KA BUKE A NEHEMIA 2:12 - Ka Baibala Hemolele

¹² A laila ala aʻela au i luna i ka pō, ʻo wau a me kekahi poʻe kānaka ʻuʻuku me aʻu; akā, ʻaʻole au i haʻi aku i kekahi kanaka i ka mea a koʻu Akua i hoʻokomo mai ai i loko o koʻu naʻau e hana no Ierusalema. A ʻaʻohe holoholona me aʻu, ʻo ka holoholona wale nō aʻu i hoʻoholo ai.

KA BUKE A NEHEMIA 2:12 Iomraidhean Croise

KA BUKE A ʻEZERA 7:27

¶ E hoʻomaikaʻi ʻia ʻo Iēhova ke Akua o ko kākou poʻe kūpuna, nāna i hāʻawi kēia manaʻo i loko o ka naʻau o ke aliʻi, e hoʻonani i ka hale o Iēhova ma Ierusalema;

KA BUKE A NEHEMIA 2:11

A hiki aku au ma Ierusalema, a ma laila nō au i nā lā ʻekolu.

KA BUKE A NEHEMIA 2:13

A hele aku au ma ka Puka Awāwa i ka pō, ma ke alo o ka Pūnāwai, a ka Puka Lepo, a nānā akula au i nā pā o Ierusalema i hoʻohiolo ʻia a me nā pani puka ona i hoʻopau ʻia i ke ahi.

KA BUKE O NĀ HALELŪ 122:6

¶ E noi aku ʻoukou i maluhia o Ierusalema; “E pōmaikaʻi auaneʻi ka poʻe e aloha aku iā ʻoe.

KA BUKE O NĀ HALELŪ 51:18

¶ E hana maikaʻi mai ʻoe iā Ziona i kou lokomaikaʻi; E kūkulu hoʻi ʻoe i nā pā o Ierusalema.

NĀ ʻŌLELO AKAMAI A SOLOMONA 12:23

ʻO ke kanaka noʻeau, e waiho ana iā ia ka ʻike; ʻO ka naʻau o nā naʻaupō, hōʻike wale nō ia i ka lapuwale.

KE KAHUNA 3:7

He wā e haehae aku ai, A he wā hoʻi e humuhumu iho ai; He wā e hāmau ai, A he wā hoʻi e ʻōlelo ai.

KA WĀNANA A IEREMIA 31:33

“Akā, ʻo kēia ka berita aʻu e hana ai me ka ʻohana a ʻIseraʻela; Ma hope iho o ia mau lā,” wahi a Iēhova, “e kau nō wau i koʻu kānāwai ma loko o lākou, a e kākau iho ma ko lākou naʻau; a ʻo wau auaneʻi ko lākou Akua, a ʻo lākou hoʻi koʻu poʻe kānaka.

KA WĀNANA A IEREMIA 32:40

“A e hana wau i berita mau loa me lākou, ʻaʻole hoʻi au e huli aʻe mai o lākou aku, me ka hana iā lākou i ka maikaʻi, a e kau nō au i ka makaʻu iaʻu i loko o ko lākou naʻau, ʻaʻole hoʻi lākou e haʻalele mai iaʻu.

ʻAMOSA 5:13

No ia mea, e noho mālie ka mea naʻauao i kēlā manawa; No ka mea, he manawa ʻino ia.

MIKA 7:5

Mai hilinaʻi ʻoukou i ka makamaka, Mai paulele i ka hoalauna; E hoʻopaʻa i ka puka o kou waha Mai ka mea e moe ana ma kou poli.

KA ʻEUANELIO I KĀKAU ʻIA AI E MATAIO 10:16

¶ “Eia hoʻi, ke hoʻouna aku nei au iā ʻoukou e like me nā hipa ma waena o nā ʻīlio hihiu hae; no ia mea, e maʻalea ʻoukou e like me nā nahesa, e noho mālie hoʻi e like me nā manu nūnū.

KA ʻEUANELIO I KĀKAU ʻIA AI E MATAIO 2:14

Ala aʻela ia, lawe aʻela i ke Keiki a me kona makuahine i ka pō, a holo akula i ʻAigupita.

ʻO KA ʻEPISETOLE LUA A PAULO KA LUNAʻŌLELO I KO KORINETO 8:16

¶ E aloha ʻia ke Akua nāna i hāʻawi mai kēia manaʻo ikaika i loko o ka naʻau o Tito no ʻoukou.

KA BUKE A IOSUA 10:9

Hiki koke akula ʻo Iosua iā lākou, i kona hele ʻana, mai Gilegala aku i ka pō a ao.

KA HŌʻIKE ʻANA A IOANE KA HAIPULE 17:17

“No ka mea, ua hāʻawi ke Akua na ko lākou naʻau e hana i kona makemake, a e lōkahi ka manaʻo e hāʻawi i ko lākou aupuni i ka holoholona, a pau ka ʻōlelo a ke Akua i ka hoʻokō ʻia.

KA BUKE NO NĀ LUNA KĀNĀWAI 6:27

A laila lawe aʻela ʻo Gideona, i ʻumi kānaka o kona poʻe kauā, a hana ihola e like me kā Iēhova i kauoha mai ai iā ia. Eia kekahi, no kona makaʻu ʻana i ko ka hale o kona makua, a i nā kānaka o ke kūlanakauhale, ʻaʻole ia i hana i ke ao; akā, hana nō ia i ka pō.

KA BUKE NO NĀ LUNA KĀNĀWAI 9:32

“No laila, e ala ʻoe i ka pō, ʻo ʻoe, a me nā kānaka pū me ʻoe, a e hoʻohālua ma ke kula.