KA BUKE A NEHEMIA 6:3 - Ka Baibala Hemolele

³ A hoʻouna akula au i o lākou lā i mau ʻelele, e ʻōlelo aku, “He hana nui kaʻu e hana nei, ʻaʻole e hiki iaʻu ke iho aku; no ke aha lā e oki ai ka hana, i koʻu waiho ʻana ia, a iho aku i o ʻoukou lā?”

KA BUKE A NEHEMIA 6:3 Iomraidhean Croise

KA BUKE A NEHEMIA 4:13

A hoʻonoho ihola au ma nā wahi haʻahaʻa iho ma ke kua o ka pā, a ma nā wahi kiʻekiʻe aʻe nō hoʻi, hoʻonoho iho au i ka poʻe kānaka ma ko lākou mau ʻohana me kā lākou mau pahi kaua, a me kā lākou mau ihe, a me kā lākou mau kakaka.

KA BUKE A NEHEMIA 6:2

a laila, hoʻouna maila ʻo Sanebalata a me Gesema i oʻu nei, ʻī maila, “ʻEā, e hālāwai pū kākou ma nā kūlanakauhale o ka pāpū ʻo ʻOno.” Akā, manaʻo ihola lāua e hana ʻino mai iaʻu.

KA BUKE A NEHEMIA 6:4

ʻEhā kā lākou hoʻouna ʻana mai iaʻu e like me kēia ʻōlelo ʻana; a pane akula nō hoʻi au iā lākou e like nō me kēia ʻōlelo ʻana.

NĀ ʻŌLELO AKAMAI A SOLOMONA 14:15

Manaʻoʻiʻo nō ka mea noʻonoʻo ʻole i nā ʻōlelo a pau; Akā, ʻo ka mea maʻalea, nānā pono ʻo ia i kona hele ʻana.

KE KAHUNA 9:10

¶ ʻO nā mea a pau i loaʻa mai i kou lima e hana ai, e hana ʻoe me kou ikaika; no ka mea, ma ka lua kupapaʻu kahi āu e hele aku nei, ʻaʻole hana, ʻaʻole noʻonoʻo, ʻaʻole ʻike, ʻaʻole naʻauao.

KA ʻEUANELIO I KĀKAU ʻIA AI E MATAIO 10:16

¶ “Eia hoʻi, ke hoʻouna aku nei au iā ʻoukou e like me nā hipa ma waena o nā ʻīlio hihiu hae; no ia mea, e maʻalea ʻoukou e like me nā nahesa, e noho mālie hoʻi e like me nā manu nūnū.

KA ʻEUANELIO I KĀKAU ʻIA AI E LUKA 14:30

me ka ʻōlelo, ‘Ua hoʻomaka kēia kanaka e kūkulu, ʻaʻole hoʻi i hiki iā ia ke hoʻopaʻa.’

KA ʻEUANELIO I KĀKAU ʻIA AI E IOANE 9:4

“He pono noʻu e hana i nā hana a ka Mea nāna au i hoʻouna mai, ʻoiai ka lā; e hiki mai auaneʻi ka pō, ʻaʻohe kanaka e hiki ke hana i laila.