KA ʻEUANELIO I KĀKAU ʻIA AI E IOANE 7:4 - Ka Baibala Hemolele

⁴ “No ka mea, ʻaʻohe mea hana malū, ke makemake ia e ʻike ʻia mai ʻo ia. Inā e hana ʻoe i kēia mau mea, e hōʻike aku ʻoe iā ʻoe iho i ko ke ao nei.”

KA ʻEUANELIO I KĀKAU ʻIA AI E IOANE 7:4 Iomraidhean Croise

KA BUKE MUA NO NĀ ALIʻI 22:13

¶ A ʻo ka luna i hele e kāhea iā Mikaia, ʻōlelo akula ʻo ia iā ia, ʻī akula, “Aia hoʻi, ʻo nā ʻōlelo a ka poʻe kāula, he maikaʻi i ke aliʻi me ka waha hoʻokahi; a ke noi aku nei au, e like kāu ʻōlelo me ka ʻōlelo a kekahi o lākou, e ʻōlelo hoʻi ʻoe ma ka maikaʻi.”

KA ʻEUANELIO I KĀKAU ʻIA AI E MATAIO 23:5

“Ke hana nei lākou i kā lākou mau hana a pau, i ʻikea mai ai e nā kānaka. Ke hoʻopālahalaha nei lākou i nā ʻāpana kānāwai o lākou; a ke hoʻonui nei hoʻi lākou i nā lepa o kā lākou ʻaʻahu.

KA ʻEUANELIO I KĀKAU ʻIA AI E MATAIO 4:6

ʻī akula iā ia, “Inā ʻo ʻoe ke Keiki a ke Akua, e lele iho ʻoe i lalo; no ka mea, ua palapala ʻia, ‘«E kauoha mai nō ia i kona poʻe ʻānela nou, E kaʻikaʻi lākou iā ʻoe ma ko lākou mau lima, O kū ʻia kou wāwae i ka pōhaku».’”

KA ʻEUANELIO I KĀKAU ʻIA AI E MATAIO 6:16

¶ “A i hoʻokē ʻai ʻoukou, mai hōʻinoʻino maka ʻoukou e like me ka poʻe hoʻokamani; no ka mea, ua hōʻinoʻino lākou i ko lākou maka i ʻike ʻia mai e nā kānaka kā lākou hoʻokē ʻai ʻana; he ʻoiaʻiʻo kaʻu e ʻōlelo aku nei iā ʻoukou, ua loaʻa iā lākou ko lākou uku.

KA ʻEUANELIO I KĀKAU ʻIA AI E MATAIO 6:5

¶ “A i pule aku ʻoe, ʻeā, mai hoʻohālike me ka poʻe hoʻokamani; makemake lākou e pule kū ana ma nā hale hālāwai a me nā huina alanui, i ʻike ʻia mai ai lākou e kānaka; he ʻoiaʻiʻo kaʻu e ʻōlelo aku nei iā ʻoukou, ua loaʻa iā lākou ko lākou uku.

KA ʻEUANELIO I KĀKAU ʻIA AI E LUKA 6:45

“ʻO ke kanaka maikaʻi, ua lawe mai ia i ka mea maikaʻi no loko mai o ka waiwai maikaʻi o kona naʻau; a ʻo ke kanaka ʻino, ua lawe mai ia i ka mea ʻino no loko mai o ka waiwai ʻino o kona naʻau; no ka mea, no ka piha o ka naʻau i ʻōlelo mai ai kona waha.

KA ʻEUANELIO I KĀKAU ʻIA AI E IOANE 18:20

ʻĪ maila ʻo Iesū iā ia, “Ua ʻōlelo hōʻike aku au i ko ke ao nei; ua aʻo mau aku au i loko o nā hale hālāwai, a i loko o ka luakini, kahi i ʻākoakoa ai nā Iudaio a pau; ʻaʻohe mea aʻu i aʻo aku ai ma kahi malū.

KA ʻEUANELIO I KĀKAU ʻIA AI E IOANE 7:3

No ia mea, ʻōlelo akula kona mau hoahānau iā ia, “E haʻalele ʻoe i kēia wahi, a e hele aku i Iudea, i ʻike ai kāu poʻe haumāna i nā hana āu e hana ai.

KA ʻEUANELIO I KĀKAU ʻIA AI E IOANE 7:5

ʻAʻole naʻe ʻo kona poʻe hoahānau i manaʻoʻiʻo iā ia.