KA ʻEUANELIO I KĀKAU ʻIA AI E IOANE 5:10 - Ka Baibala Hemolele

¹⁰ No ia mea, ʻōlelo akula nā Iudaio i ka mea i hoʻōla ʻia, “He Sābati kēia; ʻaʻole ʻoe e pono ke hali i kahi moe.”

KA ʻEUANELIO I KĀKAU ʻIA AI E IOANE 5:10 Iomraidhean Croise

KA WĀNANA A ʻISAIA 58:13

¶ “Inā e mālama ʻoe i kou wāwae i koʻu lā Sābati, ʻAʻole hoʻi e hana i kou leʻaleʻa i koʻu lā hoʻāno; A kapa aku hoʻi i ka lā Sābati, he ʻoliʻoli, Ka mea hemolele o Iēhova, a me ka nani; A hoʻomaikaʻi hoʻi ʻoe ia, me ka hana ʻole i kou mau ʻaoʻao, ʻAʻole me ka ʻimi i kou leʻaleʻa iho, ʻAʻole hoʻi me ka ʻōlelo i kāu mau ʻōlelo iho;

KA WĀNANA A IEREMIA 17:21

‘Ke ʻōlelo mai nei ʻo Iēhova penei, “E mālama ʻoukou i ko ʻoukou kino iho; mai halihali ʻoukou i ka mea halihali i ka lā Sābati, ʻaʻole hoʻi e lawe mai i loko, ma nā puka pā o Ierusalema.

KA WĀNANA A IEREMIA 17:27

“Akā, inā ʻaʻole ʻoukou e hoʻolohe mai iaʻu, e hoʻāno i ka lā Sābati, a e lawe ʻole hoʻi i ka mea lawe, e komo ana hoʻi i loko ma nā puka pā o Ierusalema i ka lā Sābati; a laila, e hoʻā nō wau i ke ahi ma kona mau puka pā, a e hoʻopau nō ia i nā hale aliʻi o Ierusalema, ʻaʻole hoʻi ia e kinai ʻia.”’”

KA ʻEUANELIO I KĀKAU ʻIA AI E MATAIO 12:10

Aia i laila he kanaka, ua maloʻo kona lima; nīnau maila lākou iā ia, i mea e hoʻopiʻi aku ai lākou iā ia, ʻī maila, “He mea pono anei ke hoʻōla aku i ka lā Sābati?”

KA ʻEUANELIO I KĀKAU ʻIA AI E MAREKO 2:24

ʻĪ maila ka poʻe Parisaio iā ia, “No ke aha lā e hana nei lākou, i ka lā Sābati, i ka mea kū ʻole ma ka pono?”

KA ʻEUANELIO I KĀKAU ʻIA AI E MAREKO 3:4

A laila, nīnau maila ʻo ia iā lākou, “He mea pono anei ke hana i ka maikaʻi i nā lā Sābati, a ke hana i ka ʻino paha? Ke hoʻōla anei, ke pepehi paha?” Pili pū ihola lākou.

KA ʻEUANELIO I KĀKAU ʻIA AI E LUKA 13:14

ʻŌlelo akula ka luna hale hālāwai me ka huhū i ko Iesū hoʻōla ʻana ma ka lā Sābati, ʻī akula ia i kānaka, “ʻEono nō lā e hana ai nā kānaka e pono ai; ia mau lā hoʻi e hele mai ai ʻoukou e hoʻōla ʻia, ʻaʻole i ka lā Sābati.”

KA ʻEUANELIO I KĀKAU ʻIA AI E LUKA 23:56

Hoʻi maila lākou, a hoʻomākaukau i nā mea ʻala, a me ka hinu; a hoʻomaha ihola i ka lā Sābati, ma muli o ke kauoha.

KA ʻEUANELIO I KĀKAU ʻIA AI E LUKA 6:2

ʻŌlelo aʻela kekahi poʻe Parisaio iā lākou, “No ke aha lā ʻoukou e hana nei i ka mea kū pono ʻole ke hana i nā lā Sābati?”

KA ʻEUANELIO I KĀKAU ʻIA AI E IOANE 1:19

¶ Eia kā Ioane i hōʻike mai ai, i ka wā i hoʻouna aku ai nā Iudaio i nā kāhuna, a me nā Levi no Ierusalema aku, e nīnau aku iā ia, “ʻO wai ʻoe?”

KA ʻEUANELIO I KĀKAU ʻIA AI E IOANE 5:11

ʻĪ maila ʻo ia iā lākou, “ʻO ka Mea nāna au i hoʻōla, ʻo ia kai ʻōlelo mai iaʻu, ‘E kaʻikaʻi i kou wahi moe, a e hele.’”

KA ʻEUANELIO I KĀKAU ʻIA AI E IOANE 5:15

Hele akula ia kanaka, a haʻi akula i nā Iudaio, ʻo Iesū ka Mea nāna ia i hoʻōla.

KA ʻEUANELIO I KĀKAU ʻIA AI E IOANE 5:16

No ia mea, hoʻomaʻau akula nā Iudaio iā Iesū, a ʻimi lākou e pepehi iā ia, no kāna hana ʻana ia mea i ka lā Sābati.

KA ʻEUANELIO I KĀKAU ʻIA AI E IOANE 7:23

“Inā e ʻoki poepoe ʻia ke kanaka i ka lā Sābati, i haʻi ʻole ʻia ai ke Kānāwai o Mose, ke huhū mai nei anei ʻoukou iaʻu, i kuʻu hoʻōla ʻana i ke kanaka i ka lā Sābati?

KA ʻEUANELIO I KĀKAU ʻIA AI E IOANE 9:16

No ia hoʻi, ʻōlelo aʻela kekahi poʻe o nā Parisaio, “ʻAʻole no ke Akua kēia kanaka; no ka mea, ʻaʻole ia i mālama i ka Sābati.” ʻŌlelo maila kekahi poʻe, “Pehea lā e hiki ai i ke kanaka hewa ke hana i nā hana mana me kēia?” A mokuāhana ihola lākou.