KA BUKE A IOSUA 9:13 - Ka Baibala Hemolele

¹³ “ʻO kēia mau hue ʻili waina hoʻi, a mākou i ukuhi hou ai, aiʻa, ua nāhaehae. A ʻo kēia mau ʻaʻahu o mākou, a me ko mākou kāmaʻa, ua weluwelu, no ka lōʻihi loa o ke ala.”

KA BUKE A IOSUA 9:13 Iomraidhean Croise

KA ʻEUANELIO I KĀKAU ʻIA AI E MATAIO 9:17

“ʻAʻole hoʻi e ukuhi nā kānaka i ka waina hou ma loko o nā hue ʻili kahiko, o nahae nā hue, a kahe aku ka waina, a pau nā hue; akā, ukuhi nō lākou i ka waina hou i loko o nā hue hou, a koe pū ia mau mea i ka mālama ʻia.”

KA BUKE A IOSUA 9:4

a laila hana maʻalea ihola lākou, a hele akula, hoʻomākaukau ihola i ō na lākou; a lawe nō hoʻi lākou i nā pūʻolo kahiko ma ko lākou mau hoki, a me nā hue ʻili waina kahiko, a ua haehae, a ua pāhono ʻia;

KA BUKE A IOSUA 9:12

“ʻO kēia berena a mākou, ʻo kā mākou ō no loko mai o ko mākou hale, ua hoʻomākaukau hou ʻia no mākou, i ko mākou lā i hele mai ai e hālāwai me ʻoukou, aia hoʻi, ua maloʻo, a ua heleleʻi.

KA BUKE A IOSUA 9:14

Lawe nō nā kānaka i kā lākou ʻai, ʻaʻole hoʻi i nīnau aku ma ka waha o Iēhova.

KA BUKE ʻALIMA A MOSE, I KAPA ʻIA KĀNĀWAI LUA 29:5

“A ua alakaʻi au iā ʻoukou i nā makahiki he kanahā ma ka wao nahele; ʻaʻole i weluwelu ko ʻoukou ʻaʻahu ma luna o ʻoukou, ʻaʻole hoʻi i weluwelu nā kāmaʻa o ʻoukou ma ko ʻoukou wāwae.

KA BUKE A IOSUA 9:5

a me nā kāmaʻa kahiko, a hāwele ihola ma ko lākou kapuaʻi, a ʻaʻahu ihola i ka lole kahiko; a ʻo ka berena, kā lākou ʻai, ua maloʻo a ʻokaʻoka.

KA ʻEUANELIO I KĀKAU ʻIA AI E MAREKO 2:22

“ʻAʻole nō hoʻi kekahi i ukuhi i ka waina hou i loko o ka hue ʻili kahiko, o nahae nā hue i ka waina hou, a kahe aku ka waina, a pau pū nā hue; akā, e ukuhi ʻia nō ka waina hou i loko o nā hue hou.”

KA ʻEUANELIO I KĀKAU ʻIA AI E LUKA 5:37

“ʻAʻohe hoʻi mea nāna e ukuhi i ka waina hou i loko o nā hue wai ʻili kahiko, o pohā nā hue i ka waina hou, a kahe ka waina, a make pū nā hue.