KA BUKE A NEHEMIA 3:5 - Ka Baibala Hemolele

⁵ A ma laila aku hoʻāla hou aʻela ʻo ko Tekoa; akā, ʻo ko lākou poʻe kaukaualiʻi, ʻaʻole i hoʻokomo lākou i ko lākou ʻāʻī ma ka hana a ko lākou haku.

KA BUKE A NEHEMIA 3:5 Iomraidhean Croise

KA BUKE ʻALUA A SAMUʻELA 14:2

Hoʻouna akula ʻo Ioaba i Tekoa, a lawe maila i kekahi wahine akamai mai laila mai, ʻī akula iā ia, “Ke noi aku nei au iā ʻoe, e hoʻolike ʻoe iā ʻoe iho me ka mea kanikau, a e ʻaʻahu ʻoe i ke kapa makena, ʻaʻole hoʻi e kāhinu i ka ʻaila; e like ʻoe me ka wahine i kanikau loa no ka mea i make.

KA BUKE ʻALUA O KA ʻOIHANA ALIʻI 11:6

Kūkulu ihola ʻo ia iā Betelehema, a me ʻEtema, a me Tekoa,

KA BUKE A NEHEMIA 3:27

A ma laila aku hoʻāla hou aʻela ʻo ko Tekoa i ka paukū e pili pū ana mai ke alo aku o ka hale kiaʻi nui e ʻoi aku ana i waho, a hiki i ka pā o ʻOpela.

KA BUKE A NEHEMIA 3:4

A ma laila aku hoʻāla hou aʻela ʻo Meremota ke keiki a ʻUria ke keiki a Koza. A ma laila aku hoʻāla hou aʻela ʻo Mesulama ke keiki a Berekia, ke keiki a Mesezabeʻela. A ma laila aku hoʻāla hou aʻe ʻo Zadoka ke keiki a Baʻana.

KA BUKE A NEHEMIA 3:6

¶ A hoʻāla hou aʻela ʻo Ioada ke keiki a Pesea, lāua ʻo Mesulama ke keiki a Besodia i ka Puka Kahiko; kāpili ihola lāua ia, a kūkulu nō hoʻi i luna i kona mau pani a me kona mau kī a me kona mau kaola.

KA WĀNANA A IEREMIA 27:12

¶ ʻŌlelo nō hoʻi au iā Zedekia, i ke aliʻi o kā Iuda e like me kēia mau ʻōlelo a pau, ʻī akula, “E hoʻokomo ʻoukou i ko ʻoukou mau ʻāʻī, ma lalo iho o ka ʻauamo o ke aliʻi o Babulona, a e hoʻokauā aku nāna, a na kona poʻe kānaka, i ola.

KA WĀNANA A IEREMIA 27:2

Ke ʻī mai nei ʻo Iēhova iaʻu penei, “E hana ʻoe nou i mau kūpeʻe, a i mau ʻauamo, a e kau ia mau mea ma luna o kou ʻāʻī.

KA WĀNANA A IEREMIA 27:8

“A ʻo ka ʻāina auaneʻi, a me ke aupuni e hoʻokauā ʻole na ua Nebukaneza lā, na ke aliʻi o Babulona, a hāʻawi ʻole hoʻi i ko lākou ʻāʻī ma lalo o ka ʻauamo o ke aliʻi o Babulona, e hoʻopaʻi nō wau i ko ia ʻāina,” wahi a Iēhova, “i ka pahi kaua, a i ka wī, a i ka maʻi ahulau, a hoʻopau wau iā lākou i kona lima.

KA WĀNANA A IEREMIA 6:1

¶ “E nā mamo a Beniamina, E hoʻākoakoa ʻoukou e holo aku ma waho o Ierusalema; A e puhi i ka pū ma Tekoa, A e kau hoʻi i ka hōʻailona o ke ahi ma Beta Hakerema. No ka mea, ʻaneʻane mai ka hewa, a me ka make nui, Mai ke kūkulu ʻākau mai.

ʻAMOSA 1:1

¶ ʻO nā ʻōlelo a ʻAmosa, ka mea i waena o nā kahu bipi o Tekoa, nā mea āna i ʻike ai no kā ʻIseraʻela, i nā lā o ʻUzia, ke aliʻi o kā Iuda, a i nā lā o Ieroboama, ke keiki a Ioasa, ke aliʻi o kā ʻIseraʻela, ʻelua makahiki ma mua o ke ōlaʻi.

KA ʻEUANELIO I KĀKAU ʻIA AI E MATAIO 11:29

“E amo ʻoukou i kaʻu ʻauamo ma luna iho o ʻoukou, a e aʻo ʻia ʻoukou e aʻu; no ka mea, ua akahai au, ua haʻahaʻa kuʻu naʻau, a «e loaʻa iā ʻoukou ka maha no ko ʻoukou mau ʻuhane».

NĀ ʻOIHANA A KA POʻE LUNAʻŌLELO 15:10

“No ia mea lā ʻeā, no ke aha lā ʻoukou e hoʻāʻo aku nei i ke Akua e kau mai ma luna o ka ʻāʻī o nā haumāna i ka ʻauamo hiki ʻole iā kākou a me ko kākou poʻe kūpuna, ke amo?

ʻO KA ʻEPISETOLE MUA A PAULO KA LUNAʻŌLELO I KO KORINETO 1:26

¶ E nā hoahānau, ua ʻike ʻoukou i ko ʻoukou hea ʻia mai; ʻaʻole koho nui ʻia ka poʻe akamai ma ke kino, ʻaʻole i nui ka poʻe maiau, ʻaʻole i nui nā aliʻi;

KA BUKE NO NĀ LUNA KĀNĀWAI 5:23

‘E hōʻino aku iā Meroza,’ Wahi a ka ʻānela o Iēhova, ‘Me ka hōʻino nui e hōʻino ai i ka poʻe i noho i laila, No ka mea, ʻaʻole lākou i hele e kōkua ma muli o Iēhova, E kōkua iā Iēhova i mua o ka poʻe ikaika.’