KA BUKE A NEHEMIA 4:7 - Ka Baibala Hemolele

⁷ ¶ A i ka wā i lohe ai ʻo Sanebalata, a me Tobia, a me ko ʻArabia, a me ko ʻAmona, a me ko ʻAsedoda, ua hoʻāla ʻia ka pā o Ierusalema, a ua kiʻekiʻe a kokoke nō e pani ʻia aʻe nā wahi i wāwahi ʻia, a laila huhū loa ihola lākou.

KA BUKE A NEHEMIA 4:7 Iomraidhean Croise

KA BUKE MUA A MOSE, I KAPA ʻIA KINOHI 3:15

“E waiho nō au i ka inaina Ma waena o ʻolua a me ka wahine, A ma waena hoʻi o kou hua a me kona hua; Nāna e paopao iho kou poʻo, A nāu hoʻi e pākuʻikuʻi aku kona kuʻekuʻe wāwae.”

KA BUKE ʻALUA NO NĀ ALIʻI 24:2

A hoʻouna akula ʻo Iēhova e kūʻē iā ia i ka poʻe hao wale no Kaledea, a i ka poʻe hao wale no Suria, a i ka poʻe hao wale no Moaba, a i ka poʻe hao wale no nā mamo a ʻAmona, a hoʻouna aku iā lākou e kūʻē i kā Iuda e luku aku iā ia, e like me ka ʻōlelo a Iēhova āna i ʻōlelo ai ma kāna poʻe kauā ma nā kāula.

KA BUKE ʻALUA O KA ʻOIHANA ALIʻI 20:1

¶ A ma hope iho o kēia mau mea, hiki maila kā Moaba, a me kā ʻAmona, a me lākou pū kekahi poʻe ʻē aʻe, ʻaʻole no kā ʻAmona, e kaua mai iā Iehosapata.

KA BUKE A ʻEZERA 5:8

“E hōʻike ʻia i ke aliʻi, i hele ai mākou i ka ʻāina o kā Iuda i ka hale o ke Akua nui, ka mea i hana ʻia i ka pōhaku i kālai ʻia a me ka lāʻau i hoʻonoho ʻia ma loko o nā pā pōhaku, a ke hana wikiwiki ʻia kēia hana, a e kō ana ia i loko o ko lākou lima.

KA BUKE A NEHEMIA 2:10

A lohe ʻo Sanebalata ka Horona, a me Tobia ke kauā, ka ʻAmona, he mea kaumaha loa nō iā lāua ka hiki ʻana mai o kekahi kanaka e ʻimi i ka mea e pono ai nā mamo a ʻIseraʻela.

KA BUKE A NEHEMIA 2:19

A lohe ʻo Sanebalata, ka Horona, a me Tobia ke kauā, ka ʻAmona, a me Gesema, ka ʻArabia, ua ʻaka henehene mai lākou iā mākou, a ua hoʻowahāwahā mai nō hoʻi iā mākou, ʻī maila, “He aha kēia mea a ʻoukou e hana nei? E kipi aku anei ʻoukou i ke aliʻi?”

KA BUKE A NEHEMIA 4:1

¶ A lohe ʻo Sanebalata, e uhau ana mākou i ka pā, a laila huhū mai nō ia a ukiuki loa ihola, a ʻakaʻaka mai nō hoʻi ia i kā Iuda.

KA BUKE A NEHEMIA 4:6

A uhau ihola mākou i ka pā; a hui ʻia ka pā a pau a hiki i ka waenakonu ona; no ka mea, he hoihoi ko ka poʻe kānaka e hana.

KA BUKE A NEHEMIA 4:8

A ʻōhumu pū aʻe iā lākou a pau e hele mai a e kaua mai iā Ierusalema, a e hana i ka mea e keʻakeʻa ai.

KA BUKE A NEHEMIA 6:16

A lohe ko mākou poʻe ʻenemi a pau, a ʻike hoʻi nā lāhui kanaka a pau a puni mākou, kūlou loa ihola ko lākou maka i lalo; no ka mea, ʻike lākou, ua hana ʻia kēia hana e ko mākou Akua.

KA WĀNANA A IEREMIA 25:20

a i nā malihini a pau, a i nā aliʻi o ka ʻāina ʻo ʻUza, a i nā aliʻi a pau o nā ʻāina o ko Pilisetia, a me ʻAsekelona, a me ʻAza, a me ʻEkerona, a me ke koena o ʻAsedoda;

KA WĀNANA A IEREMIA 41:10

A laila, lawe pio akula ʻo ʻIsemaʻela i ke koena a pau o nā kānaka ma Mizepa, i nā kaikamāhine a ke aliʻi, a me nā kānaka a pau i koe ma Mizepa, ka poʻe a Nebuzaredana, ka luna kaua i hāʻawi ai iā Gedalia, ke keiki a ʻAhikama; lawe pio akula ʻo ʻIsemaʻela ke keiki a Netania iā lākou, a hele akula, i hiki i kā ʻAmona.

ʻAMOSA 1:13

¶ Ke ʻōlelo mai nei ʻo Iēhova, penei: “No nā hala ʻekolu o nā mamo a ʻAmona, a me ka hā, ʻaʻole au e hoʻololi aʻe i kona hoʻopaʻi ʻia; No ka mea, ua kaha aku lākou i nā wāhine hāpai o Gileada, I hoʻopālahalaha aku ai lākou i ko lākou palena.

ʻAMOSA 1:8

“A e hōʻoki aku au i kānaka mai ʻAsedoda aku, A me ka mea e hoʻopaʻa ana i ka hōʻailona mōʻī mai ʻAsekelona aku; A e hoʻokūʻē aku au i kuʻu lima i ʻEkerona; A e make ke koena o ko Pilisetia,” wahi a Iēhova ka Haku.

ʻAMOSA 3:9

¶ E haʻi aku ma nā hale aliʻi i ʻAsedoda, a ma nā hale aliʻi i ka ʻāina ʻo ʻAigupita, a e ʻī aku, “E hoʻākoakoa ʻia ʻoukou ma luna o nā mauna o Samaria, a e nānā i ka haunaele nui i waenakonu ona, a i nā hoʻokaumaha ʻana i loko ona.

NĀ ʻOIHANA A KA POʻE LUNAʻŌLELO 5:33

¶ A lohe aʻela lākou ia mea, walania lākou, kūkākūkā ihola e pepehi iā lākou.

KA HŌʻIKE ʻANA A IOANE KA HAIPULE 12:17

Inaina akula ka deragona i ka wahine, a hele akula ia e kaua me ka poʻe i koe o kāna poʻe keiki, ʻo ka poʻe i mālama i ke kānāwai o ke Akua, a hoʻomau i ka hōʻike ʻana iā Iesū.

KA BUKE MUA A SAMUʻELA 11:2

ʻĪ maila ʻo Nahasa no kā ʻAmona iā lākou, “Penei kaʻu e hana ai me ʻoukou, e pōʻalo aku au i nā maka ʻākau a pau o ʻoukou, a kau aku ia i mea hōʻino ma luna o kā ʻIseraʻela a pau.”