KA BUKE A NEHEMIA 5:7 - Ka Baibala Hemolele

⁷ A laila kūkā ihola koʻu naʻau me aʻu iho; a aʻo akula au i nā kaukaualiʻi a me nā luna, a ʻī akula au iā lākou, “Ke lawe nei ʻoukou i ka uku kuala kekahi me kekahi.” A hoʻohuli au i ʻaha kanaka nui e kūʻē iā lākou.

KA BUKE A NEHEMIA 5:7 Iomraidhean Croise

KA BUKE O NĀ HALELŪ 109:11

Na ka makeʻe waiwai e kāʻili wale i kāna mau mea a pau, A na nā malihini e hao wale i kona waiwai.

KA BUKE O NĀ HALELŪ 15:1

¶ E Iēhova, ʻo wai ka mea e noho i loko o kou halelewa? ʻO wai hoʻi ka mea e noho ma kou mauna hoʻāno?

KA BUKE O NĀ HALELŪ 15:5

ʻAʻole i hō aku i kāna moni no ka uku hoʻopaneʻe; ʻAʻole hoʻi i lawe i ke kīpē i hewa ai ka mea pono. ʻO ka mea i hana ia mau mea, ʻaʻole loa ʻo ia e kūlanalana.

KA BUKE O NĀ HALELŪ 27:8

I kāu ʻōlelo ʻana, “E ʻimi mai ʻoukou i kuʻu alo”; ʻĪ akula kuʻu naʻau iā ʻoe, “ʻO kou alo, e Iēhova, kaʻu e ʻimi ai.”

KA BUKE O NĀ HALELŪ 4:4

¶ E haʻalulu ʻoukou, mai hana hewa; E kūkākūkā me ko ʻoukou naʻau iho, Ma ko ʻoukou wahi moe e noho mālie ai. Sila.

KA BUKE O NĀ HALELŪ 94:16

ʻO wai lā ka mea e ala mai noʻu e kūʻē i ka poʻe hewa? ʻO wai hoʻi ka mea e kū mai i luna noʻu, e kūʻē i ka poʻe lawehala?

KA BUKE ʻALUA A MOSE, I KAPA ʻIA PUKA ʻANA 22:24

a e wela auaneʻi koʻu huhū, a e pepehi aku au iā ʻoukou i ka pahi kaua, a e lilo nō kā ʻoukou wāhine i wāhine kāne make a me kā ʻoukou kamaliʻi i kamaliʻi makua ʻole.

KA BUKE ʻALUA A MOSE, I KAPA ʻIA PUKA ʻANA 22:25

¶ “Inā hāʻawi ʻaiʻē aku ʻoe i ke kālā no koʻu poʻe kānaka i hune e noho pū ana me ʻoe, mai lilo ʻoe iā ia i mea hoʻouku kuala, mai kau hoʻi ʻoe i ka uku hoʻopaneʻe ma luna ona.

NĀ ʻŌLELO AKAMAI A SOLOMONA 27:5

Maikaʻi ke aʻo maopopo ʻana, Ma mua o ke aloha i hūnā ʻia.

NĀ ʻŌLELO AKAMAI A SOLOMONA 28:4

ʻO ka poʻe haʻalele i ke kānāwai, hoʻomaikaʻi nō lākou i ka mea hewa; ʻO ka poʻe mālama hoʻi i ke kānāwai, kūʻē aku nō i ua poʻe lā.

KA WĀNANA A ʻEZEKIʻELA 22:12

“Ma loko ou ua lawe lākou i nā kīpē e hoʻokahe i ke koko; ua lawe ʻoe i ke kuala a me ka uku paneʻe, a ua loaʻa iā ʻoe me ka makeʻe, ʻo kā kou mau hoalauna, ma ka hoʻoluhi hewa, a ua hoʻopoina mai iaʻu,” wahi a Iēhova ka Haku.

KA WĀNANA A ʻEZEKIʻELA 45:9

¶ ‘Ke ʻī mai nei Iēhova ka Haku, penei, “He nui iā ʻoukou, e nā mōʻī o kā ʻIseraʻela; e hoʻokaʻawale aʻe i ka lālau wale a me ka waiwai pio, a e hana ma ka pono, a me ka pololei, e lawe aʻe i ko ʻoukou lawe wale ʻana mai koʻu poʻe kānaka aʻe,” wahi a Iēhova ka Haku.

KA BUKE ʻAKOLU A MOSE, I KAPA ʻIA ʻOIHANA KAHUNA 19:15

¶ ‘Mai hana ʻino ʻoukou ma ka hoʻopaʻi ʻana; mai manaʻo ʻoe i ke kino o ka mea ʻilihune, ʻaʻole hoʻi e mahalo i ke kino o ka mea ikaika; akā, ma ka pololei e hoʻoponopono ai ʻoe i kou hoalauna.

KA BUKE ʻAKOLU A MOSE, I KAPA ʻIA ʻOIHANA KAHUNA 25:36

‘Mai lawe ʻoe i ka uku kuala ona, ʻaʻole hoʻi i ka māhuahua ʻana; akā, e weliweli ʻoe i kou Akua, i hiki i kou hoahānau ke ola pū me ʻoe.

KA ʻEUANELIO I KĀKAU ʻIA AI E MATAIO 18:17

“Inā paha e hoʻolohe ʻole kēlā iā lāua, a laila, e haʻi aku ia mea i ka ʻekalesia; a inā paha e hoʻolohe ʻole ia i ka ʻekalesia nō hoʻi, e hoʻohālike ʻoe iā ia me ke kanaka ʻē, a me ka luna ʻauhau.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:16

No laila, ʻaʻole mākou e ʻike hou aku i kekahi ma ke kino; inā paha ua ʻike mākou iā Kristo ma ke kino, ʻaʻole mākou e ʻike hou aku iā ia ma laila.

ʻO KA ʻEPISETOLE A PAULO KA LUNAʻŌLELO I KO GALATIA 2:11

¶ A hele maila Petero i ʻAnetioka, kūʻē akula au iā ia i mua o kona alo; no ka mea, ua hewa ia.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:20

ʻO ka poʻe hana hewa, ʻo kāu ia e pāpā aku i mua o ke alo o nā mea a pau, i makaʻu mai ai hoʻi ʻo haʻi.

ʻO KA ʻEPISETOLE A PAULO IĀ TITO 2:15

¶ ʻO kēia mau mea kāu e ʻōlelo aku ai, me ke aʻo aku, a me ka pāpā aku ma ko ka luna pono a pau. Mai hoʻowahāwahā mai kekahi iā ʻoe.