KA BUKE A NEHEMIA 5:1 - Ka Baibala Hemolele

¹ ¶ Nui loa ihola ka ʻōhumu ʻana o nā kānaka a me kā lākou poʻe wāhine i nā hoahānau o lākou i kā Iuda.

KA BUKE A NEHEMIA 5:1 Iomraidhean Croise

KA BUKE A NEHEMIA 4:23

ʻAʻole hoʻi au, a me koʻu poʻe hoahānau, a me koʻu poʻe kauā, a me ka poʻe koa i hahai ma hope oʻu, ʻaʻole mākou i wehe aʻe i ko mākou kapa; me kēlā kanaka kēia kanaka hoʻi kāna mea kaua i ke kiʻi ʻana i ka wai.

KA BUKE NO IOBA 34:28

“No laila, e hele ka uē ʻana o ka mea hune i ona lā, A ua hoʻolohe ia i ka uē ʻana o ka poʻe i hoʻoluhi ʻia.

KA BUKE ʻALUA A MOSE, I KAPA ʻIA PUKA ʻANA 3:7

ʻĪ maila ʻo Iēhova, “I kuʻu nānā ʻana ua ʻike nō wau i ka luhi ʻana o koʻu poʻe kānaka ma ʻAigupita, ua lohe nō hoʻi au i kā lākou kaniʻuhū ʻana, no nā luna hoʻoluhi o lākou; ua ʻike hoʻi au i ko lākou ʻehaʻeha ʻana.

KA WĀNANA A ʻISAIA 5:7

¶ No ka mea, ʻo ka pā waina o Iēhova o nā kaua, ʻO ia ka ʻohana o kā ʻIseraʻela, ʻO nā kānaka hoʻi o kā Iuda kāna mea kanu i ʻoliʻoli ai. Kakali ihola ʻo ia i ka hoʻopono, aia kā! He hoʻokahe koko ʻana, Kakali nō i ka maikaʻi, aia kā! He uē ʻana.

KA WĀNANA A IEREMIA 34:8

¶ ʻO ka ʻōlelo i hiki mai i o Ieremia lā, mai o Iēhova mai, ma hope iho o kā Zedekia hana ʻana i berita me ka poʻe kānaka a pau ma Ierusalema, e kala aku i ko lākou noho kauā ʻole ʻana;

KA WĀNANA A ʻEZEKIʻELA 45:9

¶ ‘Ke ʻī mai nei Iēhova ka Haku, penei, “He nui iā ʻoukou, e nā mōʻī o kā ʻIseraʻela; e hoʻokaʻawale aʻe i ka lālau wale a me ka waiwai pio, a e hana ma ka pono, a me ka pololei, e lawe aʻe i ko ʻoukou lawe wale ʻana mai koʻu poʻe kānaka aʻe,” wahi a Iēhova ka Haku.

MALAKI 2:13

“Eia hou kekahi a ʻoukou i hana ai: ua hoʻouhi ʻoukou i ke kuahu o Iēhova i nā waimaka, a me ka uwē ʻana, a me ka ʻū ʻana; no laila, ʻaʻole ia e nānā hou mai i ka mōhai, ʻaʻole hoʻi e maliu ʻoluʻolu mai ia mea na ko ʻoukou lima mai.

KA ʻEUANELIO I KĀKAU ʻIA AI E LUKA 18:7

“A ʻo ke Akua hoʻi, ʻaʻole anei ia e hoʻopono mai i kona poʻe i wae ʻia, ka poʻe kāhea iā ia i ke ao a me ka pō, me ke ahonui hoʻi iā lākou?

NĀ ʻOIHANA A KA POʻE LUNAʻŌLELO 7:26

“A ia lā aʻe, ʻikea ʻo ia iā lākou e paio ana, a koi akula ʻo ia iā lāua e kuʻikahi, ʻī aʻela, ‘E nā kānaka, he mau hoahānau ʻolua, no ke aha lā ʻolua e hana ʻino nei kekahi i kekahi?’

ʻO KA ʻEPISETOLE HOʻOLAHA A IAKOBO 5:4

Aia hoʻi, ʻo ka uku o ka poʻe hana nāna i hōʻiliʻili ʻai ma kā ʻoukou mau mahina ʻai i paʻa hewa iā ʻoukou, ke kāhea aku nei ia; a ʻo ke kāhea ʻana o ka poʻe hōʻiliʻili, komo aʻela ia i loko o nā pepeiao o ka Haku Sābāōta.