KA ʻEUANELIO I KĀKAU ʻIA AI E IOANE 5:3 - Ka Baibala Hemolele

³ He nui loa nā mea maʻi e moe ana i loko, ʻo nā makapō, nā ʻoʻopa, a me nā lōlō, e kali ana i ka ʻaleʻale o ka wai.

KA ʻEUANELIO I KĀKAU ʻIA AI E IOANE 5:3 Iomraidhean Croise

KA BUKE MUA NO NĀ ALIʻI 13:4

Eia kekahi, i ka lohe ʻana o ke aliʻi i ka ʻōlelo a ke kanaka o ke Akua, ka mea i kāhea i ke kuahu, ma Betela, kīkoʻo akula ʻo Ieroboama i kona lima mai ke kuahu aku, e ʻī ana, “E lālau iā ia!” A maloʻo aʻela kona lima āna i kīkoʻo ai iā ia, ʻaʻole hiki iā ia ke hoʻihoʻi iā ia iho.

NĀ ʻŌLELO AKAMAI A SOLOMONA 8:34

“Pōmaikaʻi ke kanaka ke lohe mai i kaʻu, He kiaʻi hoʻi ʻo ia, i koʻu mau puka i kēlā lā i kēia lā, Ke kakali hoʻi ʻo ia ma nā kia o koʻu mau puka.

KE KANIKAU A IEREMIA 3:26

He mea maikaʻi ke lana ka manaʻo, no ka hoʻōla ʻia mai e Iēhova, me ka ʻekemu ʻole hoʻi.

ZEKARIA 11:17

“Auē ke kahu hipa lapuwale! Ka mea haʻalele i ka ʻohana! E kū kona lima A me kona maka ʻākau i ka pahi kaua; E maloʻo auaneʻi kona lima, A e pouli hoʻi kona maka ʻākau.”

KA ʻEUANELIO I KĀKAU ʻIA AI E MATAIO 15:30

He nui ka poʻe kānaka i hele mai i ona lā, e halihali pū mai ana i nā ʻoʻopa, i nā makapō, i nā ʻāʻā, i nā mumuku, a me nā mea ʻē aʻe he nui wale, a waiho ihola iā lākou ma nā wāwae o Iesū; a hoʻōla ihola ʻo ia iā lākou.

KA ʻEUANELIO I KĀKAU ʻIA AI E MATAIO 4:24

Kuʻi akula kona kaulana i Suria a puni, halihali maila lākou i ona lā i ko lākou poʻe maʻi a pau, i loʻohia e kēlā maʻi kēia maʻi a me nā ʻeha, ʻo ka poʻe i uluhia e nā daimonio, a me ka poʻe hehena, a me ka poʻe lōlō; a hoʻōla maila ʻo ia iā lākou.

KA ʻEUANELIO I KĀKAU ʻIA AI E LUKA 7:22

ʻŌlelo maila ʻo Iesū, ʻī maila iā lāua, “Ō uhoʻi, e haʻi aku ʻolua iā Ioane i kā ʻolua mea i ʻike iho nei, a i lohe iho nei; «ua ʻike nā makapō», ua hele nā ʻoʻopa, ua hoʻomaʻemaʻe ʻia nā lēpero, ua lohe nā kuli, ua hoʻāla ʻia nā make, «ua haʻi ʻia ka ʻōlelo maikaʻi i ka poʻe ʻilihune».

KA ʻEUANELIO I KĀKAU ʻIA AI E IOANE 5:2

A ma Ierusalema, ma ka Puka Hipa, he wai ʻauʻau, ʻo Beteseda ka inoa i ka ʻōlelo Hebera, ʻelima ona mau hale malumalu.

KA ʻEUANELIO I KĀKAU ʻIA AI E IOANE 5:4

No ka mea, i kekahi manawa, iho maila kekahi ʻānela i loko o ka wai ʻauʻau, a hōʻaleʻale i ka wai; a ʻo ka mea i iho mua i loko o ka wai ma hope o ka hōʻaleʻale ʻana o ka wai, ua ola kona maʻi i loʻohia ai ʻo ia.

ʻO KA ʻEPISETOLE A PAULO KA LUNAʻŌLELO I KO ROMA 8:25

Akā, inā e manaʻolana aku kākou i ka mea a kākou i ʻike maka ʻole ai, ua kali kākou ia me ka hoʻomanawanui.

ʻO KA ʻEPISETOLE HOʻOLAHA A IAKOBO 5:7

¶ I nui ke aho, e nā hoahānau, a hiki mai ka Haku. Eia hoʻi, ke kakali nei ka mahi ʻai i ka hua ōhāhā o ka honua, e hoʻomanawanui ana ma ia mea a hiki mai ke kuāua mua a me ke kuāua hope.