KA BUKE A NEHEMIA 1:6 - Ka Baibala Hemolele

⁶ e hāliu mai nō kou pepeiao, a e kaʻakaʻa kou mau maka, i lohe ʻoe i ka pule a kāu kauwā, aʻu e pule aku nei i mua ou i kēia lā, i ke ao a me ka pō, no nā mamo a ʻIseraʻela, kāu poʻe kauā; e haʻi aku ana hoʻi i nā hewa a nā mamo a ʻIseraʻela a mākou i hana hewa aku ai iā ʻoe; ʻo wau a me ko ka hale o koʻu makua kāne, ua hana hewa nō mākou.

KA BUKE A NEHEMIA 1:6 Iomraidhean Croise

KA BUKE MUA NO NĀ ALIʻI 8:30

“A e hoʻolohe mai ʻoe i ka nonoi ʻana o kāu kauā nei, a ʻo kou poʻe kānaka hoʻi ʻo ʻIseraʻela, i ka wā e pule ai lākou i kēia wahi; a e hoʻolohe mai ʻoe ma kou wahi e noho ai ma ka lani, a lohe ʻoe, e kala mai.

KA BUKE MUA NO NĀ ALIʻI 8:47

inā e manaʻo lākou i ko lākou naʻau, ma ka ʻāina i lawe pio ʻia aku ai lākou, a mihi lākou, a e nonoi aku iā ʻoe ma ka ʻāina o ka poʻe e lawe pio aku iā lākou, e ʻī ana, ‘Ua hewa mākou, a ua hana ʻino, ua lawehala mākou’;

KA BUKE ʻALUA O KA ʻOIHANA ALIʻI 28:10

“A ke manaʻo nei ʻoukou e hoʻohaʻahaʻa i ko Iuda a me ko Ierusalema a lilo lākou i poʻe kauā kāne, a i poʻe kauā wahine na ʻoukou; akā, ʻo ʻoukou, ʻaʻole anei i waena o ʻoukou nō hoʻi kekahi, ka hana hewa ʻana aku iā Iēhova i ko ʻoukou Akua?

KA BUKE ʻALUA O KA ʻOIHANA ALIʻI 29:6

“No ka mea, ua lawehala ko kākou poʻe kūpuna, ua hana ʻino lākou i mua i ke alo o Iēhova, ko kākou Akua, ua haʻalele lākou iā ia, ua huli ko lākou maka mai ka halelewa o Iēhova aku, a ua hāʻawi mai lākou i ke kua.

KA BUKE ʻALUA O KA ʻOIHANA ALIʻI 6:40

¶ “ʻĀnō, e koʻu Akua, e wehe ʻia kou mau maka, e hāliu mai hoʻi kou mau pepeiao i ka pule ma kēia wahi.

KA BUKE A ʻEZERA 10:1

¶ A pau kā ʻEzera pule ʻana, a me ka uē ʻana, a me ka moe ʻana i mua o ka hale o ke Akua, hoʻākoakoa ʻia aʻela i ona lā he anaina kanaka nui loa o kā ʻIseraʻela, nā kāne, me nā wāhine a me nā kamaliʻi; no ka mea, he nui loa ka uē o nā kānaka.

KA BUKE A ʻEZERA 10:11

“ʻĀnō hoʻi, e haʻi aku ʻoukou iā Iēhova ke Akua o ko ʻoukou poʻe mākua, a e hana i kona makemake; a hoʻokaʻawale ʻoukou iā ʻoukou iho mai nā kānaka o ka ʻāina aku, a mai nā wāhine ʻē aku.”

KA BUKE A NEHEMIA 1:11

“Ke noi aku nei au iā ʻoe, e ka Haku ē, e hāliu mai kou pepeiao i ka pule a kāu kauā, a i ka pule a kāu mau kauā e makemake ana e makaʻu i kou inoa; a e kōkua mai ʻoe i kāu kauā, i kēia lā, a hāʻawi mai iā ia i ka lokomaikaʻi ʻia mai i mua o kēia kanaka.” No ka mea, ʻo wau ka mea lawe kīʻaha no ke aliʻi.

KA BUKE O NĀ HALELŪ 102:17

E hāliu mai nō ʻo ia i ka pule a ka poʻe nele, ʻAʻole ia e hoʻowahāwahā i kā lākou pule ʻana.

KA BUKE O NĀ HALELŪ 106:6

¶ Ua hewa pū nō mākou me ko mākou poʻe kūpuna, Ua lawehala hoʻi, a ua hana kolohe.

KA BUKE O NĀ HALELŪ 130:2

E ka Haku ē, e hoʻolohe mai ʻoe i koʻu leo! E hāliu mai kou pepeiao i ka leo o koʻu nonoi ʻana.

KA BUKE O NĀ HALELŪ 32:5

Ua haʻi aku au i koʻu hewa iā ʻoe; ʻAʻole au i hūnā i koʻu lawehala ʻana. ʻĪ ihola au, “E haʻi aku au i koʻu hala iā Iēhova”; A ua kala mai ʻoe i ka hewa o kaʻu lawehala ʻana. Sila.

KA BUKE O NĀ HALELŪ 34:15

¶ Kau pono nā maka o Iēhova i ka poʻe pono, A me kona mau pepeiao i ko lākou kāhea ʻana.

KA BUKE O NĀ HALELŪ 55:17

I ke ahiahi, i ke kakahiaka, i ke awakea, e pule aku ai au, A e kāhea nui aku au; a e hoʻolohe mai ʻo ia i koʻu leo.

KA BUKE O NĀ HALELŪ 88:1

¶ E Iēhova, ke Akua o koʻu ola, Ua kāhea aku nō au i mua ou i ke ao a me ka pō.

KA WĀNANA A ʻISAIA 6:5

A laila, ʻōlelo ihola au, “Auē au! Ua make au; No ka mea, he kanaka lehelehe haumia au, A ke noho nei au i waena o ka lāhui kanaka lehelehe haumia; No ka mea, ua ʻike koʻu mau maka i ke Aliʻi, iā Iēhova o nā kaua.”

KE KANIKAU A IEREMIA 5:7

Ua hana hewa ko mākou poʻe mākua kāne, a ua ʻole lākou; Ua kaʻikaʻi mākou i ko lākou hewa.

KA BUKE NO DANIʻELA 9:15

“ʻĀnō, e ka Haku, e ko mākou Akua ē, ka mea nāna e hoʻopuka mai i kou poʻe kānaka mai ka ʻāina ʻo ʻAigupita mai me ka lima kākāuha, a hoʻokaulana ʻoe i kou inoa e like me ia i kēia lā; ua hewa mākou, a ua hana ʻino aku nō hoʻi mākou.

KA BUKE NO DANIʻELA 9:20

¶ A i kaʻu ʻōlelo ʻana, a me kaʻu pule ʻana, a me koʻu haʻi ʻana i koʻu hewa, a me ka hewa o koʻu poʻe o kā ʻIseraʻela, a i koʻu noi ʻana i mua o Iēhova koʻu Akua no ka mauna hoʻāno o koʻu Akua;

KA BUKE NO DANIʻELA 9:4

A pule akula au iā Iēhova i koʻu Akua, me ka haʻi aku i koʻu hewa, a me ka ʻī aku, “E ka Haku, ke Akua nui, a me ka weliweli, ka mea nāna i mālama i ka berita, a me ke aloha i ka poʻe i aloha aku iā ia, a me ka poʻe i mālama i kona mau kānāwai;

KA BUKE NO DANIʻELA 9:5

ua lawehala mākou, a ua hana hewa hoʻi, me ka hana ʻino wale aku, a me ke kipi aku nō hoʻi, ma ka haʻalele ʻana i kāu mau kauoha, a me kou mau kānāwai.

KA BUKE NO DANIʻELA 9:8

“E ka Haku, iā mākou nō ka hilahila o ka maka, i ko mākou poʻe aliʻi, a i ko mākou poʻe kaukaualiʻi, a i ko mākou poʻe mākua hoʻi; no ka mea, ua hana hewa mākou iā ʻoe.

KA ʻEUANELIO I KĀKAU ʻIA AI E LUKA 18:7

“A ʻo ke Akua hoʻi, ʻaʻole anei ia e hoʻopono mai i kona poʻe i wae ʻia, ka poʻe kāhea iā ia i ke ao a me ka pō, me ke ahonui hoʻi iā lākou?

KA ʻEUANELIO I KĀKAU ʻIA AI E LUKA 2:37

A he wahine kāne make ia, he kanawalukumamāhā makahiki ona, ʻaʻole hoʻi ia i haʻalele i ka luakini; akā, ua mālama mau ʻo ia i ke Akua me ka hoʻopōloli a me ka pule, i ka pō a me ke ao.

ʻO KA ʻEPISETOLE A PAULO KA LUNAʻŌLELO I KO ʻEPESO 2:3

Me lākou hoʻi mākou a pau i noho ai ma mua ma nā kuko hewa o ko mākou kino, e hana ana i nā makemake o ke kino a me ka naʻau; a ma ka ʻaoʻao maoli he poʻe keiki mākou no ka inaina ʻia, e like me nā mea ʻē aʻe.

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 5:5

ʻO ka wahine kāne make ʻoiaʻiʻo, a mehameha hoʻi, ua hilinaʻi nō ia i ke Akua, a ua noho mau nō ia me ka pule ʻana a me ka hoʻomana ʻana i ka pō a me ke ao.

ʻO KA ʻEPISETOLE LUA A PAULO KA LUNAʻŌLELO IĀ TIMOTEO 1:3

¶ Ke aloha aku nei au i ke Akua, i kaʻu mea e mālama nei mai oʻu mau kūpuna mai, me ka manaʻo maʻemaʻe, i koʻu hoʻomanaʻo mau ʻana aku iā ʻoe i kaʻu pule ʻana i ka pō a me ke ao;

ʻO KA ʻEPISETOLE HOʻOLAHA MUA A IOANE 1:9

Inā e haʻi aku kākou i ko kākou hewa, he ʻoiaʻiʻo mai nō ke Akua a he lokomaikaʻi i ke kala mai i ko kākou hewa, a i ka hoʻomaʻemaʻe mai iā kākou mai nā mea pono ʻole a pau.

KA BUKE MUA A SAMUʻELA 15:11

“Ke mihi nei au i kuʻu hoʻonoho ʻana iā Saula i aliʻi; no ka mea, ua huli aʻe ia mai ka hahai ʻana iaʻu, ʻaʻole ia i hoʻokō i kaʻu mau kauoha.” Huhū ihola ʻo Samuʻela; a kāhea akula ia iā Iēhova ia pō a pau.