KA ʻEUANELIO I KĀKAU ʻIA AI E IOANE 9:1 - Ka Baibala Hemolele

¹ ¶ A i kona hele ʻana, ʻike nō ia i kekahi kanaka i makapō mai ka hānau ʻana mai.

KA ʻEUANELIO I KĀKAU ʻIA AI E IOANE 9:1 Iomraidhean Croise

KA WĀNANA A ʻISAIA 35:5

A laila, e hoʻokaʻakaʻa ʻia nā maka o ka poʻe makapō, A e hoʻohakahaka ʻia nā pepeiao o ka poʻe kuli.

KA ʻEUANELIO I KĀKAU ʻIA AI E MATAIO 20:30

Aia hoʻi, ʻelua makapō e noho ana ma kapa alanui; lohe aʻela lāua, ʻo Iesū ke māʻalo aʻe, kāhea mai iā lāua, ʻī maila, “E aloha mai ʻoe iā māua, e ka Haku, e ka Mamo a Dāvida!”

KA ʻEUANELIO I KĀKAU ʻIA AI E MATAIO 9:27

¶ A hele akula ʻo Iesū mai ia wahi aku, ʻelua kānaka makapō i hahai iā ia, kāhea maila lāua, ʻī maila, “E ka Mamo a Dāvida, e aloha mai ʻoe iā māua!”

KA ʻEUANELIO I KĀKAU ʻIA AI E MAREKO 9:21

Nīnau aʻela ia i kona makua kāne, “Pehea lā ka lōʻihi o ke kau ʻana o kēia ma luna ona?” ʻĪ maila kēlā, “Mai ka wā kamaliʻi mai nō.”

KA ʻEUANELIO I KĀKAU ʻIA AI E LUKA 8:43

¶ A he wahine hoʻi, he ʻumikumamālua makahiki o kona heʻe koko ʻana, ua pau kona waiwai i nā kāhuna lapaʻau, ʻaʻohe o lākou mea e ola ai ia;

KA ʻEUANELIO I KĀKAU ʻIA AI E IOANE 5:5

Ma laila kekahi kanaka, he kanakolukumamāwalu nā makahiki o kona maʻi ʻana.

KA ʻEUANELIO I KĀKAU ʻIA AI E IOANE 8:59

A laila lālau ihola lākou i nā pōhaku e pehi iā ia; hele malū akula ʻo Iesū i waho o ka luakini ma waena o lākou, pēlā ʻo ia i pakele ai.

KA ʻEUANELIO I KĀKAU ʻIA AI E IOANE 9:2

Nīnau akula kāna poʻe haumāna iā ia, ʻī akula, “E Rabi, ʻo wai kai hewa, ʻo ia nei anei, a ʻo kona mau mākua anei, i hānau makapō mai ai ia?”

NĀ ʻOIHANA A KA POʻE LUNAʻŌLELO 14:8

¶ E noho ana kekahi kanaka ma Lusetera, ua nāwaliwali nā wāwae, ua ʻoʻopa ia, mai ka ʻōpū mai o kona makuahine, ʻaʻole loa ia i hele.

NĀ ʻOIHANA A KA POʻE LUNAʻŌLELO 28:4

A ʻike maila kēlā poʻe kānaka ʻē i ua mea niho ʻawa lā e kau ana i kona lima, ʻī aʻela lākou kekahi i kekahi, “ʻOiaʻiʻo nō he kanaka pepehi kanaka kēia, ua pakele nō ia i ke kai; akā, ʻo ka mea hoʻopaʻi, ʻaʻole ia i ʻae mai i kona ola.”

NĀ ʻOIHANA A KA POʻE LUNAʻŌLELO 4:22

No ka mea, ua kanahā a keu nā makahiki o ua kanaka lā, ma luna ona i hōʻike ʻia mai ai kēia hōʻailona mana e ola ai.

NĀ ʻOIHANA A KA POʻE LUNAʻŌLELO 9:33

Loaʻa akula iā ia i laila kekahi kanaka, ʻo ʻAinea kona inoa, ua moe ma ka moe no nā makahiki ʻewalu, i ka maʻi lōlō.