KA ʻEUANELIO I KĀKAU ʻIA AI E IOANE 4:34 - Ka Baibala Hemolele

³⁴ ʻŌlelo maila ʻo Iesū iā lākou, “ʻO kaʻu ʻai kēia, e hana au i ka makemake o ka Mea nāna au i hoʻouna mai, a e hoʻopau hoʻi i kāna hana.

KA ʻEUANELIO I KĀKAU ʻIA AI E IOANE 4:34 Iomraidhean Croise

KA BUKE NO IOBA 23:12

“Mai ke kauoha o kona mau lehelehe aku, ʻaʻole au i hele; Ua mālama au i nā ʻōlelo a kona waha ma mua o kuʻu haʻawina ʻai.

KA BUKE O NĀ HALELŪ 40:8

Ke hauʻoli nei au i ka hana aku i kou makemake, e koʻu Akua; ʻOiaʻiʻo, ʻo kou kānāwai hoʻi eia i loko o koʻu naʻau.”

KA ʻEUANELIO I KĀKAU ʻIA AI E MATAIO 26:39

Hele iki akula ia, moe ihola kona alo i lalo, pule akula ia, ʻī akula, “E koʻu Makua ē, inā paha he mea hiki ia, e lawe aku ʻoe i kēia kīʻaha mai oʻu aku nei; akā hoʻi, aia i kou makemake, ʻaʻole i koʻu.”

KA ʻEUANELIO I KĀKAU ʻIA AI E MATAIO 3:15

ʻŌlelo maila ʻo Iesū, ʻī maila iā ia, “E ʻae mai ʻoe ʻānō; no ka mea, pēlā kāua e pono ai ke mālama i ka pono a pau.” A laila, ʻae akula kēlā iā ia.

KA ʻEUANELIO I KĀKAU ʻIA AI E MATAIO 9:19

Kū aʻela ʻo Iesū i luna, hahai akula iā ia me kāna poʻe haumāna.

KA ʻEUANELIO I KĀKAU ʻIA AI E LUKA 15:10

“Pēlā hoʻi, ke ʻōlelo aku nei au iā ʻoukou, he ʻoliʻoli nō i mua o ke alo o ko ke Akua poʻe ʻānela i ke kanaka hewa hoʻokahi e mihi ana.”

KA ʻEUANELIO I KĀKAU ʻIA AI E LUKA 19:10

“No ka mea, ua hele mai nei ke Keiki a ke Kanaka e ʻimi a e hoʻōla i ka mea i nalowale.”

KA ʻEUANELIO I KĀKAU ʻIA AI E LUKA 2:49

ʻĪ maila kēlā iā lāua, “No ke aha lā ʻolua i ʻimi mai nei iaʻu? ʻAʻole anei ʻolua i manaʻo he pono noʻu e lilo ma kā koʻu Makua?”

KA ʻEUANELIO I KĀKAU ʻIA AI E IOANE 17:4

“Ua hoʻonani aku au iā ʻoe ma ka honua nei; ua hoʻopau aku au i ka hana āu i hāʻawi mai ai iaʻu e hana.

KA ʻEUANELIO I KĀKAU ʻIA AI E IOANE 19:28

¶ Ma hope aʻela, ʻike ihola ʻo Iesū, ua pau nā mea i ka hana ʻia, ʻī maila ia, i kō ai ka Palapala Hemolele, “Ua make wai au.”

KA ʻEUANELIO I KĀKAU ʻIA AI E IOANE 19:30

A loaʻa iā Iesū ka vīnega, ʻī maila ia, “Pau akula!” A kūlou ihola kona poʻo, a kuʻu aku ia i ka ʻuhane.

KA ʻEUANELIO I KĀKAU ʻIA AI E IOANE 4:32

ʻĪ maila ʻo ia iā lākou, “He ʻai kaʻu e ʻai ai, ka mea a ʻoukou i ʻike ʻole ai.”

KA ʻEUANELIO I KĀKAU ʻIA AI E IOANE 5:30

¶ “ʻAʻole e hiki iaʻu wale iho, ke hana i kekahi mea: e like me kaʻu i lohe ai, pēlā hoʻi kaʻu e hoʻopaʻi ai; a he pono kaʻu hoʻopaʻi ʻana; no ka mea, ʻaʻole wau e ʻimi i koʻu makemake iho; akā, i ka makemake o ka Makua nāna au i hoʻouna mai.

KA ʻEUANELIO I KĀKAU ʻIA AI E IOANE 5:36

“Akā, he hōʻike koʻu i ʻoi aku ma mua o kā Ioane; no ka mea, ʻo nā hana a ka Makua i hāʻawi mai ai naʻu e hana, ʻo kēia mau hana aʻu e hana nei ke hōʻike mai noʻu, ua hoʻouna mai ka Makua iaʻu.

KA ʻEUANELIO I KĀKAU ʻIA AI E IOANE 6:33

“No ka mea, ʻo kā ke Akua berena, ʻo ia ka mea i iho mai mai ka lani mai, a hāʻawi i ke ola no ko ke ao nei.”

KA ʻEUANELIO I KĀKAU ʻIA AI E IOANE 6:38

“No ka mea, ʻaʻole au i iho mai, mai ka lani mai e hana i koʻu makemake; akā, i ka makemake o ka Mea nāna au i hoʻouna mai.

KA ʻEUANELIO I KĀKAU ʻIA AI E IOANE 8:29

“A ʻo ka Mea nāna au i hoʻouna mai ʻo ia pū kekahi me aʻu; ʻaʻole i waiho wale mai ka Makua iaʻu ʻo wau wale nō; no ka mea, ke hana mau nei au i nā mea āna i ʻoluʻolu ai.”

NĀ ʻOIHANA A KA POʻE LUNAʻŌLELO 20:35

“Ua hōʻike aku nō au iā ʻoukou, i nā mea a pau, a pēlā hoʻi e pono ai ke hana ʻoukou, a e kōkua aku nō hoʻi i ka poʻe palupalu; e manaʻo nō hoʻi i ka ʻōlelo a ka Haku, a Iesū, i kāna ʻī ʻana mai, Ua ʻoi aku ka pōmaikaʻi o ka hāʻawi ʻana aku ma mua o ka loaʻa ʻana mai.”

ʻO KA ʻEPISETOLE A PAULO KA LUNAʻŌLELO I KO HEBERA 12:2

e nānā aku ana hoʻi iā Iesū, i ka Mea nāna i hoʻokumu, nāna hoʻi e hoʻohemolele ko kākou manaʻoʻiʻo; nāna hoʻi i hoʻomanawanui i ke keʻa me ka manaʻo ʻole i ka hilahila, no ka ʻoliʻoli i hoʻomaopopo ʻia ma mua ona, a noho iho hoʻi ma ka lima ʻākau o ka noho aliʻi o ke Akua.