ʻo ka poʻe e kū ana e pani lākou i nā puka a e hoʻopaʻa hoʻi; a e hoʻonoho i kekahi poʻe o ko Ierusalema i poʻe kiaʻi, kēlā kanaka kēia kanaka ma kona wahi e kiaʻi aku ai, a ʻo kēlā kanaka kēia kanaka hoʻi ma kahi e kū pono ana i kona hale iho.”

KA BUKE NO IOBA 1:1

¶ He kanaka ma ka ʻāina ʻo ʻUza, ʻo Ioba kona inoa, ua pono, ua pololei hoʻi ua kanaka lā, a ua makaʻu nō ia i ke Akua, a hoʻopale i ka hewa.

KA BUKE O NĀ HALELŪ 101:6

¶ Aia nō koʻu mau maka ma ka poʻe ʻoiaʻiʻo o ka ʻāina, I noho mai ai lākou me aʻu. ʻO ka mea hele ma ka ʻaoʻao o ka pono, Nāna nō e hoʻokauā mai naʻu.

KA BUKE ʻALUA A MOSE, I KAPA ʻIA PUKA ʻANA 18:21

“Eia hoʻi kekahi, e hoʻomākaukau ʻoe i poʻe maiau o nā kānaka, he poʻe makaʻu i ke Akua, he poʻe kānaka ʻoiaʻiʻo, a huhū i ka waiwai ʻālunu; a e hoʻonoho iā lākou ma luna o kānaka, i luna lākou no nā tausani, i luna nō hoʻi no nā haneri, a i luna no nā kanalima, a i luna no nā ʻumi.

KA BUKE NO DANIʻELA 6:4

No ia mea, ʻimi nā luna me nā aliʻi i ka hewa i loko o Daniʻela ma nā mea o ke aupuni; ʻaʻole naʻe i loaʻa ka hala a me ka hewa; no ka mea, ua kūpono kāna, ʻaʻole i loaʻa i loko ona kekahi mea kekeʻe a me ka hewa.

KA BUKE ʻAHĀ A MOSE, I KAPA ʻIA NĀ HELU 12:7

“ʻAʻole naʻe pēlā kaʻu kauā ʻo Mose; Ka mea mālama pono ma koʻu hale a pau.

KA ʻEUANELIO I KĀKAU ʻIA AI E MATAIO 24:45

¶ “ʻO wai lā ke kauā mālama pono, naʻauao, i hoʻonoho ʻia aʻe e kona haku i luna no kona mau ʻōhua e hāʻawi aku i ʻai na lākou i ka manawa pono.

KA ʻEUANELIO I KĀKAU ʻIA AI E MATAIO 25:21

“ʻĪ akula kona haku iā ia, ‘Pono, e ke kauā maikaʻi, mālama pono; he pono kou mālama ʻana i nā mea he ʻuʻuku, e hoʻonoho nō au iā ʻoe ma luna o nā mea he nui loa. E komo aʻe ʻoe i loko o ka ʻoliʻoli o kou haku.’

ʻO KA ʻEPISETOLE MUA A PAULO KA LUNAʻŌLELO I KO KORINETO 4:2

Eia hoʻi, ua kauoha ʻia mai nā puʻukū, i pololei lākou.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 2:2

A ʻo nā mea āu i lohe mai ai iaʻu ma nā mea hōʻike he lehulehu, ʻo ia kāu e kauoha aku ai i nā kānaka kūpaʻa, i ka poʻe mākaukau hoʻi i ke aʻo aku iā haʻi.