KA ʻEUANELIO I KĀKAU ʻIA AI E IOANE 3:3 - Ka Baibala Hemolele

³ ʻŌlelo maila ʻo Iesū iā ia, ʻī maila, “ʻOiaʻiʻo, he ʻoiaʻiʻo kaʻu e ʻōlelo aku nei iā ʻoe, inā e hānau hou ʻole ʻia ke kanaka, ʻaʻole e hiki iā ia ke ʻike aku i ke aupuni o ke Akua.”

KA ʻEUANELIO I KĀKAU ʻIA AI E IOANE 3:3 Iomraidhean Croise

KA WĀNANA A IEREMIA 5:21

‘E hoʻolohe mai ʻoukou i kēia, e ka lāhui kanaka lapuwale, A naʻauao ʻole; Ka poʻe mea maka, a ʻike ʻole, Ka poʻe mea pepeiao, a lohe ʻole;

KA WĀNANA A ʻEZEKIʻELA 36:26

“He naʻau hou nō hoʻi kaʻu e hāʻawi aku ai iā ʻoukou, a he ʻuhane hou nō hoʻi kaʻu e uhao ai i loko o ʻoukou; a e lawe aʻe au i ka naʻau pōhaku mai loko aʻe o ko ʻoukou ʻiʻo, a e hāʻawi aku au i ka naʻau ʻiʻo iā ʻoukou.

KA ʻEUANELIO I KĀKAU ʻIA AI E MATAIO 16:17

ʻŌlelo maila ʻo Iesū, ʻī maila iā ia, “Pōmaikaʻi ʻoe, e Simona ke keiki a Iona; no ka mea, ʻaʻole na ke kanaka ia i hōʻike mai iā ʻoe; akā na koʻu Makua nō i loko o ka lani.

KA ʻEUANELIO I KĀKAU ʻIA AI E MATAIO 19:24

“Eia hou ke ʻōlelo aku nei au iā ʻoukou, e hiki ʻē ke kāmelo ke komo ma ka puka o ke kui kele ma mua o ke komo ʻana o ke kanaka waiwai i loko o ke aupuni o ka lani.”

KA ʻEUANELIO I KĀKAU ʻIA AI E MATAIO 21:31

“ʻO wai ko lāua mea nāna i hana ka makemake o ka makua?” ʻĪ maila lākou iā ia, “ʻO ka mua.” ʻĪ akula Iesū iā lākou, “He ʻoiaʻiʻo kaʻu e ʻōlelo aku nei iā ʻoukou, e komo ʻē ka poʻe luna ʻauhau a me nā wāhine hoʻokamakama ma mua o ʻoukou i loko o ke aupuni o ke Akua.

KA ʻEUANELIO I KĀKAU ʻIA AI E MATAIO 5:18

“No ka mea, he ʻoiaʻiʻo kaʻu e ʻōlelo aku nei iā ʻoukou, e lilo ʻē ka lani a me ka honua, ʻaʻole e lilo kahi huna, ʻaʻole hoʻi kahi lihi iki o ke Kānāwai, a pau loa aʻela ia i ka hoʻokō ʻia.

KA ʻEUANELIO I KĀKAU ʻIA AI E MAREKO 10:14

ʻIke maila Iesū, a laila, huhū ihola ia, ʻī maila iā lākou, “E ʻae aku ʻoukou i kamaliʻi ke hele mai i oʻu nei, mai pāpā aku hoʻi iā lākou; no ka mea, e like me lākou nei ke aupuni o ke Akua.

KA ʻEUANELIO I KĀKAU ʻIA AI E MAREKO 9:47

“A inā hoʻohihia mai kou maka iā ʻoe, e pōʻalo aʻe; no ka mea, e aho nou ke komo maka kahi i loko o ke ola, i ke kiola ʻia aku i ke ahi o Gehena me nā maka ʻelua;

KA ʻEUANELIO I KĀKAU ʻIA AI E IOANE 1:13

ʻo ka poʻe i hānau ʻia, ʻaʻole na ke koko, ʻaʻole na ka makemake o ke kino, ʻaʻole hoʻi na ka makemake o ke kanaka, na ke Akua nō.

KA ʻEUANELIO I KĀKAU ʻIA AI E IOANE 1:5

Puka maila ka mālamalama i loko o ka pouli, ʻaʻole naʻe i hoʻokipa ka pouli iā ia.

KA ʻEUANELIO I KĀKAU ʻIA AI E IOANE 1:51

ʻŌlelo maila ʻo ia iā ia, “ʻOiaʻiʻo; he ʻoiaʻiʻo kaʻu e ʻōlelo aku nei iā ʻoukou, Ma hope aku e ʻike ʻoukou i ka lani e hāmama ana, a me nā ʻānela o ke Akua e piʻi aku ana, a e iho mai ana ma luna iho o ke Keiki a ke Kanaka.”

KA ʻEUANELIO I KĀKAU ʻIA AI E IOANE 12:40

“«Ua hoʻomakapō ʻo ia i ko lākou mau maka, ua hoʻopaʻakikī i ko lākou naʻau, o ʻike ko lākou mau maka, o manaʻo hoʻi ko lākou naʻau, o hoʻohuli ʻia mai lākou, a e hoʻōla aku au iā lākou».”

KA ʻEUANELIO I KĀKAU ʻIA AI E IOANE 3:4

Nīnau akula ʻo Nikodemo iā ia, “Pehea lā e hiki ai i ke kanaka ke hānau ʻia i kona wā kahiko? E hiki anei iā ia ke komo hou i loko o ka ʻōpū o kona makuahine, a e hānau ʻia mai?”

ʻO KA ʻEPISETOLE LUA A PAULO KA LUNAʻŌLELO I KO KORINETO 4:4

Ma o lākou lā, ua hoʻomakapō mai ko kēia ao akua i nā naʻau o ka poʻe hoʻomaloka, o akāka mai auaneʻi iā lākou ka mālamalama o ka ʻeuanelio nani a Kristo; ʻo ia ko ke Akua mea like.

ʻO KA ʻEPISETOLE LUA A PAULO KA LUNAʻŌLELO I KO KORINETO 5:17

No ia mea, inā i loko o Kristo kekahi kanaka, he mea hou ʻo ia; ua hala akula nā mea kahiko; aia hoʻi, ua ʻano hou aʻela nā mea a pau.

ʻO KA ʻEPISETOLE A PAULO KA LUNAʻŌLELO I KO GALATIA 6:15

No ka mea, i loko o Kristo Iesū ʻaʻole ke ʻoki poepoe ʻia ka mea e pono ai, ʻaʻole hoʻi ke ʻoki poepoe ʻole ʻia; akā, ʻo ka mea i hana hou ʻia.

ʻO KA ʻEPISETOLE A PAULO KA LUNAʻŌLELO I KO ʻEPESO 2:1

¶ ʻO ʻoukou hoʻi kekahi, ʻo ka poʻe i make i loko o nā hala a me nā hewa;

KA BUKE ʻALIMA A MOSE, I KAPA ʻIA KĀNĀWAI LUA 29:4

“Akā, ʻaʻole ʻo Iēhova i hāʻawi mai iā ʻoukou i naʻau noʻonoʻo, i maka ʻike, a i pepeiao lohe a hiki i kēia lā.

ʻO KA ʻEPISETOLE A PAULO IĀ TITO 3:5

ʻaʻole no nā hana pono a kākou i hana ai; akā, ma kona aloha wale, ua hoʻōla ʻo ia iā kākou, ma ka holoi hoʻohānau hou ʻana, a ma ka hana hou ʻia e ka ʻUhane Hemolele,

ʻO KA ʻEPISETOLE HOʻOLAHA A IAKOBO 3:17

Akā, ʻo ke akamai no luna mai, he maʻemaʻe nō ia ma mua, a laila he noho mālie, he akahai, he ʻoluʻolu, he piha hoʻi i ka lokomaikaʻi a me ka hua maikaʻi, ʻaʻole loa e manaʻo ʻino aku, ʻaʻole hoʻi he hoʻokamani.

ʻO KA ʻEPISETOLE HOʻOLAHA MUA A PETERO 1:3

¶ E hoʻomaikaʻi ʻia aku ke Akua, ka Makua o ko kākou Haku ʻo Iesū Kristo, no kona lokomaikaʻi nui iho, nāna nō i hoʻohānau mai iā kākou, i lana mau loa ai ka manaʻo, ma ke ala hou ʻana o Iesū Kristo, mai ka make mai;

ʻO KA ʻEPISETOLE HOʻOLAHA MUA A IOANE 2:29

Inā i ʻike ʻoukou, he pono ʻo ia, ke ʻike nei nō hoʻi ʻoukou, ua hoʻohānau ʻia mai e ia nā mea a pau e hana ana i ka pono.

ʻO KA ʻEPISETOLE HOʻOLAHA MUA A IOANE 3:9

ʻO ka mea i hoʻohānau ʻia mai e ke Akua, ʻaʻole ia e hana hewa; no ka mea, ke noho mau nei kona hua i loko ona; ʻaʻole e hiki iā ia ke hana hewa aku; no ka mea, ua hoʻohānau ʻia mai nō ia e ke Akua.

ʻO KA ʻEPISETOLE HOʻOLAHA MUA A IOANE 5:1

¶ ʻO ka mea i manaʻoʻiʻo ʻo Iesū ka Mesia, na ke Akua ia i hoʻohānau mai; a ʻo ka mea i aloha aku i ka Mea nāna i hoʻohānau mai, ʻo ia ke aloha aku i ka mea i hoʻohānau ʻia mai e ia.

ʻO KA ʻEPISETOLE HOʻOLAHA MUA A IOANE 5:18

¶ Ua ʻike nō kākou, ʻo ka mea i hoʻohānau ʻia mai e ke Akua, ʻaʻole e hana hewa ia; akā, ʻo ka mea i hoʻohānau ʻia mai e ke Akua, e mālama ana ʻo ia iā ia iho, ʻaʻole e hoʻopā ka mea hewa iā ia.

ʻO KA ʻEPISETOLE HOʻOLAHA MUA A IOANE 5:4

No ka mea, ʻo ka mea a ke Akua i hoʻohānau mai, ʻo ia ke lanakila ma luna o ke ao nei; eia ka mea e lanakila ai ma luna o ke ao nei, ʻo ko kākou manaʻoʻiʻo ʻana.

KA HŌʻIKE ʻANA A IOANE KA HAIPULE 3:14

¶ “E palapala aku ʻoe i ka ʻānela o ka ʻekalesia ma Laodikeia: Ke ʻī mai nei ka ʻĀmene, ka Hōʻike hoʻopono a me ka ʻoiaʻiʻo, ke Poʻo o nā mea a ke Akua i hana ai: