KA BUKE A IOSUA 7:9 - Ka Baibala Hemolele

⁹ “E lohe auaneʻi ko Kanaʻana, a me ka poʻe a pau e noho lā ma ka ʻāina, a e hoʻopuni mai lākou iā mākou, a e hōʻoki loa lākou i ko mākou inoa, mai ka honua aku. Pehea lā ʻoe e hana ai i kou inoa nui?”

KA BUKE A IOSUA 7:9 Iomraidhean Croise

KA BUKE O NĀ HALELŪ 115:1

¶ ʻAʻole iā mākou, e Iēhova, ʻaʻole iā mākou, Akā, i kou inoa nō e hāʻawi ʻia aku ai ka hoʻonani, No kou lokomaikaʻi, a me kou ʻoiaʻiʻo.

KA BUKE O NĀ HALELŪ 48:10

E like me kou inoa, e ke Akua, Pēlā ka hoʻoleʻa nou a hiki i nā welelau o ka honua; Ua piha kou lima ʻākau i ka pono.

KA BUKE O NĀ HALELŪ 79:9

E kōkua mai ʻoe iā mākou, e ke Akua o ko mākou ola, I mea e hoʻonani ʻia ai kou inoa; E hoʻopakele mai ʻoe iā mākou, E kala mai hoʻi i ko mākou hewa, no kou inoa iho.

KA BUKE O NĀ HALELŪ 83:4

ʻĪ aʻela lākou, “E hele mai, e hōʻoki kākou i ko lākou noho aupuni ʻana, I hoʻomanaʻo hou ʻole ʻia ka inoa o kā ʻIseraʻela.”

KA BUKE O NĀ HALELŪ 83:5

No ka mea, ua kūkākūkā lōkahi pū lākou; Ua hana nō lākou i berita kūʻē iā ʻoe.

KA BUKE ʻALUA A MOSE, I KAPA ʻIA PUKA ʻANA 32:12

“No ke aha lā e ʻōlelo mai ai ko ʻAigupita, me ka ʻī ʻana mai, ʻNo ka hewa i lawe mai ai ʻo ia iā lākou, e pepehi iā lākou ma nā mauna, a e luku aku iā lākou, mai ka maka aku o ka honua?’ E maliu mai ʻoe mai ka wela mai o kou huhū, a e aloha mai ʻoe no ka hewa e hiki mai ana i kou poʻe kānaka.

KA WĀNANA A ʻEZEKIʻELA 20:9

“Akā, ua hana au no koʻu inoa, i ʻole ia e hoʻohaumia ʻia i nā maka o nā lāhui kanaka, i waena o ia poʻe i noho ai lākou; i mua hoʻi o ko lākou mau maka i hōʻike ai au iaʻu iho iā lākou, i ka lawe ʻana mai iā lākou mai loko mai o ka ʻāina ʻo ʻAigupita.

IOʻELA 2:17

I waena o ka lānai a me ke kuahu e auē iho nā kāhuna, nā lawehana a Iēhova, A e ʻōlelo aku lākou, “E ahonui mai, e Iēhova, i kou poʻe kānaka, A mai hāʻawi aku i kou hoʻoilina i ka hōʻino ʻia mai, I noho aliʻi ai nā lāhui kanaka ʻē ma luna o lākou; No ke aha lā e ʻōlelo aʻe lākou, i waena o nā kānaka, ‘ʻAuhea ko lākou Akua?’”

MIKA 7:10

A e ʻike kou ʻenemi ia mea, A e uhi mai ka hilahila i ka mea i ʻōlelo mai ai iaʻu, “ʻAuhea ʻo Iēhova kou Akua?” E ʻike auaneʻi koʻu mau maka iā ia; ʻĀnō e hehi ʻia ʻo ia i lalo, e like me ka lepo o nā alanui.

KA BUKE ʻAHĀ A MOSE, I KAPA ʻIA NĀ HELU 14:13

¶ ʻŌlelo akula ʻo Mose iā Iēhova, “A laila e lohe ai ko ʻAigupita, (no ka mea, ma kou mana kāu i lawe mai ai i kēia poʻe kānaka ma waena mai o lākou),

KA ʻEUANELIO I KĀKAU ʻIA AI E IOANE 12:28

“E ka Makua, e hoʻonani ʻoe i kou inoa.” A laila paʻē maila ka leo mai ka lani mai, “Ua hoʻonani iho nō au, a e hoʻonani hou iho nō hoʻi au.”

KA BUKE ʻALIMA A MOSE, I KAPA ʻIA KĀNĀWAI LUA 9:28

‘O ʻōlelo mai auaneʻi ko ka ʻāina no laila i lawe mai ai ʻoe iā mākou, “No ka hiki ʻole iā Iēhova ke lawe aku iā lākou ma ka ʻāina āna i ʻōlelo mai ai iā lākou, a no kona inaina iā lākou, i lawe mai ʻo ia iā lākou e luku iā lākou ma ka wao nahele.”

KA BUKE A IOSUA 7:10

¶ ʻŌlelo maila ʻo Iēhova iā Iosua, “E kū mai ʻoe i luna! He aha lā kāu e moe nei i lalo ke alo?

KA BUKE A IOSUA 7:8

“E koʻu Haku, he aha lā kaʻu e ʻōlelo aku ai, i ka wā e huli ai kā ʻIseraʻela i ko lākou kua i nā ʻenemi o lākou?

KA BUKE MUA A SAMUʻELA 12:22

“No ka mea, ʻaʻole e haʻalele mai ʻo Iēhova i kona poʻe kānaka no kona inoa nui; no ka mea, ua ʻoluʻolu ʻo Iēhova e hoʻolilo iā ʻoukou i poʻe kānaka nona.