KA ʻEUANELIO I KĀKAU ʻIA AI E IOANE 4:32 - Ka Baibala Hemolele

³² ʻĪ maila ʻo ia iā lākou, “He ʻai kaʻu e ʻai ai, ka mea a ʻoukou i ʻike ʻole ai.”

KA ʻEUANELIO I KĀKAU ʻIA AI E IOANE 4:32 Iomraidhean Croise

KA BUKE NO IOBA 23:12

“Mai ke kauoha o kona mau lehelehe aku, ʻaʻole au i hele; Ua mālama au i nā ʻōlelo a kona waha ma mua o kuʻu haʻawina ʻai.

KA BUKE O NĀ HALELŪ 119:103

Nani ka ʻono o kāu mau ʻōlelo i koʻu puʻu! Ua ʻoi aku ma mua o ko ka meli i koʻu waha.

KA BUKE O NĀ HALELŪ 25:14

ʻO ka manaʻo paʻa o Iēhova aia nō ia me ka poʻe weliweli iā ia; E hōʻike mai nō hoʻi ʻo ia i kona berita iā lākou.

KA BUKE O NĀ HALELŪ 63:5

E māʻona auaneʻi koʻu ʻuhane me he mea lā he ʻono loa a me ka momona; Me nā lehelehe ʻoliʻoli e hoʻoleʻa aku ai koʻu waha;

NĀ ʻŌLELO AKAMAI A SOLOMONA 14:10

Ua ʻike ka naʻau i ke kaumaha o kona ʻuhane iho; ʻAʻohe hoʻi i mea mai ka malihini i kona ʻoliʻoli.

NĀ ʻŌLELO AKAMAI A SOLOMONA 18:20

Ma nā hua o ko ke kanaka waha, e māʻona ai kona ʻōpū; A ma ka waiwai o kona mau lehelehe e piha ai ʻo ia.

KA WĀNANA A ʻISAIA 53:11

E ʻike aku nō ʻo ia i ka hope o ka luhi ʻana o kona ʻuhane, A e ʻoluʻolu ʻo ia; Ma ka ʻike ʻana iā ia, e hoʻāpono nō kaʻu Kauā Hemolele i nā mea he nui, No ka mea, nāna nō e amo i ko lākou hewa.

KA WĀNANA A IEREMIA 15:16

Ua loaʻa nō kāu mau ʻōlelo, a ʻai nō wau ia mau mea; A lilo kāu ʻōlelo iaʻu i mea ʻoliʻoli, a i mea hoʻi e hauʻoli ai koʻu naʻau; No ka mea, ua kapa ʻia wau ma kou inoa, E Iēhova, ke Akua o nā kaua.

KA ʻEUANELIO I KĀKAU ʻIA AI E IOANE 4:31

A ma waena iho, nonoi akula kāna poʻe haumāna iā ia, ʻī akula, “E Rabi, e ʻai.”

KA ʻEUANELIO I KĀKAU ʻIA AI E IOANE 4:33

No ia mea, nīnau aʻela nā haumāna kekahi i kekahi, “Ua lawe mai anei kekahi i ʻai nāna?”

KA ʻEUANELIO I KĀKAU ʻIA AI E IOANE 4:34

ʻŌlelo maila ʻo Iesū iā lākou, “ʻO kaʻu ʻai kēia, e hana au i ka makemake o ka Mea nāna au i hoʻouna mai, a e hoʻopau hoʻi i kāna hana.

NĀ ʻOIHANA A KA POʻE LUNAʻŌLELO 20:35

“Ua hōʻike aku nō au iā ʻoukou, i nā mea a pau, a pēlā hoʻi e pono ai ke hana ʻoukou, a e kōkua aku nō hoʻi i ka poʻe palupalu; e manaʻo nō hoʻi i ka ʻōlelo a ka Haku, a Iesū, i kāna ʻī ʻana mai, Ua ʻoi aku ka pōmaikaʻi o ka hāʻawi ʻana aku ma mua o ka loaʻa ʻana mai.”

KA HŌʻIKE ʻANA A IOANE KA HAIPULE 2:17

‘ʻO ka mea pepeiao lā, e hoʻolohe ia i ka mea a ka ʻUhane e ʻōlelo nei i nā ʻekalesia; ʻO ka mea lanakila, e hāʻawi aku au iā ia e ʻai i ka mane i hūnā ʻia, a e hāʻawi nō hoʻi au iā ia i ka pōhaku keʻokeʻo, a ma luna iho o ua pōhaku lā, ua palapala ʻia ka inoa hou, ʻaʻole mea ʻike ia inoa, ʻo ka mea wale nō iā ia ka pōhaku.’