KA BUKE A NEHEMIA 2:4 - Ka Baibala Hemolele

⁴ A ʻōlelo maila ke aliʻi iaʻu, “He aha kāu e ʻimi nei?” A laila pule akula au i ke Akua o ka lani.

KA BUKE A NEHEMIA 2:4 Iomraidhean Croise

KA BUKE ʻALUA A SAMUʻELA 15:31

ʻĪ maila kekahi iā Dāvida, “Aia ʻo ʻAhitopela me ka poʻe kipi me ʻAbesaloma.” ʻĪ akula ʻo Dāvida, “E Iēhova, ke pule aku nei au iā ʻoe, e hoʻolilo ʻoe i ka ʻōlelo aʻo a ʻAhitopela i mea lapuwale!”

KA BUKE MUA NO NĀ ALIʻI 3:5

A ma Gibeona i ʻike ʻia aku ai ʻo Iēhova e Solomona, ma ka moeʻuhane i ka pō, a ʻōlelo maila ke Akua, “E noi mai ʻoe i kaʻu mea e hāʻawi aku ai iā ʻoe.”

KA BUKE A NEHEMIA 1:11

“Ke noi aku nei au iā ʻoe, e ka Haku ē, e hāliu mai kou pepeiao i ka pule a kāu kauā, a i ka pule a kāu mau kauā e makemake ana e makaʻu i kou inoa; a e kōkua mai ʻoe i kāu kauā, i kēia lā, a hāʻawi mai iā ia i ka lokomaikaʻi ʻia mai i mua o kēia kanaka.” No ka mea, ʻo wau ka mea lawe kīʻaha no ke aliʻi.

KA BUKE A NEHEMIA 1:4

¶ A i koʻu lohe ʻana i kēia mau mea, noho nō au i lalo, a uē ihola, a kaniʻuhū nō hoʻi i kekahi mau lā, e hoʻopōloli ana a e pule ana hoʻi i mua o ke Akua o ka lani.

KA BUKE A NEHEMIA 1:5

A ʻī akula, “Ke noi aku nei au iā ʻoe, e Iēhova ke Akua o ka lani, ke Akua nui hoʻoweliweli, e mālama ana i ka berita a i ke aloha no ka poʻe i aloha aku iā ia a mālama hoʻi i kāna mau kauoha;

KA BUKE A NEHEMIA 2:20

A pane akula au iā lākou, a ʻī akula au iā lākou, “ʻO ke Akua o ka lani, ʻo ia ka mea nāna mākou e kōkua mai; a ʻo mākou, kāna poʻe kauā, e kū i luna nō mākou a e kūkulu; akā, ʻaʻole o ʻoukou kuleana, ʻaʻole nō he pono, ʻaʻole hoʻi he mea e hoʻomanaʻo ai i loko o Ierusalema.”

KA BUKE A NEHEMIA 2:5

A ʻī akula au i ke aliʻi, “Inā he mea ʻoluʻolu ia i ke aliʻi, a i loaʻa hoʻi ke aloha i kāu kauā i mua o kou alo, a laila e hoʻouna ʻoe iaʻu ma Iuda, ma ke kūlanakauhale o nā ilina o koʻu mau mākua kāne, i kūkulu au ia.”

KA BUKE NO ʻESETERA 5:3

A laila, ʻī mai ke aliʻi iā ia, “He aha kāu, e ke aliʻi wahine, e ʻEsetera, a he aha hoʻi kāu mea e noi mai ai? E hāʻawi ʻia aku nō ia iā ʻoe, inā paha ʻo ka hapalua ia o ke aupuni!”

KA BUKE NO ʻESETERA 5:6

ʻŌlelo maila ke aliʻi iā ʻEsetera, ma ka ʻaha inu waina, “He aha kāu mea e noi mai ai? E hāʻawi ʻia nō ia iā ʻoe. A he aha hoʻi kāu kauoha? Inā paha ʻo ka hapalua ia o ke aupuni e hana ʻia nō ia!”

KA BUKE NO ʻESETERA 7:2

Nīnau hou maila ke aliʻi iā ʻEsetera, i ka lua o ka lā ma ka ʻaha inu waina, “He aha kāu mea e nonoi mai ai, e ke aliʻi wahine, e ʻEsetera? E hāʻawi ʻia nō ia iā ʻoe. A he aha hoʻi kāu kauoha? E hana ʻia nō ia, inā paha ʻo ka hapalua ia o ke aupuni!”

KA BUKE O NĀ HALELŪ 136:26

E mililani aku i ke Akua o ka lani, No ka mea, ua mau loa kona lokomaikaʻi.

NĀ ʻŌLELO AKAMAI A SOLOMONA 3:6

Ma kou ʻaoʻao a pau iā ia nō ʻoe e nānā aku ai, A nāna nō e hoʻopololei i kou hele ʻana.

KA ʻEUANELIO I KĀKAU ʻIA AI E MAREKO 10:51

ʻŌlelo akula Iesū, ʻī akula iā ia, “He aha kou makemake e hana aku ai au nou?” ʻĪ maila ua makapō nei iā ia, “E ka Haku ē, i kaʻakaʻa koʻu mau maka!”

NĀ ʻOIHANA A KA POʻE LUNAʻŌLELO 23:19

A laila, lālau aʻela ka luna tausani i kona lima, a hele malū aʻela, nīnau akula, “He aha kāu mea e haʻi mai iaʻu?”

ʻO KA ʻEPISETOLE A PAULO KA LUNAʻŌLELO I KO PILIPI 4:6

Mai manaʻo nui ʻoukou i kekahi mea; akā, i nā mea a pau e hōʻike aku i ko ʻoukou makemake i ke Akua ma ka pule, a me ka noi aku, a me ka hoʻomaikaʻi aku.