KA ʻEUANELIO I KĀKAU ʻIA AI E IOANE 4:20 - Ka Baibala Hemolele

²⁰ “Ma luna o kēia mauna ko mākou poʻe mākua i hoʻomana ai; akā, ke ʻōlelo mai nei ʻoukou, aia ma Ierusalema kahi pono e hoʻomana aku ai.”

KA ʻEUANELIO I KĀKAU ʻIA AI E IOANE 4:20 Iomraidhean Croise

KA BUKE MUA NO NĀ ALIʻI 9:3

A ʻōlelo maila ʻo Iēhova iā ia, “Ua lohe aʻe nei au i kāu pule a me kou nonoi ʻana āu i haipule mai ai i mua oʻu; a ua hoʻāno aʻe nei au i kēia hale āu i kūkulu mai nei e waiho mau loa i koʻu inoa ma laila; a ma laila mau nō hoʻi koʻu mau maka a me koʻu naʻau.

KA BUKE MUA O KA ʻOIHANA ALIʻI 21:26

A hana ihola ʻo Dāvida i kuahu no Iēhova ma laila, a kaumaha akula i nā mōhai kuni, a me nā mōhai hoʻomalu, a kāhea akula ʻo ia iā Iēhova; a maliu maila ʻo ia iā ia mai ka lani mai i ke ahi ma luna o ke kuahu mōhai kuni.

KA BUKE MUA O KA ʻOIHANA ALIʻI 22:1

¶ A laila ʻōlelo maila ʻo Dāvida, “Eia ka hale o Iēhova ke Akua; eia hoʻi ke kuahu o ka mōhai kuni no kā ʻIseraʻela.”

KA BUKE ʻALUA O KA ʻOIHANA ALIʻI 6:6

‘Akā, ua wae aku au iā Ierusalema i waiho ʻia ai koʻu inoa ma laila; a ua wae aku au iā Dāvida e noho ma luna o koʻu poʻe kānaka, ʻo kā ʻIseraʻela.’

KA BUKE ʻALUA O KA ʻOIHANA ALIʻI 7:12

Ua ʻike ʻia mai ʻo Iēhova e Solomona i ka pō, a ʻōlelo mai ʻo ia iā ia, “Ua lohe au i kāu pule, a ua koho au i kēia wahi noʻu i hale mōhai.

KA BUKE ʻALUA O KA ʻOIHANA ALIʻI 7:16

“ʻĀnō hoʻi, ua koho au, a ua hoʻolaʻa au i kēia hale e waiho mau loa ai i koʻu inoa ma laila; a ma laila koʻu mau maka a me koʻu naʻau i nā lā a pau loa.

KA BUKE O NĀ HALELŪ 132:13

¶ No ka mea, ua wae mai ʻo Iēhova iā Ziona, A ua makemake ʻo ia ia, i wahi noho ai nona.

KA BUKE O NĀ HALELŪ 78:68

Akā, wae nō ia i ka ʻohana o Iuda, I ka mauna hoʻi ʻo Ziona āna i aloha ai.

KA WĀNANA A ʻISAIA 66:1

¶ Pēia kā Iēhova e ʻōlelo mai nei, “ʻO ka lani nō koʻu noho aliʻi, a ʻo ka honua hoʻi koʻu keʻehana wāwae. ʻAuhea ka hale a ʻoukou e hana mai ai noʻu? ʻAuhea hoʻi koʻu wahi e hoʻomaha ai?

KA ʻEUANELIO I KĀKAU ʻIA AI E LUKA 9:53

ʻAʻole hoʻi lākou i hoʻokipa iā ia no ke kau pono ʻana o kona maka e hele i Ierusalema.

KA ʻEUANELIO I KĀKAU ʻIA AI E IOANE 4:12

“Ua ʻoi aku anei ʻoe ma mua o Iakoba o ko mākou kupuna, nāna i hāʻawi kēia pūnāwai no mākou, a nāna hoʻi i inu i ka wai, a me kāna poʻe keiki, a me kāna poʻe holoholona?”

KA BUKE ʻALIMA A MOSE, I KAPA ʻIA KĀNĀWAI LUA 11:29

“Aia hoʻokomo aku ʻo Iēhova kou Akua iā ʻoe i ka ʻāina āu e hele aku nei a noho i laila, e kau aku ʻoe i ka pōmaikaʻi ma ka puʻu ʻo Gerizima, a i ka pōʻino ma ka puʻu ʻo ʻEbala.

KA BUKE ʻALIMA A MOSE, I KAPA ʻIA KĀNĀWAI LUA 27:12

“Eia nā mea e kū ma ka mauna ʻo Gerizima e hoʻomaikaʻi aku i nā kānaka, i ko ʻoukou hiki ʻana aku i kēlā kapa o Ioredane: ʻo kā Simeona, ʻo kā Levi, ʻo kā Iuda, ʻo kā ʻIsakara, ʻo kā Iosepa, a me kā Beniamina;