KA ʻEUANELIO I KĀKAU ʻIA AI E IOANE 7:12 - Ka Baibala Hemolele

¹² A nui loa aʻela ka hoʻopaʻapaʻa ʻana o ua ʻaha kanaka lā nona; ʻōlelo maila kekahi poʻe, “He maikaʻi ʻo ia”; ʻī maila kekahi poʻe, “ʻAʻole, ke hoʻopunipuni mai nei ia i nā kānaka.”

KA ʻEUANELIO I KĀKAU ʻIA AI E IOANE 7:12 Iomraidhean Croise

KA ʻEUANELIO I KĀKAU ʻIA AI E MATAIO 10:25

“He aho nō ka haumāna ke like ia me kāna kumu, a ʻo ke kauā ke like ia me kona haku. Inā e kapa mai lākou i ka mea nona ka hale, ʻo Belezebuba, e nui auaneʻi ko lākou kapa ʻana i ko ka hale pēlā.

KA ʻEUANELIO I KĀKAU ʻIA AI E MATAIO 21:46

Makemake ihola lākou e lālau mai iā ia, a makaʻu akula lākou i ka poʻe kānaka; no ka mea, manaʻo ihola lākou he kāula ia.

KA ʻEUANELIO I KĀKAU ʻIA AI E MATAIO 27:63

ʻī akula, “E ka haku, ke hoʻomanaʻo nei mākou, i ʻōlelo mai ua kanaka hoʻopunipuni lā i kona wā e ola ana, ‘A pō ʻakolu aʻe, e ala hou mai ana au.’

KA ʻEUANELIO I KĀKAU ʻIA AI E LUKA 18:19

A ʻī maila ʻo Iesū iā ia, “No ke aha lā ʻoe i kapa mai ai iaʻu he maikaʻi? Hoʻokahi wale nō mea maikaʻi, ʻo ke Akua.

KA ʻEUANELIO I KĀKAU ʻIA AI E LUKA 23:47

A ʻike ka luna haneri ia mea i hana ʻia ai, hoʻomaikaʻi akula ia i ke Akua, ʻī akula, “ʻOiaʻiʻo, he kanaka pono nō kēia.”

KA ʻEUANELIO I KĀKAU ʻIA AI E LUKA 23:50

¶ Aia hoʻi, he kanaka, ʻo Iosepa kona inoa, he kākāʻōlelo, he kanaka maikaʻi, he hoʻopono;

KA ʻEUANELIO I KĀKAU ʻIA AI E LUKA 6:45

“ʻO ke kanaka maikaʻi, ua lawe mai ia i ka mea maikaʻi no loko mai o ka waiwai maikaʻi o kona naʻau; a ʻo ke kanaka ʻino, ua lawe mai ia i ka mea ʻino no loko mai o ka waiwai ʻino o kona naʻau; no ka mea, no ka piha o ka naʻau i ʻōlelo mai ai kona waha.

KA ʻEUANELIO I KĀKAU ʻIA AI E LUKA 7:16

A kau maila ka weliweli ma luna o lākou a pau, hoʻonani akula lākou i ke Akua; ʻī akula, “Ua puka mai nei ke kāula nui ma waena o kākou; ua ʻike mai ke Akua i kona poʻe kānaka!”

KA ʻEUANELIO I KĀKAU ʻIA AI E IOANE 6:14

ʻŌlelo akula ka poʻe kānaka i ʻike i ka hana mana a Iesū i hana ai, “He ʻoiaʻiʻo, ʻo ke Kāula kēia e hele mai ana i ke ao nei.”

KA ʻEUANELIO I KĀKAU ʻIA AI E IOANE 7:32

Lohe aʻela nā Parisaio i ka ʻōhumu ʻana o ua ʻaha kanaka lā i kēia mau mea nona; hoʻouna akula nā Parisaio a me nā kāhuna nui i nā ilāmuku e lālau iā ia.

KA ʻEUANELIO I KĀKAU ʻIA AI E IOANE 7:47

Nīnau maila nā Parisaio iā lākou, “ʻO ʻoukou anei kekahi i hoʻopunipuni ʻia?

KA ʻEUANELIO I KĀKAU ʻIA AI E IOANE 7:52

ʻŌlelo maila lākou iā ia, ʻī maila, “No Galilaia anei ʻoe? E ʻimi, a ʻike ʻoe, ʻaʻohe kāula no loko mai o Galilaia.”

KA ʻEUANELIO I KĀKAU ʻIA AI E IOANE 9:16

No ia hoʻi, ʻōlelo aʻela kekahi poʻe o nā Parisaio, “ʻAʻole no ke Akua kēia kanaka; no ka mea, ʻaʻole ia i mālama i ka Sābati.” ʻŌlelo maila kekahi poʻe, “Pehea lā e hiki ai i ke kanaka hewa ke hana i nā hana mana me kēia?” A mokuāhana ihola lākou.

NĀ ʻOIHANA A KA POʻE LUNAʻŌLELO 11:24

No ka mea, he kanaka maikaʻi ia, ua piha hoʻi i ka ʻUhane Hemolele, a me ka manaʻoʻiʻo; a nui loa aʻela ka poʻe i hui ʻia ma ka Haku.

ʻO KA ʻEPISETOLE A PAULO KA LUNAʻŌLELO I KO ROMA 5:7

No ka mea, ʻaneʻane hiki ʻole i kekahi ke make no ke kanaka pono; malia e hiki paha i kekahi ke make no ke kanaka lokomaikaʻi.

ʻO KA ʻEPISETOLE A PAULO KA LUNAʻŌLELO I KO PILIPI 2:14

E hana ʻoukou i nā mea a pau me ka ʻōhumu ʻole, a me ka hoʻopaʻapaʻa ʻole;