KA BUKE A NEHEMIA 5:2 - Ka Baibala Hemolele

² No ka mea, ʻōlelo maila kekahi poʻe, “ʻO kā mākou mau keiki kāne a me kā mākou mau kaikamāhine, he poʻe nui nō mākou, a lawe ʻaiʻē mākou i ka ʻai, i ʻai iho ai, a ola.”

KA BUKE A NEHEMIA 5:2 Iomraidhean Croise

KA BUKE MUA A MOSE, I KAPA ʻIA KINOHI 41:57

A hele maila ko nā ʻāina a pau i ʻAigupita i o Iosepa lā e kūʻai; no ka mea, ua nui loa ka wī ma nā ʻāina a pau.

KA BUKE MUA A MOSE, I KAPA ʻIA KINOHI 42:2

ʻŌlelo akula ia, “Aia hoʻi, ua lohe au, he ʻai ma ʻAigupita. E iho aku ʻoukou i laila, e kūʻai i ʻai na kākou, i ola kākou, ʻaʻole e make.”

KA BUKE MUA A MOSE, I KAPA ʻIA KINOHI 43:8

ʻŌlelo akula ʻo Iuda iā ʻIseraʻela i kona makua kāne, “E kuʻu mai ʻoe i ke keiki me aʻu, a laila kū aʻe mākou e hele aku; i ola kākou; ʻaʻole e make ʻo mākou, a ʻo ʻoe, a me kā kākou poʻe kamaliʻi.

KA BUKE MUA A MOSE, I KAPA ʻIA KINOHI 47:19

“No ke aha lā mākou e make ai i mua o kou mau maka, ʻo mākou a me ko mākou ʻāina? E kūʻai ʻoe iā mākou a me ko mākou ʻāina, no ka ʻai, a lilo mākou a me ko mākou ʻāina i kauā na Paraʻo. E hāʻawi mai hoʻi i hua, i ola mākou, ʻaʻole hoʻi e make, i ʻole ai e neoneo ka ʻāina.”

KA BUKE ʻALUA NO NĀ ALIʻI 4:1

¶ ʻO kekahi wahine no nā wāhine a nā haumāna a ka poʻe kāula, auē akula ʻo ia iā ʻElisai, ʻī akula, “Ua make kāu kauā o kuʻu kāne; a ua ʻike nō ʻoe, ua makaʻu kāu kauā iā Iēhova; a ua kiʻi mai ka mea i ʻaiʻē ʻia kāna e lawe aku i kuʻu mau keiki kāne i mau kauā nāna.”

KA BUKE A NEHEMIA 5:3

Aia hoʻi kekahi poʻe i ʻōlelo maila, “Ua moraki aku mākou i nā ʻāina o mākou, a me kā mākou mau māla waina, a me ko mākou mau hale, e kūʻai mākou i ka ʻai, no ka pōloli.”

HAGAI 1:6

“Ua lūlū nui aku ʻoukou, a he ʻuʻuku ka mea a ʻoukou i ʻohi ai; ua ʻai ʻoukou, ʻaʻole naʻe i māʻona; ua inu ʻoukou, ʻaʻole naʻe i kena ka make wai; ua ʻaʻahu kapa ʻoukou, ʻaʻole nō naʻe ʻoukou i mehana; a ʻo ka mea i hana e uku ʻia mai, ua hahao ʻia kāna uku ma loko o ke ʻeke pukapuka.”

MALAKI 2:2

“Inā, ʻaʻole ʻoukou e hoʻolohe, ʻaʻole hoʻi e hoʻolilo i ko ʻoukou naʻau, e hoʻonani i koʻu inoa,” wahi a Iēhova o nā kaua, “e hoʻouna auaneʻi au i ka pōpilikia i o ʻoukou lā, a e hoʻolilo au i ko ʻoukou pōmaikaʻi ʻana i pōʻino, a e hoʻopōʻino aku nō au; no ka mea, ʻaʻole ʻoukou i hoʻopili ia i ko ʻoukou naʻau iho.

KA BUKE ʻALIMA A MOSE, I KAPA ʻIA KĀNĀWAI LUA 23:19

“Mai hāʻawi ʻaiʻē aku na kou hoahānau, no ka uku kuala hou ʻia mai, i uku kuala no ke kālā, a i uku kuala no ka ʻai, a i uku kuala no kekahi mea i hāʻawi ʻaiʻē ʻia aku no ka uku hou ʻia mai.