KA BUKE A IOSUA 13:3 - Ka Baibala Hemolele

³ mai Sihora mai aia i mua o ʻAigupita a hiki i ka palena ʻo ʻEkerona ma ka ʻākau aʻe, ua helu ʻia nō ka poʻe Kanaʻana; ʻelima haku o ka poʻe Pilisetia: ka poʻe Gaza, a me ka poʻe ʻAsedoda, a me ka poʻe ʻEsekalona, a me ka poʻe Gata, a me ka poʻe ʻEkerona; a ʻo ka poʻe ʻAvita kekahi.

KA BUKE A IOSUA 13:3 Iomraidhean Croise

KA BUKE MUA A MOSE, I KAPA ʻIA KINOHI 10:6

¶ ʻO nā keiki a Hama: ʻo Kusa, ʻo Migeraima, ʻo Puta, a ʻo Kanaʻana.

KA BUKE MUA A MOSE, I KAPA ʻIA KINOHI 15:18

Ia lā nō, hoʻopaʻa ihola ʻo ia i berita me ʻAberama, i ka ʻī ʻana mai, “Ua hāʻawi aku nō wau i kēia ʻāina no kāu poʻe mamo, Mai ka muliwai o ʻAigupita a hiki aku i ka muliwai nui, ka muliwai ʻo ʻEuperate:

KA BUKE MUA NO NĀ ALIʻI 8:65

Ia manawa, ʻahaʻaina aʻela ʻo Solomona, a me ia pū kā ʻIseraʻela a pau, he anaina nui, mai ke komo ʻana o Hamota a hiki i ka muliwai ʻo ʻAigupita, ma ke alo o Iēhova, ko kākou Akua, ʻehiku lā, a ʻehiku lā, he ʻumikumamāhā mau lā.

KA BUKE MUA O KA ʻOIHANA ALIʻI 13:5

Pēlā i hōʻuluʻulu ai ʻo Dāvida i kā ʻIseraʻela a pau i kahi hoʻokahi, mai Sihora o ʻAigupita a hiki aku i ke komo ʻana aku i Hemata, e lawe i ka pahu o ke Akua mai Kiriata Iearima mai.

KA WĀNANA A ʻISAIA 23:3

ʻO ka hua o ka Nile, i ulu ma nā wai nui, A me ka ʻai o ka Muliwai, ʻo ia kona waiwai; A lilo ia i wahi kūʻai no nā ʻāina.

KA WĀNANA A IEREMIA 2:18

“He aha hoʻi kāu ma ka ʻaoʻao o ʻAigupita, E inu ai i nā wai ʻo Sihora? He aha hoʻi kāu ma ka ʻaoʻao o ʻAsuria, E inu ai i nā wai o ka Muliwai?

KA BUKE ʻALIMA A MOSE, I KAPA ʻIA KĀNĀWAI LUA 2:23

A ʻo ko ʻAva e noho ana ma Hazerima a hiki i ʻAza, na ko Kapetora, mai Kapetora mai, i luku aku lākou, a noho ihola ma ko lākou lā wahi.)

KA BUKE A IOSUA 13:13

Akā, ʻaʻole i kipaku ʻia ka poʻe Gesuri, a me ka poʻe Maʻakati e kā ʻIseraʻela; akā, noho pū nō ka poʻe Gesuri, a me ka poʻe Maʻakati me kā ʻIseraʻela a hiki i kēia lā.

KA BUKE NO NĀ LUNA KĀNĀWAI 16:5

Piʻi aʻela nā aliʻi o Pilisetia i ona lā, ʻī aʻela iā ia, “E hoʻowalewale ʻoe iā ia, a e nānā hoʻi i kahi o kona ikaika nui, a me ka mea e lanakila ai mākou ma luna ona, i nakinaki mākou iā ia, a pilikia ia; a laila, e uku aku mākou iā ʻoe, i hoʻokahi tausani ʻāpana kālā, a me ka haneri keu.”

KA BUKE NO NĀ LUNA KĀNĀWAI 3:3

ʻElima aliʻi o ko Pilisetia, a me ko Kanaʻana a pau, a me ko Zidona, a me ko Heva i noho ma ka mauna ʻo Lebanona, mai ka mauna mai ʻo Baʻala Heremona a hiki i Hamata.

KA BUKE MUA A SAMUʻELA 5:1

¶ Lawe akula ko Pilisetia i ka pahu o ke Akua, a halihali akula mai ʻEbenezera aku a hiki i ʻAsedoda.

KA BUKE MUA A SAMUʻELA 5:10

No ia mea, lawe akula lākou i ka pahu o ke Akua i ʻEkerona. A hiki akula ka pahu o ke Akua ma ʻEkerona, auē ihola ko ʻEkerona, i ka ʻī ʻana aʻe, “Ua lawe mai lākou i ka pahu o ke Akua o kā ʻIseraʻela i o kākou nei e pepehi iā kākou a me ko kākou poʻe kānaka!”

KA BUKE MUA A SAMUʻELA 5:8

Hoʻouna akula lākou e hōʻuluʻulu i nā haku a pau o ko Pilisetia i o lākou lā, nīnau akula iā lākou, “He aha kā mākou e hana aku ai i ka pahu o ke Akua o kā ʻIseraʻela?” ʻĪ maila lākou, “E lawe ʻia aku ka pahu o ke Akua o kā ʻIseraʻela ma Gata.” A lawe akula lākou i ka pahu o ke Akua o kā ʻIseraʻela i laila.

KA BUKE MUA A SAMUʻELA 6:4

Nīnau akula lākou, “He aha ka mōhai hala a mākou e hoʻihoʻi aku ai nona?” ʻĪ maila lākou, “ʻElima puʻupuʻu koko gula, ʻelima ʻiole gula, ma ka helu ʻana o nā haku o ko Pilisetia; no ka mea, hoʻokahi nō maʻi ma luna o lākou a pau, a ma luna hoʻi o ko ʻoukou mau haku.