KA ʻEUANELIO I KĀKAU ʻIA AI E IOANE 4:7 - Ka Baibala Hemolele

⁷ Hele aʻela kekahi wahine no Samaria e huki wai; ʻī maila ʻo Iesū iā ia, “Hō mai noʻu e inu.”

KA ʻEUANELIO I KĀKAU ʻIA AI E IOANE 4:7 Iomraidhean Croise

KA BUKE MUA A MOSE, I KAPA ʻIA KINOHI 24:17

Holo akula ua kauā lā e hālāwai me ia, ʻī akula, “Ē, ke noi aku nei au iā ʻoe, e hō mai noʻu i wahi wai o kou bākeke e inu.”

KA BUKE MUA A MOSE, I KAPA ʻIA KINOHI 24:43

eia wau, ke kū nei ma ka luawai, a i ka manawa e hele mai ai ka wahine puʻupaʻa e huki wai ai, a e ʻī aku au iā ia, “Ke noi aku nei au iā ʻoe, e hāʻawi mai noʻu i wahi wai o kou bākeke e inu,”

KA BUKE MUA NO NĀ ALIʻI 17:10

Kū aʻela hoʻi, a hele ia i Sarepeta; a hiki i ka puka o ke kūlanakauhale, aia hoʻi, ma laila ka wahine kāne make e ʻohi ana i nā lālā lāʻau; a kāhea aku ʻo ia i ka wahine, ʻī akula, “Ke noi aku nei au iā ʻoe e lawe mai i wahi wai ʻuʻuku ma loko o ka ipu, e inu au.”

KA ʻEUANELIO I KĀKAU ʻIA AI E MATAIO 10:42

“ʻO ka mea nāna e hāʻawi mai i ke kīʻaha wai huʻihuʻi e inu, no kekahi o kēia mau mea ʻuʻuku; no ka mea, he haumāna ia, he ʻoiaʻiʻo kaʻu e ʻōlelo aku nei iā ʻoukou, ʻaʻole ia e nele i kona uku.”

KA ʻEUANELIO I KĀKAU ʻIA AI E IOANE 19:28

¶ Ma hope aʻela, ʻike ihola ʻo Iesū, ua pau nā mea i ka hana ʻia, ʻī maila ia, i kō ai ka Palapala Hemolele, “Ua make wai au.”

KA ʻEUANELIO I KĀKAU ʻIA AI E IOANE 4:10

ʻŌlelo maila ʻo Iesū iā ia, ʻī maila, “Inā ua ʻike ʻoe i ka makana o ke Akua, a i ka mea hoʻi e ʻōlelo ana iā ʻoe, ‘Hō mai noʻu e inu;’ inā ua noi mai ʻoe iā ia, a ua hāʻawi aku ia i ka wai ola nou.”

KA ʻEUANELIO I KĀKAU ʻIA AI E IOANE 4:6

I laila ka pūnāwai o Iakoba. No ka māluhiluhi o Iesū i ka hele ʻana, noho ihola ia ma ua pūnāwai lā; ʻo ke ono paha ia o ka hora.

KA ʻEUANELIO I KĀKAU ʻIA AI E IOANE 4:8

No ka mea, ua hala aʻela nā haumāna āna i ke kūlanakauhale e kūʻai i ʻai.