KA BUKE A NEHEMIA 2:5 - Ka Baibala Hemolele

⁵ A ʻī akula au i ke aliʻi, “Inā he mea ʻoluʻolu ia i ke aliʻi, a i loaʻa hoʻi ke aloha i kāu kauā i mua o kou alo, a laila e hoʻouna ʻoe iaʻu ma Iuda, ma ke kūlanakauhale o nā ilina o koʻu mau mākua kāne, i kūkulu au ia.”

KA BUKE A NEHEMIA 2:5 Iomraidhean Croise

KA BUKE ʻALUA A SAMUʻELA 14:22

Moe ihola ʻo Ioaba ma ka honua i lalo kona alo, kūlou ihola, a hoʻomaikaʻi akula i ke aliʻi. ʻĪ akula ʻo Ioaba, “Ke ʻike nei au i kēia lā, ua loaʻa iaʻu ke aloha i mua o kou maka, e kuʻu haku, e ke aliʻi; no ka mea, ua hoʻokō mai ke aliʻi i ka mea a kāna kauā i noi aku ai.”

KA BUKE A ʻEZERA 5:17

“ʻĀnō hoʻi, inā he mea pono i ke aliʻi, e ʻimihia ma ka hale waihona waiwai o ke aliʻi ma Babulona, inā he ʻoiaʻiʻo, ua kauoha ʻia e Kuro e hana i kēia hale o ke Akua ma Ierusalema; a e hoʻouna mai ke aliʻi i kona manaʻo no kēia mea.”

KA BUKE A NEHEMIA 2:4

A ʻōlelo maila ke aliʻi iaʻu, “He aha kāu e ʻimi nei?” A laila pule akula au i ke Akua o ka lani.

KA BUKE A NEHEMIA 2:6

A ʻī maila ke aliʻi iaʻu, (ʻo ke aliʻi wahine kekahi e noho pū ana me ia,) “Pehea ka lōʻihi o kou manawa e hele ai? Āhea lā ʻoe e hoʻi mai ai?” A he mea ʻoluʻolu ia i ke aliʻi e hoʻouna iaʻu; a haʻi aku au iā ia i manawa.

KA BUKE NO ʻESETERA 1:19

“Inā he maikaʻi i ko ke aliʻi manaʻo, e hoʻolaha ʻia aku nō kekahi ʻōlelo no ke aupuni, a e kākau ʻia nō hoʻi ia ma nā kānāwai o Peresia a me Media, i hāʻule ʻole ia, ʻaʻole loa e hele hou mai ʻo Vaseti i mua i ke alo o ke aliʻi, ʻo ʻAhasuero; a e hāʻawi aku hoʻi ke aliʻi i ko Vaseti waiwai aliʻi na kekahi i ʻoi aku ka pono ma mua o kona.

KA BUKE NO ʻESETERA 5:8

inā i loaʻa iaʻu ke aloha ʻia mai e ke aliʻi, a inā i leʻaleʻa ke aliʻi i ka hāʻawi mai i kaʻu mea e noi aku ai, a e hana hoʻi e like me kaʻu kauoha ʻana, e hele mai ke aliʻi a me Hamana i ka ʻaha inu aʻu e hoʻomākaukau ai no lāua, a ʻapōpō e hana nō wau e like me ka ʻōlelo a ke aliʻi.”

KA BUKE NO ʻESETERA 7:3

ʻŌlelo akula ʻo ʻEsetera ʻo ke aliʻi wahine, ʻī akula, “Inā i loaʻa iaʻu ke aloha ʻia mai, i mua ou, e ke aliʻi, a inā i leʻaleʻa ke aliʻi, a laila e hāʻawi ʻia koʻu ola noʻu ma kuʻu nonoi ʻana, a me koʻu lāhui kanaka hoʻi, ma kaʻu kauoha.

KA BUKE NO ʻESETERA 8:5

ʻĪ akula, “Inā i leʻaleʻa ke aliʻi, a inā i loaʻa iaʻu ke aloha ʻia mai e ia, a inā he mea pono i ko ke aliʻi manaʻo, a inā he maikaʻi au i kona nānā ʻana mai, e kākau ʻia e hōʻole i nā palapala i noʻonoʻo ʻia e Hamana, ke keiki a Hamadata ke ʻAgaga, nā mea āna i palapala aku ai e luku i nā Iudaio, ma nā ʻāina a pau o ke aliʻi.

NĀ ʻŌLELO AKAMAI A SOLOMONA 3:4

Pēlā e loaʻa ai ka lokomaikaʻi a me ka ʻike ʻoiaʻiʻo, I mua o Iēhova a me nā kānaka.

KA BUKE NO DANIʻELA 9:25

“E ʻike ʻoe, a e noʻonoʻo hoʻi, mai ka puka ʻana mai o ke kauoha e hoʻihoʻi, a e kūkulu iā Ierusalema, a hiki aku i ka Mesia, ke Aliʻi, ʻehiku ia hebedoma, a he kanaono a me kumamālua hebedoma; a laila e kūkulu hou ʻia nā alanui, a me ka pā, i nā manawa pōpilikia nō.

KA ʻEUANELIO I KĀKAU ʻIA AI E MATAIO 23:27

¶ “Auē ʻoukou, e ka poʻe kākau ʻōlelo a me ka poʻe Parisaio, nā hoʻokamani! No ka mea, ua like ʻoukou me nā hale kupapaʻu keʻokeʻo; ua ʻikea naʻe ko waho he maikaʻi; akā, ua piha ʻo loko i nā iwi kupapaʻu a me ka pelapela.

KA BUKE NO RUTA 2:13

ʻĪ maila ia, “E loaʻa paha iaʻu ka lokomaikaʻi ʻia mai i nā maka o koʻu haku; no ka mea, ua hoʻomaha mai ʻoe iaʻu, a ua ʻōlelo mai hoʻi i ka naʻau o kāu kauā wahine nei, ʻaʻole naʻe au i like me kāu poʻe kauā wahine.”