KA BUKE A IOSUA 8:2 - Ka Baibala Hemolele

² “A e hana ʻoe iā ʻAi, a me kona aliʻi, me ʻoe i hana ai iā Ieriko a me kona aliʻi. Akā, ʻo ko laila waiwai pio, a me ko laila bipi, e lawe ia mau mea i waiwai pio no ʻoukou. E hoʻomoe ʻoe i kou poʻe hoʻohālua ma ke kua o ua kūlanakauhale lā.”

KA BUKE A IOSUA 8:2 Iomraidhean Croise

KA BUKE ʻALIMA A MOSE, I KAPA ʻIA KĀNĀWAI LUA 20:14

“Akā, ʻo nā wāhine a me nā kamaliʻi, a me nā holoholona, a me nā mea a pau i loko o ke kūlanakauhale, a me kona waiwai pio a pau, e lawe pio ʻoe ia mau mea nāu; a e ʻai iho ʻoe i ka waiwai pio o kou poʻe ʻenemi a Iēhova kou Akua i hāʻawi mai ai iā ʻoe.

NĀ ʻŌLELO AKAMAI A SOLOMONA 13:22

E hoʻoili mai ko ka mea maikaʻi no kāna poʻe mamo; Ua waiho ʻia hoʻi na ka poʻe pono ka waiwai o ka mea hewa.

KA BUKE ʻALUA O KA ʻOIHANA ALIʻI 20:22

A i ka wā o ko lākou hoʻoleʻa ʻana, a hoʻomaikaʻi aku, hoʻonoho ihola ʻo Iēhova i poʻe hoʻohālua ma hope o nā mamo a ʻAmona, a me Moaba, a me ko ka mauna ʻo Seira, i ko lākou hele kūʻē ʻana iā Iuda; a ua luku ʻia lākou.

KA BUKE A IOSUA 6:21

Me ka maka o ka pahi kaua lākou i luku loa ai i nā mea a pau i loko o ke kūlanakauhale, ʻo nā kāne a me nā wāhine, ʻo nā mea ʻōpiopio, a me nā mea kahiko, ʻo ka bipi, a me ka hipa a me ka hoki.

KA WĀNANA A IEREMIA 51:12

E kau i ka hae ma nā pā o Babulona, E hoʻomāhuahua i ka poʻe kaua, E hoʻonohonoho i nā kiaʻi, E hoʻomākaukau i ka poʻe hoʻohālua; No ka mea, ua noʻonoʻo ʻo Iēhova, a ua hana hoʻi i nā mea āna i ʻōlelo kūʻē ai i ka poʻe e noho lā ma Babulona.

KA WĀNANA A IEREMIA 17:11

“E like me ka manu ʻaihue i hoʻopūnana i nā hua āna i hānau ʻole ai; Pēlā nō ka mea i loaʻa ka waiwai ma ka pono ʻole, I waenakonu o kona mau lā, e waiho ʻo ia ia mea, A i kona hope, e lapuwale ʻo ia.”

NĀ ʻŌLELO AKAMAI A SOLOMONA 28:20

ʻO ke kanaka hōʻoiaʻiʻo, nui wale kona mau mea e pōmaikaʻi ai; ʻO ka mea holo kikī ma hope o ka waiwai, ʻaʻole e ʻole kona hala.

KA BUKE O NĀ HALELŪ 39:6

“ʻOiaʻiʻo, ke hele nei kēlā kanaka kēia kanaka me he aka ʻoiaʻiʻo ʻole lā; He ʻoiaʻiʻo, ma ka mea lapuwale i pīhoihoi ai lākou; Hoʻāhu aʻela ia i ka waiwai ʻaʻole hoʻi i ʻike i ka mea nāna ia e ʻohi.

KA BUKE ʻALUA O KA ʻOIHANA ALIʻI 13:13

¶ A hoʻonoho ʻo Ieroboama i poʻe moemoe e hoʻohālua ma hope o lākou; no laila, i mua o kā Iuda kekahi poʻe, a ma ko lākou kua nō hoʻi ka poʻe hoʻohālua.

KA BUKE A IOSUA 10:28

¶ Ia lā nō i hoʻopio ai ʻo Iosua iā Makeda, a luku akula me ka maka o ka pahi kaua, a pepehi akula i ko laila aliʻi a make loa, ʻo lākou, a me ko laila kānaka a pau, ʻaʻole ia i waiho i kekahi koena. Hana akula ia i ko laila aliʻi, e like me ia i hana aku ai i ke aliʻi o Ieriko.

KA BUKE A IOSUA 10:1

¶ Eia hoʻi kekahi; a lohe ʻo ʻAdoni-Zedeka, ke aliʻi o Ierusalema, i ke pio ʻana o ʻAi iā Iosua, a me kona luku ʻana ia wahi; e like me kāna hana ʻana iā Ieriko a me kona aliʻi, pēlā kāna hana ʻana iā ʻAi, me ko laila aliʻi; a ua hoʻokuʻikahi aku nā kānaka o Gibeona me kā ʻIseraʻela, a ua noho pū me lākou;

KA BUKE A IOSUA 8:24

¶ A pau aʻela nā kānaka o ʻAi i ka luku ʻia e kā ʻIseraʻela ma ke kula, a ma ka wao nahele, ma kahi a lākou i hahai aku ai. A hāʻule ihola lākou a pau i ka maka o ka pahi kaua a make. A laila, hoʻi akula kā ʻIseraʻela a pau i ʻAi, a luku akula, me ka maka o ka pahi kaua.

KA BUKE A IOSUA 8:19

Kū koke maila ka poʻe hoʻohālua, mai ko lākou wahi mai, a i ka ʻō ʻana aku o kona lima, holokikī akula a komo i loko o ke kūlanakauhale, hoʻopio ihola, a wikiwiki a puhi akula i ke kauhale i ke ahi.

KA BUKE A IOSUA 8:14

A ʻike maila ke aliʻi o ʻAi, wikiwiki aʻela lākou, a ala koke ihola, a puka maila nā kānaka o ke kūlanakauhale i waho e kaua me kā ʻIseraʻela, ʻo ia a me kona kānaka a pau, ma kahi i ʻōlelo mua ʻia, ma ke kula; ʻaʻole hoʻi i ʻike he poʻe hoʻohālua kekahi, ma ke kua o ke kūlanakauhale.

KA BUKE A IOSUA 8:12

Lawe aʻela ʻo ia i ʻelima paha tausani kānaka, a hoʻonoho ihola iā lākou e hoʻohālua ma waena o Betela a me ʻAi, ma ke komohana o ke kūlanakauhale.

KA BUKE A IOSUA 8:9

A laila, hoʻouna akula ʻo Iosua iā lākou, a hele akula lākou e hoʻohālua; a noho lākou ma waena o Betela a me ʻAi, ma ke komohana o ʻAi. Ia pō, moe pū ihola ʻo Iosua me nā kānaka.

KA BUKE A IOSUA 8:7

“A laila, e kū mai ʻoukou, mai kahi a ʻoukou i hoʻohālua ai, a e lawe i ua kūlanakauhale lā. Ua hāʻawi mai nō ʻo Iēhova ia wahi i loko o ko ʻoukou lima.

KA BUKE ʻALIMA A MOSE, I KAPA ʻIA KĀNĀWAI LUA 3:2

“ʻŌlelo mai ʻo Iēhova iaʻu, ‘Mai makaʻu iā ia; no ka mea, e hoʻolilo ana au iā ia, a me kona poʻe kānaka a pau, a me kona ʻāina, i loko o kou lima; a e hana aku ʻoe iā ia e like me kāu i hana aku ai iā Sihona i ke aliʻi o kā ʻAmora, ka mea i noho ma Hesebona.’

KA BUKE A IOSUA 8:3

¶ Kū aʻela ʻo Iosua a me nā kānaka kaua a pau e piʻi aku i ʻAi. Wae maila ʻo Iosua i kanakolu tausani kānaka, he poʻe koa loa, a hoʻouna iā lākou i ka pō.

KA BUKE A IOSUA 8:8

“A loaʻa iā ʻoukou ua kūlanakauhale lā, a laila, e puhi i nā hale i ke ahi. E like me ka ʻōlelo a Iēhova, pēlā ʻoukou e hana ai. E nānā hoʻi, ua kauoha aku au iā ʻoukou.”

KA BUKE ʻALIMA A MOSE, I KAPA ʻIA KĀNĀWAI LUA 2:35

“ʻO nā holoholona wale nō kā kākou i lawe pio ai na kākou, a me ka waiwai o nā kūlanakauhale, ʻo ia kā kākou i lawe.

KA BUKE A IOSUA 9:3

¶ A lohe ka poʻe i noho ma Gibeona i ka mea a Iosua i hana ai iā Ieriko a me ʻAi,

KA BUKE A IOSUA 11:14

Lawe aʻela nā mamo a ʻIseraʻela i ka waiwai pio a pau o ia poʻe kūlanakauhale, a me nā bipi, i waiwai no lākou. Akā, ʻo kānaka a pau, kā lākou i luku aku ai ma ka maka o ka pahi kaua, a oki loa ihola, ʻaʻole lākou i waiho i kekahi e hanu ana.