KA BUKE A NEHEMIA 6:9 - Ka Baibala Hemolele

⁹ No ka mea, hoʻomakaʻu mai lākou a pau iā mākou, ʻī aʻela, “E kuʻu ʻia aku ko lākou mau lima mai ka hana aku, i paʻa ʻole ia.” Akā, ʻānō, e hoʻoikaika mai ʻoe i koʻu mau lima.

KA BUKE A NEHEMIA 6:9 Iomraidhean Croise

KA BUKE ʻALUA O KA ʻOIHANA ALIʻI 15:7

“E hoʻokanaka ʻoukou, ʻaʻole e hoʻonāwaliwali ko ʻoukou mau lima; no ka mea, e uku ʻia kā ʻoukou hana ʻana!”

KA BUKE ʻALUA O KA ʻOIHANA ALIʻI 32:18

Kāhea lākou me ka leo nui, ma ka ʻōlelo a kā Iuda, i nā kānaka o Ierusalema i ka poʻe ma luna o ka pā, e hoʻomakaʻu iā lākou, a e hoʻopīhoihoi iā lākou, i loaʻa mai ke kūlanakauhale iā lākou.

KA BUKE A ʻEZERA 1:6

A kōkua mai nō ko lākou poʻe hoalauna a pau iā lākou me nā kīʻaha kālā, a me ke gula, me ka waiwai, a me nā holoholona, a me nā mea maikaʻi, a he ʻokoʻa hoʻi nā mea a pau i hāʻawi lokomaikai ʻia mai.

KA BUKE A NEHEMIA 6:14

E hoʻomanaʻo ʻoe, e koʻu Akua, iā Tobia a me Sanebalata e like me kēia mau hana ʻana a lāua, a iā Noadia hoʻi, ke kāula wahine, a me nā kāula ʻē aʻe i manaʻo e hoʻomakaʻu mai iaʻu.

KA BUKE O NĀ HALELŪ 138:3

I ka lā aʻu i kāhea aku ai iā ʻoe, A laila, hoʻolohe mai nō ʻoe iaʻu, Ua hoʻoikaika mai ʻoe iaʻu, me ka ikaika ma kuʻu ʻuhane.

KA BUKE O NĀ HALELŪ 56:3

I koʻu manawa e makaʻu ai, E hilinaʻi aku au iā ʻoe.

KA BUKE O NĀ HALELŪ 68:35

He mea weliweli ʻoe, e ke Akua, mai loko mai o kou wahi hoʻāno; ʻO ke Akua o kā ʻIseraʻela, ʻo ia ka Mea i hāʻawi mai i ka ikaika a me ka mana i kona poʻe kānaka. E hoʻomaikaʻi ʻia aku ke Akua!

KA BUKE O NĀ HALELŪ 71:1

¶ ʻO ʻoe e Iēhova, kaʻu mea e hilinaʻi ai; ʻAʻole au e hoʻohoka ʻia mai.

KA WĀNANA A ʻISAIA 40:29

Nāna nō i hāʻawi i ka ikaika i ka mea i maʻule; A ʻo ka mea ikaika ʻole, hoʻomāhuahua nō ia i ka ikaika.

KA WĀNANA A ʻISAIA 41:10

‘Mai makaʻu ʻoe; no ka mea, ʻo wau pū nō me ʻoe; Mai weliweli hoʻi; no ka mea, ʻo wau nō kou Akua. Naʻu nō i hoʻoikaika aku iā ʻoe, A naʻu hoʻi ʻoe i kōkua aku; Ua hoʻokūpaʻa aku au iā ʻoe i ka lima ʻākau o koʻu pono.’

KA WĀNANA A IEREMIA 38:4

No laila, ʻōlelo aʻela nā aliʻi i ke aliʻi nui, “Ke nonoi aku nei mākou iā ʻoe, e make kēia kanaka; no ka mea, pēlā ʻo ia e hoʻonāwaliwali nei i nā lima o nā kānaka kaua, ka poʻe e koe nei ma kēia kūlanakauhale, a me ka lima o nā kānaka a pau, i kāna ʻōlelo ʻana iā lākou i nā ʻōlelo e like me ia; no ka mea, ʻaʻole ʻimi kēia kanaka i ka mea e maluhia ai kēia poʻe kānaka; akā, i ka mea e pōʻino ai.”

KA WĀNANA A ʻEZEKIʻELA 30:24

‘A e hoʻoikaika au i nā lima o ke aliʻi o Babulona, a e hāʻawi i kaʻu pahi kaua i loko o kona lima; akā, e uhaʻi au i nā lima o Paraʻo, a e auē ʻo ia i mua ona me ka auē ʻana o ka mea ʻeha e make ai.

ZEKARIA 10:12

“A e hoʻoikaika aku au iā lākou ma o Iēhova lā, A ma kona inoa lākou e hele ai,” wahi a Iēhova.

ʻO KA ʻEPISETOLE LUA A PAULO KA LUNAʻŌLELO I KO KORINETO 12:9

ʻĪ maila kēlā iaʻu, “Ua lawa kuʻu lokomaikaʻi nou; no ka mea, ma ka nāwaliwali ka hoʻomaopopo ʻana o koʻu mana.” No ia hoʻi, e kaena aku au me ka ʻoluʻolu i kuʻu nāwaliwali, i kau mai ai ka mana o Kristo ma luna iho oʻu.

ʻO KA ʻEPISETOLE A PAULO KA LUNAʻŌLELO I KO ʻEPESO 3:16

i hāʻawi mai ai ʻo ia iā ʻoukou, ma ka nui o kona nani, e hoʻoikaika nui ʻia mai ke kanaka o loko e kona ʻUhane;

ʻO KA ʻEPISETOLE A PAULO KA LUNAʻŌLELO I KO ʻEPESO 6:10

¶ Eia hoʻi, e nā hoahānau oʻu, i ikaika ʻoukou ma ka Haku, a ma ka ikaika o kona mana.

ʻO KA ʻEPISETOLE A PAULO KA LUNAʻŌLELO I KO PILIPI 4:13

E hiki nō iaʻu nā mea a pau, ke kōkua mai ʻo Kristo iaʻu.

ʻO KA ʻEPISETOLE A PAULO KA LUNAʻŌLELO I KO HEBERA 12:12

No laila, e hoʻoikaika i nā lima palupalu a me nā kuli nāwaliwali;

ʻO KA ʻEPISETOLE HOʻOLAHA MUA A PETERO 5:10

Akā, ʻo ke Akua, nāna mai ka lokomaikaʻi a pau, ʻo ka Mea i hea mai ai iā kākou nei i ka nani mau loa, ma o Kristo Iesū lā, ma hope o ko ʻoukou ʻeha pākole ʻana, nāna nō e hoʻolilo iā ʻoukou i hemolele loa, a e hoʻokumu hoʻi, a e hoʻoikaika, a e hoʻokūpaʻa iā ʻoukou.

KA BUKE MUA A SAMUʻELA 30:6

Pilikia loa ihola ʻo Dāvida; a ua ʻōlelo nā kānaka e pehi iā ia i ka pōhaku; no ka mea, ua kaumaha ka naʻau o nā kānaka a pau, ʻo kēlā kanaka kēia kanaka nō kāna mau keiki kāne, a me kāna mau kaikamāhine; akā, hoʻoikaika ihola ʻo Dāvida iā ia iho ma Iēhova kona Akua.