KA ʻEUANELIO I KĀKAU ʻIA AI E IOANE 6:2 - Ka Baibala Hemolele

² A nui loa nā kānaka i hahai iā ia, no ko lākou ʻike ʻana i nā hana mana āna i hana ai i ka poʻe maʻi.

KA ʻEUANELIO I KĀKAU ʻIA AI E IOANE 6:2 Iomraidhean Croise

KA ʻEUANELIO I KĀKAU ʻIA AI E MATAIO 12:15

¶ A ʻike ihola ʻo Iesū ia mea, hele akula ia mai ia wahi aku; a he nui ka poʻe kānaka i hahai aku iā ia, hoʻōla ihola ʻo ia iā lākou a pau.

KA ʻEUANELIO I KĀKAU ʻIA AI E MATAIO 13:2

He nui loa ka poʻe kānaka i ʻākoakoa mai i ona lā, eʻe akula ia ma luna o kekahi moku, noho ihola; a kū nui maila ua poʻe kānaka lā ma uka.

KA ʻEUANELIO I KĀKAU ʻIA AI E MATAIO 14:14

A pae akula Iesū, ʻike akula ia i nā kānaka he nui loa, haʻehaʻe ke aloha iā lākou, a hoʻōla ihola ia i ko lākou poʻe maʻi.

KA ʻEUANELIO I KĀKAU ʻIA AI E MATAIO 8:1

¶ A iho maila ia mai ka mauna mai, he nui loa ka poʻe i ukali iā ia.

KA ʻEUANELIO I KĀKAU ʻIA AI E MAREKO 1:45

A hiki aku ua kanaka lā i waho, hoʻolaha aʻela ia, a hoʻokaulana loa ia mea; no laila, i ʻole ai e hiki iā Iesū ke komo maopopo i loko o ke kūlanakauhale, i waho aku nō ia i nā wahi mehameha; a hele akula ko kēlā wahi, ko kēia wahi i ona lā.

KA ʻEUANELIO I KĀKAU ʻIA AI E MAREKO 6:33

ʻIke aʻela nā kānaka i ko lākou holo ʻana, a he nui nō hoʻi nā mea i hoʻomaopopo iā ia, holo wāwae akula lākou mai nā kūlanakauhale aku, a hiki mua akula lākou a ʻākoakoa ihola i ona lā.

KA ʻEUANELIO I KĀKAU ʻIA AI E IOANE 11:47

¶ A laila hoʻākoakoa aʻela nā kāhuna nui, a me nā Parisaio i ka ʻahaʻōlelo, ʻī aʻela lākou, “He aha kā kākou e hana ai? No ka mea, ua hana kēia kanaka i nā hana mana he nui nō.

KA ʻEUANELIO I KĀKAU ʻIA AI E IOANE 12:18

No ia mea, nui nā kānaka i hālāwai me ia no ko lākou lohe ʻana i kēia hana mana āna i hana ai.

KA ʻEUANELIO I KĀKAU ʻIA AI E IOANE 12:37

He nui loa nā hana mana āna i hana ai i mua o lākou, ʻaʻole naʻe lākou i manaʻoʻiʻo iā ia.

KA ʻEUANELIO I KĀKAU ʻIA AI E IOANE 2:11

Hana ihola ʻo Iesū i kēia hana mana mua ma Kāna i Galilaia, a hōʻike aʻela ia i kona nani; a manaʻoʻiʻo akula kāna poʻe haumāna iā ia.

KA ʻEUANELIO I KĀKAU ʻIA AI E IOANE 2:23

¶ A i kona noho ʻana ma Ierusalema i ka ʻAhaʻaina Mōliaola, he nui loa nā mea i manaʻoʻiʻo i kona inoa, i ko lākou ʻike ʻana i nā hana mana āna i hana ai.

KA ʻEUANELIO I KĀKAU ʻIA AI E IOANE 20:30

¶ A nui nō hoʻi nā hana mana ʻē aʻe a Iesū i hana ai i mua o kāna poʻe haumāna, ʻaʻole i palapala ʻia i loko o kēia buke.

KA ʻEUANELIO I KĀKAU ʻIA AI E IOANE 3:2

hele akula ia i o Iesū lā i ka pō, ʻī akula iā ia, “E Rabi, ua ʻike mākou he kumu ʻoe i hele mai nei mai ke Akua mai; no ka mea, ʻaʻole e hiki i kekahi kanaka ke hana i kēia mau hana mana āu e hana nei, ke ʻole ke Akua me ia.”

KA ʻEUANELIO I KĀKAU ʻIA AI E IOANE 6:14

ʻŌlelo akula ka poʻe kānaka i ʻike i ka hana mana a Iesū i hana ai, “He ʻoiaʻiʻo, ʻo ke Kāula kēia e hele mai ana i ke ao nei.”

KA ʻEUANELIO I KĀKAU ʻIA AI E IOANE 6:22

¶ Ia lā aku, ʻo ka ʻaha kanaka e kū ana ma kēlā kapa o ka moana wai, ʻike aʻela lākou, ʻaʻole moku ʻē aʻe ma laila, ʻo ka mea wale nō a kāna poʻe haumāna i eʻe aku ai, ʻaʻole naʻe i eʻe pū ʻo Iesū me kāna poʻe haumāna ma luna o ka moku, ʻo kāna poʻe haumāna wale nō i holo.

KA ʻEUANELIO I KĀKAU ʻIA AI E IOANE 6:26

ʻŌlelo maila ʻo Iesū iā lākou, ʻī maila, “Ke ʻimi nei ʻoukou iaʻu, ʻaʻole no ka hana mana a ʻoukou i ʻike ai; akā, no kā ʻoukou ʻai ʻana i nā pōpō berena, a māʻona aʻe.

KA ʻEUANELIO I KĀKAU ʻIA AI E IOANE 6:30

A laila nīnau akula lākou iā ia, “He aha ka hana mana āu e hana mai ai, i ʻike ai mākou, a i manaʻoʻiʻo ai iā ʻoe? He aha kāu e hana ai?