KA ʻEUANELIO I KĀKAU ʻIA AI E IOANE 7:7 - Ka Baibala Hemolele

⁷ “ʻAʻole e inaina mai ko ke ao nei iā ʻoukou; ke inaina mai nei nō naʻe lākou iaʻu; no ka mea, ʻo wau ke hōʻike aku no lākou, ua hewa kā lākou hana ʻana.

KA ʻEUANELIO I KĀKAU ʻIA AI E IOANE 7:7 Iomraidhean Croise

KA BUKE MUA NO NĀ ALIʻI 21:20

A ʻōlelo aʻela ʻo ʻAhaba iā ʻElia, “Ua loaʻa anei au iā ʻoe, e kuʻu ʻenemi?” ʻĪ akula ʻo ʻElia, “Ua loaʻa nō iaʻu, no ka mea, ua kūʻai lilo aku ʻoe iā ʻoe iho e hana ma ka hewa i mua o Iēhova.

KA BUKE MUA NO NĀ ALIʻI 22:8

Haʻi maila ke aliʻi o ʻIseraʻela iā Iehosapata, “Hoʻokahi kanaka i koe, ʻo Mikaia ke kiʻekiʻe a ʻImela, e hiki iā kāua ke nīnau iā Iēhova ma ona lā; akā, ke hoʻowahāwahā aku nei au iā ia, no ka mea, ʻaʻole ia i wānana mai i ka maikaʻi noʻu, i ka ʻino wale nō.” ʻĪ akula ʻo Iehosapata, “Mai ʻōlelo mai ke aliʻi pēlā!”

KA BUKE O NĀ HALELŪ 109:5

Hoʻokau mai lākou i ka hewa ma luna oʻu no ka maikaʻi, A me ka inaina no koʻu aloha.

NĀ ʻŌLELO AKAMAI A SOLOMONA 15:12

ʻAʻole i aloha aku ka mea hoʻowahāwahā i ka mea i aʻo mai iā ia; ʻAʻole hoʻi ʻo ia e hele i ka poʻe naʻauao.

NĀ ʻŌLELO AKAMAI A SOLOMONA 8:36

“Akā, ʻo ka mea i hana ʻino mai iaʻu, ua pepehi ʻo ia i kona ʻuhane iho; ʻO ka poʻe inaina mai iaʻu ʻo ia kai koho i ka make.”

KA WĀNANA A ʻISAIA 29:21

Ka poʻe i hoʻohewa mai i ke kanaka no ka ʻōlelo hoʻokahi, A hoʻopahele hoʻi i ka mea hoʻoponopono ma nā puka pā, ʻAʻole hoʻi he kumu no kā lākou hana pāʻewaʻewa ʻana i ka poʻe i pono.

KA WĀNANA A ʻISAIA 49:7

Penei ka ʻōlelo ʻana mai a Iēhova, Ka Hoʻōla Pānaʻi o kā ʻIseraʻela, kona Mea Hemolele hoʻi, I ka Mea i hoʻowahāwahā ʻia e nā kānaka, I ka Mea a ka lāhui kanaka i hoʻopailua ai, I ke Kauā hoʻi na ka poʻe e noho aliʻi ana, “E ʻike aku nā aliʻi a e kū i luna, E kūlou aku nō hoʻi nā luna, No Iēhova, ka mea ʻoiaʻiʻo, ka Mea Hemolele o kā ʻIseraʻela, Nāna nō e makemake aku iā ʻoe.”

KA WĀNANA A IEREMIA 20:8

No ka mea, i ka wā aʻu i ʻōlelo ai, uē akula au, A kāhea akula nō hoʻi, “He kāʻili wale, a me ka hao ʻana”; No ka mea, lilo nō ka ʻōlelo a Iēhova, i mea e henehene ʻia mai ai, A i mea hoʻi e hoʻowahāwahā ʻia mai ai au i nā lā a pau.

KA BUKE ʻAKOLU A MOSE, I KAPA ʻIA ʻOIHANA KAHUNA 13:10

a e nānā aku ke kahuna iā ia; aia hoʻi, inā he keʻokeʻo ka pehu ʻana i loko o ka ʻili, a ua hoʻolilo aʻe i ka huluhulu i keʻokeʻo, a he ʻiʻo kupu ma loko o ka pehu ʻana,

ZEKARIA 11:8

ʻEkolu mau kahu hipa aʻu i hōʻoki iho ai i ka malama hoʻokahi; no ka mea, ua pauaho kuʻu naʻau iā lākou; a ua inaina mai hoʻi ko lākou naʻau iaʻu.

MALAKI 3:5

“Ke hoʻokokoke aku nei au i o ʻoukou lā e hoʻokō i ke kānāwai; e wikiwiki au i ka hōʻike kūʻē i nā kāhuna ʻanāʻanā, me nā moekolohe, a i nā mea hoʻohiki wahaheʻe, me ka poʻe hoʻonele i nā mea hoʻolimalima i kā lākou uku, a i ka poʻe hoʻonele i ka wahine kāne make, a me ke keiki makua ʻole, a i ka poʻe hoʻohuli aʻe i ko ka malihini, ʻaʻole hoʻi i makaʻu iaʻu,” wahi a Iēhova o nā kaua.

KA ʻEUANELIO I KĀKAU ʻIA AI E LUKA 6:26

“E pōʻino auaneʻi ʻoukou i ka wā e ʻōlelo maikaʻi mai ai nā kānaka a pau no ʻoukou! No ka mea, pēlā nō i hana aku ai ko lākou mau mākua i ka poʻe kāula hoʻopunipuni.

KA ʻEUANELIO I KĀKAU ʻIA AI E IOANE 17:14

“Ua hāʻawi aku au iā lākou i kāu ʻōlelo; a ua inaina mai ko ke ao nei iā lākou; no ka mea, ʻaʻole no kēia ao lākou, e like me aʻu hoʻi, ʻaʻole no kēia ao.

KA ʻEUANELIO I KĀKAU ʻIA AI E IOANE 3:19

“Eia ka mea i hoʻāhewa ʻia ai; ua hiki mai ka mālamalama i ke ao nei; akā, ua makemake nā kānaka i ka pouli, ʻaʻole i ka mālamalama; no ka mea, ua hewa nā hana ʻana a lākou.

ʻO KA ʻEPISETOLE A PAULO KA LUNAʻŌLELO I KO ROMA 8:7

No ka mea, ʻo ka manaʻo ma ke kino, he mea kūʻē i ke Akua; ʻaʻole ia i mālama i ke kānāwai o ke Akua, ʻaʻole loa e hiki.

ʻO KA ʻEPISETOLE A PAULO KA LUNAʻŌLELO I KO GALATIA 4:16

Ua lilo anei au i ʻenemi no ʻoukou, i kuʻu haʻi ʻana aku i ka ʻoiaʻiʻo iā ʻoukou?

ʻO KA ʻEPISETOLE HOʻOLAHA A IAKOBO 4:4

E nā kāne moekolohe a me nā wāhine moekolohe, ʻaʻole anei ʻoukou i ʻike, ʻo ka hoʻolauna ʻana me ko ke ao nei, he kūʻē aku ia i ke Akua? ʻO ka mea e makemake e hoʻolauna pū me ko ke ao nei, ua lilo ia i ʻenemi no ke Akua.

ʻO KA ʻEPISETOLE HOʻOLAHA MUA A IOANE 4:5

No ke ao nei lākou; no laila i ʻōlelo ai lākou i nā mea o ke ao nei, ke lohe nei hoʻi ko ke ao nei iā lākou.